რუსთავის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და რუსთავში მომხდარი ოთხი ადამიანის მკვლელობის და ერთის მძიმედ დაჭრის  ფაქტზე ბრალდებული დამნაშავედ სცნო და სამუდამო პატიმრობა მიუსაჯა. საქმე ეხება რუსთავში მომხდან გახმაურებულ დანაშაულს, როდესაც სამსახურიდან დათხოვნილმა მამაკაცმა პირდაპირ ბაზარში მოკლა თავისი ყოფილი დამსაქმებელი, რომელიც ბიძად ეკუთვნოდა, და მასთან ერთად კიდევ 3 ადამიანი.

იტალიაში თავდასხმისა და ყაჩაღობის ბრალდებით საქართველოს 33 წლის მოქალაქე დააკავეს. ადგილობრივი მედიის ცნობით, დაკავებული 1991 წელს დაბადებული დათო ადეიშვილია. როგორც იტალიური მედია ამტკიცებს, ქართველი კაცი ადგილობრივ კრიმინლურ დაჯგუფებასთან ერთად მოქმედებდა. ისინი თავს ყოფილ დამსაქმებელს დაესხნენ და სასტიკად სცემეს ცოლ-შვილის თვალწინ. 

ძრაცვა ქუთაისში - უცნობმა პირმა მაღაზიიდან თანხა გაიტაცა. თვითმხილველების თქმით, ამ დრომდე დაუდგენელი პირი, თამარ მეფის ქუჩაზე, მაღაზია “ნიკორას” ფილიალში შეიჭრა და თანხა გაიტაცა. 

როგორც  ქსელური მარკეტის თანამშრომლები იხსენებენ, უცნობმა პირმა სალაროს თარო, სადაც თანხა იყო, მთლიანად მოგლიჯა და გაიქცა. წაღებული თანხა 220 ლარამდე შეადგენს. 

თურქული მედიის ინფორმაციით, ანტალიაში 16 წლის ქართველ გოგოზე მეზობელმა სექსუალურად იძალადა. როგორც მედია წერს, მოზარდი შშმ პირია, ძალადობაში ბრალდებული კი დაკავებულია.  

მედიის ცნობით, მეზობელი კაცი ქართველების ოჯახში ელექტროობის შესაკეთებლად იმყოფებოდა. კაცმა შეზღუდული შესაძლებლობის მქონე არასრულწლოვანი თავის სამუშაო სივრცეში წაიყვანა და იძალადა. მას შემდეგ, რაც მომხდარის შესახებ გოგონას ოჯახმა გაიგო, სამართალდამცველებს მიმართა. პოლიციამ გოგონა დაკითხა და მისი ჩვენების საფუძველზე მამაკაცი დააკავეს.

სამეგრელოში 14 წლის ბიჭს 8 წლის გოგონას გაუპატიურების ბრალდებით 10 წლიანი პატიმრობა მიუსაჯეს. გახმაურებული ამბავი მიმდინარე წლის აპრილში მოხდა. 

რადგან საქმეში არასრუწლოვნები ფიგურირებენ, კონკრეტულად ადგილის დასახელებისგან და მათი ვინაობის იდენტიფიცირების საფრთხის გამო, თავს შევიკავებთ. საქმის დეტალები კი საკამოდ მძიმეა, რის შემდეგაც მოსამართლემ გამამტყუნებელი განაჩენი გამოიტანა. 

2022 წელს დაწყებული მასშტაბური გამოძიების შედეგად, გასულ კვირას გერმანიის პოლიციამ კარგად ორგანიზებული კრიმინალური დაჯგუფების წევრები დააკავა. ეს დაჯგუფება ძარცვითა და ქურდობით იყო დაკავებული. ნაქურდალის ნაწილს ისინი ფოსტით აგზავნიდნენ საქართველოში, ნაწილი კი დაჯგუფების ლიდერს, ეროვნებით ქართველს, თავად ჩამოჰქონდა სატვირთო მანქანით გერმანიიდან.

გივი თარგამაძის აფეთქების საქმეზე ახალი გარემოებები ხდება ცნობილი. პროკურატურის მტკიცებით, აფეთქებამდე გივი თარგამაძის თვალთვალის დავალება მიხეილ სააკაშვილმა გასცა. უწყებაში ისაუბრეს იმ ჩვენების დეტალებზე, რომელიც გამოძიებას საქმის ფარგლებში დაკავებულმა მისცა. ამ ჩვენების მიხედვით, საქმეზე დაკავებული დარჩო ხეჩუაშვილი პროკურატურას უყვება, რომ მასთან კონტაქტზე გავიდა ქართველი კრიმინალური ავტორიტეტი შოთა ჭიჭიაშვილი, რომელმაც განუცხადა, რომ შეხვდა შინაგან საქმეთა ყოფილ მინისტრს, გია ლორთქიფანიძეს და მიხეილ სააკაშვილს- ყოფილი პრეზიდენტისგან კი მან გივი თარგამაძის თვალთვალის დავალება მიიღო.

ქობულეთის სოფელ ლეღვაში მომხდარი მკვლელობის ახალი დეტალები ხდება ცნობილი. როგორც ირკვევა, 40 წლამდე მამაკაცმა თავისი მეზობელი  სახლის აივანზე მოკლა. ამ უმძიმეს ფაქტს კი თვითმხილველები ჰყავს, რომლებიც ჰყვებიან, რომ ახალგაზრდა მამაკაცმა პენსიონერი მეზობელი დაუნდობლად, განზრახ გამოასალმა სიცოცხლეს.

იტალიაში, ქალაქ მილანში სუნამოების ქურდობის ბრალდებით საქართველოს მოქალაქე დააკავეს. როგორც ადგილობრივი მედია წერს, 31  წლის კაცმა 6 შეკვრა ძვირადღირებული სუნამოს მოპარვა სცადა, თუმცა მაღაზიის კონსულტანტებმა ქურდობის ფაქტი დააფიქსირეს. მამაკაცი გაქცევას შეეცადა, მაგრამ მაღაზიის დაცვამ მისი დაკავება შეძლო. ბრალდებული ადგილზე მისულ პოლიციას გადასცეს. 

მარნეულში ბიზნესმენ შამო ორუჯოვის სახლს  5 ოქტომბერს გამთენიისას 16 ტყვია ესროლეს. სახლში იმყოფებოდნენ როგორც თავად ბიზნესმენი, ასევე მისი ოჯახის წევრები და მათ შორის მცირეწლოვანი ბავშვები. მომხდარის შედეგად არავინ დაშავებულა, თუმცა სროლის ხმა ყველამ გაიგო  და პოლიციაში დარეკეს. ადგილობრივები ამბობდენ, რომ რაიონში ბიზნესმენების ტერორიზებამ და მათთვის ფულის გამოძალვამ სისტემატური ხასიათი მიიღო და ამას ერთი და იგივე კრიმინალური ჯგუფი აკეთებს.

ბაღდათის მუნიციპალიტეტის სოფელ როხში ოჯახი დააყაჩაღეს - წაღებულია 10 000 ლარი და ძვირადღირებული ნივთები. როგორც ადგილობრივები ყვებიან, ცეცხლსასროლი იარაღით შეიარაღებული პირები სანიკიანების ოჯახში შეიჭრნენ და თანხასა და ძვირფასეულობას ითხოვდნენ.  უარის მიღების შემდეგ კი მათ ფიზიკურად გაუსწორდნენ. ნაცემი  ოჯახის ერთ-ერთი წევრი, შუახნის კაცი, კლინიკაში გადაიყვანეს. 

თბილისის საქალაქო სასამართლომ ფსიქიატრიულ-ფსიქოლოგიური ექსპერტიზის ჩატარების შესახებ, ბრალდების მხარის შუამდგომლობა დააკმაყოფილა, - ამის შესახებ პროკურორმა, გრიგოლ ნიშნიანიძემ სხდომის დასრულების შემდგომ ჟურნალისტებს განუცხადა. ბექა ჯაიანის წინა სასამართლო სხდომა 7 ნოემბრისთვის ჩაინიშნა. აბრამიძის დას კი, პროკურატურამ დაზარალებულის უფლებამონაცვლის სტატუსი მიანჭა.