უბედური შემთხვევა კახეთში - სიღნაღის მუნიციპალიტეტში, ქალაქ წნორში 9 წლის მოზარდი დამხრჩვალი იპოვეს. როგორც ადგილობრივები ჰყვებიან, შემთხვევა 17 ივნისს, საღამოს 9 საათზე მოხდა. მათი ინფორმაციით, ბიჭი მაღაზიაში მიდიოდა, როდესაც ძლიერმა წვიმამ მოუსწრო. ისინი ვარაუდობენ, რომ სწორედ წვიმისა და ქარის გამო ბავშვი სანიაღვრე არხში ჩავარდა, სადაც ძლიერი დინება იყო და ამოსვლა ვეღარ შეძლო. მეზობლებმა და ახლობლებმა ბავშვი, რამდენიმესაათიანი ძებნის შემდეგ, სწორედ სანიაღვრე არხში გარდაცვლილი იპოვეს.

„იმედის" ინფორმაციით, „დროას" დამფუძნებელ ელენე ხოშტარიას ოჯახის წევრის ანგარიშზე რუსეთიდან, პერიოდულად, მილიონობით რუსული რუბლი ირიცხება, გადმორიცხვები არ შეჩერებულა უკრაინაში რუსეთის მიერ დაწყებული საომარი მოქმედებების შემდეგაც. ანალიტიკოსები მიიჩნევენ, რომ აქ მნიშვნელოვან თანხაზეა საუბარი და შესაბამისი სტრუქტურები უნდა დაინტერესდნენ.

მეტად საზიანოა ინტერნეტ-მოწყობილობებთან ბავშვების მიჯაჭვულობა, რამაც ისედაც მოშლილი არავირტუალური ურთიერთობები კიდევ უფრო მოშალა. ბავშვებში გაჩნდა თვითშეფასებისა და რეალიზების უნარის დაქვეითება. კლინიკური თვალსაზრისით თუ გადავხედავთ, ჩემი პრაქტიკიდან ბავშვებში პოსტკოვიდური პერიოდის რამოდენიმე მძიმე გართულება დაფიქსირდა - ამის შესახებ „რეზონანსთან" ექიმ-პედიატრმა მაცაცო კუბლაშვილმა განაცხადა, რომელიც მიიჩნევს, რომ პატარების დამოკიდებულება გაჯეტებზე პანდემიის პერიოდში უფრო შესამჩნევი და ხშირი გახდა, რაც პირველ ეტაპზე უფროსებისთვის შეიძლება კომფორტი იყოს,თუმცა შემდეგ ბავშვების გართულებული მდგომარეობა, მშობლებსვე დიდ განსაცდელში აგდებს.

პრეზიდენტ სალომე ზურაბიშვილის 16 ივნისს დაანონსებული აქცია პოლიტიკური მსჯელობის და დაპირისპირების საგანი გახდა. ვინ მიდის და ვინ არა 16 ივნისს ევროპის მოედანზე, რათა ევროპას  ქართველი ხალხის ნება და ერთიანობა აჩვენოს. ოპოზიციის ნაწილი ამბობს, რომ პრეზიდენტის განცხადება რიგითი ბიძინა ივანიშვილის გადასარჩენად ხდება, რომელმაც 20 ივნისს „სირცხვილიას“ მიერ დაგეგმილი აქციის კონტრაქცია დაგეგმა. როგორც აღმოჩნდა ზურაბიშვილის იდეას არც ხელისუფლებაში ემხრობიან და „ქართული ოცნების“ თავმჯდომარის  ირაკლი კობახიძის განცხადებით ხეელისუფლება ამ აქციაზე არ მივა.    

სკოლის მოსწავლემ, სავარაუდო ბულინგის გამო თვითმკვლელობა სცადა. ფაქტი იმერეთის ერთ-ერთ სოფელში მოხდა. როგორც არასრუწლოვნის ოჯახი და ახლობლები აცხადებენ, 16 წლის გოგონამ თვითმკვლელობისკენ სკოლაში მომხდარმა ინციდენტმა უბიძგა, როდესაც მას თანატოლების თანდასწრებით სკოლის დირექტორმა სიტყვიერი შეურაცხყოფა მიაყენა. 

XVIII ს-ის მეორე ნახევრის მსოფლიო ისტორიულ პროცესებს განსაკუთრებული მნიშვნელობა აქვს საქართველოს ისტორიის ობიექტური შეფასებისათვის. რუსულმა და საბჭოური ხანის ისტორიოგრაფიამ შეგნებულად დაამახინჯა იმდროინდელი ფაქტები და მოვლენები, რაც საფუძვლად დაედო საქართველოსა და კავკასიის ანექსიის არასწორ შეფასებას. შეგნებულად იქნა წაშლილი ქართლ-კახეთის მეფის ერეკლე მეორის  ევროპული კავშირები, რის შედეგადაც კავკასია გამოცხადდა რუსულ ორბიტაზე არსებულ გეოსტრატეგიულ სივრცედ და ხელოვნურად გაემიჯნა მსოფლიო ისტორიულ პროცესებს. ამ გზით ძალადობრივი პოლიტიკური აქტი, საქართველოს დაპყრობა, შეიფუთა როგორც ქრისტიანული ერთმორწმუნეობის იდეის შესაბამისი კავშირი.

წინამდებარე წერილში მოგითხრობთ იმ მსოფლიო ისტორიული პროცესების შესახებ, რამაც ფაქტობრივად განსაზღვრა ერეკლე მეორის მმართველობის საგარეო-პოლიტიკური მიზნები და ამოცანები.

სროლა და შეიარაღებული თავდასხმა „საქართველოს ბანკზე“ - შეიარაღებული მძარცველი ბათუმის ერთ-ერთ ფილიალში შეიჭრა და ცეცხლი გახსნა. თავდამსხმელი იარაღის მუქარით სალაროს გახსნას ითხოვდა. მან მძევლების აყვანა და თანხის გატაცება სცადა, თუმცა უშედეგოდ. ბანკის თანამშრომელმა განგაშის ღილაკის ჩართვა მოახერხა, მძარცველი კი ადგილიდან გაიქცა. 

არაენდემურ ქვეყნებში „მაიმუნის ყვავილის" გავრცელების რისკი რეალურია, მაგრამ, ამ სცენარის თავიდან აცილება შესაძლებელია - ამის შესახებ ჯანდაცვის მსოფლიო ორგანიზაციის გენერალურმა დირექტორმა, ტედროს ადჰანომ გებრეიესუსმა პრესკონფერენციაზე ისაუბრა. მედიცინის მეცნიერებათა დოქტორი, ინფექციონისტი ირაკლი ხმალაძე „რეზონანსთან" აცხადებს, რომ არსებობს რისკი არაენდემურ ქვეყნებში კიდევ უფრო გაიზარდოს ინფიცირება მაიმუნის ყვავილით, რადგან ამ ქვეყნებში არ არის გამომუშავებული იმუნიტეტი.

მარნეულში 21 წლის მამაკაცის ცხედარი აღმოაჩინეს - გახრამავ მურადოვის გვამი დილით  ადგილობრივმა მწყემსმა  იპოვა. ახალგაზრდა კაცი ოჯახის წევრების და მეზობლების ინფომაციით, იგი მოკლულია. ბოლო, ვინც 21 წლის ახალგაზრდა ნახა, მისი ბაბუაა. ის ამბობს, რომ მის შვილიშვილს ორშაბათს ღამის 3 საათზე  ტელეფონზე ვიღაცამ დაურეკა, საუბრის შემდეგ კი ის სახლიდან გავიდა. სატელეფონო ზარის შემდეგ კი მისი კვალი დაიკარგა. პოლიციამ  ის ქალაქის გარეუბანში იპოვა. რა მოხდა ადგილობრივებისთვის უცნობია, თუმცა ამბობენ, რომ ბიჭი მოკლულია. მას სხეულზე სხვადასხვა სახის დაზიანება და მოტეხილობა აქვს.

შესაძლოა მაიმუნის ყვავილი საქართვეოშიც დადასტურდეს - ამ ვირუსის მსგავსი სიმპტომების მქონე პაციენტს, უცხოეთში მოგზაურობის ისტორია აქვს. ინფორმაციას ადასტურებს დაავადებათა კონტროლის ეროვნული ცენტრის გენერალური დირექტორი ამირან გამყრელიძე. ინფექციონისტი ალექსანდრე გოგინავა კი „რეზონანსთან" საუბრისას აცხადებს, რომ მოსახლეობას პანიკის საფუძველი არ აქვს და ეს ვირუსი კოვიდ-19 -სგან განსხვავებით, არ ვრცელდება მარტივად და სწრაფად.

ანტიდასავლური განცხადებები და დროშის დაწვა - ასევე, ოპოზიციურ პოლიტიკოსებზე თავდასხმა. ევროკავშირის ოფისთან მიმდინარე აქციაზე რამდენიმე პირი დააკავეს. არსებული ინფორმაციით, დაკავებულია აქციის 10-მდე მონაწილე, მათ შორის არიან: გურამ და ალექსანდრე ფალავანდიშვილები. აქციის მონაწილეებს ადგილზე ანტიდასავლური შინაარსის პლაკატები ჰქონდათ მიტანილი. მათ ადგილზე ევროკავშირის დროშის დაწვაც სცადეს.

ბოლო ხანს საზოგადოების განსაკუთრებულ ინტერესს იწვევს ქართლ-კახეთის მეფის ერეკლე მეორის საგარეო პოლიტიკა. გამოითქვა რადიკალურად განსხვავებული მოსაზრებები: ვისთვის ერეკლე მოღალატეა, ვისთვის - გმირი. პოზიციათა ასეთი პოლარიზაცია გამოწვეულია იმით, რომ საკითხი არაა შესწავლილი მეთვრამეტე საუკუნის მეორე ნახევრის მსოფლიო ისტორიული პროცესების გათვალისწინებით. 

პოსტსაბჭოთა პერიოდის ქართული ისტორიოგრაფია ერეკლე მეორის საგარეო პოლიტიკის კვლევისას ჯერ კიდევ ვერ გასცდა რუსული საბჭოური ისტორიოგრაფიის მიერ საქართველოსთვის დადგენილ ტრადიციულ გეოგრაფიულ სამკუთხედს: რუსეთი - ირანი - ოსმალეთი, - აი ის არეალი, რომლის იქითაც საბჭოური ისტორიოგრაფიის მიხედვით, ქართველთათვის სამყარო აღარ არსებობს, შესაბამისად ამ არეალს იქით ჩვენ, ქართველთ „გვეკრძალება“ გახედვა. 

დღეს უკვე არავისთვის გახლავთ სიახლე, რომ მსოფლიო უფრო დიდი და გრანდიოზულია, ვიდრე რუსთა მიერ ჩვენთვის გამეტებული პოლიტიკური სამკუთხედი. შესაბამისად გამორჩეულად ოდიოზური სიტუაციაა ის, რომ გვიწევს მტკიცება - საქართველო მსოფლიოს პოლიტიკური პროცესების ორგანული ნაწილია და არა რუსული საბჭოური პოლიტიკური ორბიტის განუყოფელი შემადგენელი.

სწორედ ამ მსოფლიო ისტორიული პრიზმიდან დანახული ერეკლე მეორე ჩანს აბსოლუტურად სხვაგვარად. წერილების ციკლსაც, რომელსაც წინამდებარე სტატიით ვიწყებთ და რაც ჩვენი უახლოესი სამეცნიერო კვლევის შედეგების პოპულარული ვერსია გახლავთ, ასე დავარქვით: „სულ სხვა ერეკლე მეორე“.