გლობალურ ბაზრებზე ოქროს მიმართ მოთხოვნა იზრდება. ზედიზედ რამდენიმე თვეა, ცენტრალური ბანკები რეზერვებს ზრდიან და ეს ტენდენცია გაგრძელდება. როგორც ქართველი  სპეციალისტები ამბობენ, მსოფლიო მონეტარულ პოლიტიკაში დიდი ძვრები ხდება და ამ პროცესში ერთვება საქართველოც, რაც ჩანს კიდეც ეროვნული ბანკის ქმედებებში, რომელიც უკვე ოქროს არეზერვებს. არ არის გამორიცხული, მსოფლიო ე.წ. ოქროს სტანდარტს დაუბრუნდეს. 

ფქვილის ღირებულება გაიზარდა. ფასში სხვაობა დიდი არ არის, მაგრამ შესაძლოა, ამან მომავალში პური გააძვიროს. მეპურეები მიიჩნევენ, რომ პირველადი მოთხოვნის პროდუქციის გაძვირების საფრთხის აღკვეთა ხელისუფლებას შეუძლია, რაც ფქვილზე დაწესებული დროებითი საიმპორტო გადასახადის შემცირებით მოხდება.

ევროპის ქვეყნებში პოლიტიკური კრისიზია. არაერთ სახელწიფოში გამოსვლები და საპროტესტო აქციები უკვე ყოველიურად ამბად იქცა. ეს ხდება მაშინ, როდესაც ევროპის ქვეყნის ლიდერები საქართველოს მთავრობას პოლიტიკას და გადადგმულ ნაბიჯებს უწუნებენ. საინტერესოა, რა გამოწვევები იქნება 2025 წელს მსოფლიოში ეკონომიკური კუთხით და რა გავლენას იქონიებს საქართველოზე. 

2025 წელი უძრავი ქონების ბაზრისთვის არასახარბიელოდ დაიწყო. მართალია, კრიზისი არ იგრძნობა, თუმცა წინა წლის ანალოგიურ პერიოდთან შედარებით, დიდი ვარდნა შეინიშნება. ამ მხრივ პოლიტიკურმა დაძაბულობამ ძალიან იმ იმოქმედა, რადგან ბინების შეძენისგან ყველა მაქსიმალურად იკავებს თავს და მოვლენებს აკვირდება. უნდა ითქვას, რომ ბოლო პერიოდში მოთხოვნაც და ფასებიც ზედმეტად იყო გაბერილი. გაყიდვებმა უკვე იკლო, თუმცა ღირებულების კუთხით ვითარება ჯერჯერობით უცვლელია.

საქართველოს ეკონომიკა სტაბილურობას პოლიტიკური დაძაბულობის პირობებშიც ინარჩუნებს. ძირითადი პარამეტრები შენარჩუნებულია და ეს მოცემულობა არ იცვლება. ლარის კურსმა კი სულაც გამყარებისკენ აიღო გეზი. მიუხედავად ამისა, რადიკალურად განწყობილი ოპოზიციის ნაწილი, ასევე ბიზნესი კრიზისზე განუწყვეტლივ საუბრობს. ანალიტიკოსები კი რეალურ მდგომარეობას განსხვავებულად აფასებენ. პროტესტი არ არის იმ მასშტაბის, რომ ეკონომიკური პროცესები დაამუხრუჭოს.

ბიზნესი დასაქმებულებს ხელფასს ვერ გაუზრდის. ამის მიზეზი, გარკვეულწილად, ქვეყანაში მიმდინარე პროცესებია, რამაც კომპანიების უმეტესობას პრობლემა შეუქმნა. ბოლო თვეების განმავლობაში ანაზღაურების ზრდა ისედაც შეჩერებული იყო. მართალია, სტატისტიკა დადებით დინამიკას აჩვენებს, მაგრამ საერთო ფონი მაინც არასახარბიელოა. პოლიტიკურმა დაძაბულობამ ეკონომიკურ და ბიზნეს გარემოზე იმოქმედა. აქედან გამომდინარე, ხელფასის ზრდა ტემპი შენელებული ან შეჩერებული იქნება. 

ერთი კვირის წინ გაკეთებული მოწოდების შემდეგ მთავრობა ბიზნეს წარმომადგენლებს შეხვდა და მათთან ერთად საქართველოში მიმდინარე პროცესები განიხილა. ირაკლი კობახიძე ბიზნესს ქვეყანაში მშვიდობას დაპირდა, რისი იმედიც კერძო სექტორის დიდ ნაწილს ნამდვილად გააჩნია. ორი დღის წინ გამართული შეხვედრა ნაყოფიერი აღმოჩნდა და ამის შემდეგ მოლოდინია, რომ ყველაფერი კალაპოტში ჩადგება და კერძო სექტორის დიდი ნაწილი პროტესტს გამოეყოფა. 

ბიზნესის გაფიცვაზე "წამოკიდების" მცდელობა ჩავარდა. რადიკალურ ოპოზიციას მოლოდინმა არ გაუმართლა, ბიზნესის დიდმა ნაწილმა, თუნდაც 2 საათით გაფიცვა არ ისურვა და შეიძლება ითქვას, ვერც გარისკა. ოპოზიციას იმედი გაუწბილა ევროპის საბჭოს გენერალური მდივნის ალენ ბერსეს პოზიციამაც, რომელმაც შეშფოთება გამოთქვა პოლარიზაციის გაღრმავებისა და მოვლენების პოლიტიკურ ჩიხში შესვლის გამო. როგორც ცნობილია, მან მან ასევე მზადყოფნა გამოხატა, არსებული კრიზისის დასაძლევად აწარმოოს კონსტრუქციული დიალოგი ყველა შესაბამის პარტნიორთან. თავის მხრივ, საქართველოს მთავრობაც უფრო თავდაჯერებულია. პრემიერ-მინისტრმა ირაკლი კობახიძემ გუშინდელ პრესკონფერენციაზე განაცხადა, რომ დეკემბრიდან  ელოდებიან ბიზნეს გარემოს გამოცოცხლებას და ბიზნეს პროცესების მაქსიმალურად გააქტიურებას.

ბოლო პერიოდში განვითარებული მოვლენების გამო ბიზნესი სერიოზულად დაზარალდა. ფაქტობრივად არ დარჩა, არც ერთი სეგმენტი, სადაც საპროტესტო აქციები უარყოფითად არ აისახა. ეს ეხება როგორც ტანსაცმლის ინდუსტრიას, ასევე სპორტული ინვენტარის, ტექნიკისა და კვების სეგმენტსაც, სადაც ძირითადი მოხმარების პროდუქტების გარდა, რეალიზაცია მკვეთრად შემცირებულია. მართალია, კრიზისი არ არ არის, მაგრამ სექტორი ვერ ვითარდება, შესაბამისად, ყველა საშუალო და გრძელვადიანი პროექტები დაპაუზებულია.

საქართველოში ავტოპარკის გაახალგაზრდავების პროცესი მიმდინარეობს. მართალია, ქვეყნის მასშტაბით ჯერ კიდევ ბევრი ასაკოვანი ავტომობილი გადაადგილდება, თუმცა მათი რაოდენობა წლიდან წლამდე იკლებს, რა მიმართულებითაც ქვეყანამ გარკვეულ შედეგს მიაღწია. თუმცა დარგი მაინც  სერიოზულ პრობლემას განიცდის იმის გამო, რომ მოქალაქეების უმეტესობა ჯერ კიდევ ძველ მანქანებს ყიდულობს. ეს კი პრობლემს ქმნის ეკოლოგიური თვალსაზრისითაც. მოძველებული ავტოპარკით ჰაერის ხარისხის გაუმჯობესება თითქმის შეუძლებელი იქნება.

ციტრუსის სეზონი დასასრულს უახლოვდება. ბუნებრივი პირობებიდან გამომდინარე, მოსავალი წელს რეკორდული არ არის, მაგრამ ყველა პირობაა იმისთვის, რომ ნარინჯისფერი რთველით ყველა მხარე იყოს კმაყოფილი - სახელმწიფოც, ბიზნესიც და მოსახლეობაც.  მოლოდინი დადებითია, რის იმედსაც გარემოს დაცვისა და სოფლის მეურნეობის სამინისტროს მხრიდან გატარებული ღონისძიებები იძლევა. 

მიუხედავად იმისა, რომ ინფლაცია დაბალ ნიშნულზე ნარჩუნდება, ეროვნულმა ბანკმა თავი დაიზღვია და რეფინანსირების განაკვეთი 8%-ზე დატოვა. ფასების ინდექსის კუთხით 2024 წელი, წინა წლების მსგავსად, პოზიტიურად სრულდება, თუმცა დაძაბული პოლიტიკური სიტუაციის გამო, მომავალი გაურკვეველია და შესაძლოა, დაბალი ინფლაციის შენარჩუნება გაჭირდეს.