ფრაქცია „ქართული ოცნების" თავმჯდომარე მამუკა მდინარაძემ ოპოზიციას მოუწოდა, რომ ევროკავშირის 12 რეკომენდაციის შესრულებაში უმრავლესობას შეუერთდნენ, რადგან ყველა რეკომენდაცია და ხალხის ნება, რომელიც მხოლოდ მათზე იყო დამოკიდებული, უკვე შესრულებულია, მათ შორის სახალხო დამცველის არჩევა. დარჩენილი საკითხების განხორციელებას კი, სრულად ოპონენტების მხარდაჭერა განსაზღვრავს.

იყო თუ არა სასულიერო პირზე თავდასხმაში ბრალდებული შეურცხად მდგომარეობაში? - მოსამართლემ დაცვის მხარის მოთხოვნა არ დააკმაყოფილა და მას წინასწარი პატიმრობა შეუფარდა. სასაულიერო პირს, ცოტნე თვარაძეს გიორგი ბედიაშვილი თავს უკნიდან დაესხა. სამი ჭრილობა ზურგის, ხოლო ერთი, ხელის არეში მიაყენა და მიიმალა. დანაშაულის ჩადენის იარაღი, დანა კი თან წაიღო. ბრალდებულის ადვოკატი ამტკიცებს, რომ დაკავებულს ფისიქიკური პრობლემები აქვს და ის მომხდარს ვერ ათვითცნობიერებდა. 

სისხლიანი გარჩევა ახმეტაში -  44 წლის მამაკაცს ჭრილობები ფეხის არეში მიაყენეს. როგორც ადგილობრივები ყვებიან,  ბექა ონიაშვილისთვის  ფულის გამოძალვას ცდილობდნენ, სიტყვიერი და ფიზიკური დაპირისპირება კი სისხლიან ანგარიშსწორებად იქცა. დაჭრილი კატასტროფის ბრიგადამ თბილისში გადაიყვანა. ადგილობრივების ინფორმაციით, ონიაშვილს ახმეტაში მცხოვრები ძმები  თიღილაურები დაუპირისპირდნენ.    

სროლა თბილისში - საღამოს საათებში "დელისის" მეტროსთან ახალგაზრდა მამაკაცი დაჭრეს. დაჭრილი მამაკაცი ბიზნესმენი ალეკო გამჯაშვილია. ის იმ  ბიზნესობიექტის მეწილეა, სადაც თავს დაესხნენ. თვითმხილველები ამბობენ, რომ შენობიდან გამოსულ ახალგაზრდა კაცს, რომელიც ფეხით გადაადგილდებოდა, მოულოდნელად 5-მდე ტყვია ესროლეს. 

11 წლის გოგონა ამტკიცებს, რომ მასზე მამინაცვალი თვეების განმავლობაში სექსუალურად ძალადობდა, დედის მხრიდან კი ფიზიკური ანგარიშსწორების მსხვერპლი არაერთხელ გახდა. შემთხვევა თბილისის ერთ-ერთ უბანში მოხდა. პოლიციამ გოგონასა და მისი 8 წლის ძმის ჩვენების საფუძველზე 30 წლის მამინაცვალი და 50 წლის დედა დააკავა. სასამართლომ ქალი გირაოს სანაცვლოდ გაათავისუფლა, მამაკაცი კი წინასწარ პატიმრობაში რჩება, ის თავს დამნაშავედ არ მიიჩნევს.  

ცხვრის ფარის გატაცება  და რეკეტი ე.წ. კანონიერი ქურდის დახმარებით - კახეთში, სოფელ ჩუმლაყში ნოდარ ბადუაშვილის ფერმაში 15-მდე პირი შეიჭრა, ფერმერის ოჯახის წევრებს თავისუფლება უკანონოდ აღუკვეთეს და 1000-მდე ცხვარი გაიტაცეს. ნოდარ ბადუაშვილის და  ე.წ. კანონიერ ქურდს შორის პრობლემები მას შემდეგ დაიწყო, რაც ფერმერის შვილმა გელა ბადუაშვილმა, რომელიც ასევე ფერმერია, საკუთარი ფერმიდან 600 ცხვარი თანასოფლელ ლევან მებაღიშვილს მიჰყიდა შეთანხმებით, რომ საქონლის ღირებულებას პერიოდულად, ყოველთვიურად მიიღებდა. თუმცა გამყიდველს ცხვრების სანაცვლოდ თანხა ვეღარ გადაუხადეს, ბადუაშვილებმა საქონლის უკან დაბრუნება გადაწყვიტეს, ფერმას მიაკითხეს და კუთვნილი ფარა უკან წაიყვანეს.    

მარნეულის დავით აღმაშენებლის სახელობის სკოლა-ლიცეუმის მასწავლებლებმა და მშობლებმა განათლების ხარისხის განვითარების ეროვნულ ცენტრთან სკოლის ავტორიზაციის შეჩერება გააპროტესტეს. ისინი სასწავლო პროცესის გაგრძელებას ითხოვდნენ და სკოლის ავტორიზაციის გაუქმების მიზეზად, პოლიტიკურ მოტივს ასახელებდნენ. ვინ, რის გამო და რატომ შეაჩერა სკოლის საქმიანობა, ამაზე სკოლა-ლიცეუმის დირექტორი ახმედ თურღული „რეზონანსს" ესაუბრა.

განათლების ხარისხის განვითარების ეროვნული ცენტრის მიერ დავით აღმაშენებლის სახელობის სკოლა-ლიცეუმში განხორციელდა არაგეგმური მონიტორინგი, რომლის საფუძველზეც ზოგადსაგანმანათლებლო დაწესებულებების ავტორიზაციის საბჭომ მიიღო უკიდურესი გადაწყვეტილება, დავით აღმაშენებლის სახელობის სკოლა-ლიცეუმისთვის მიმდინარე წლის 8 მარტიდან ავტორიზაციის გაუქმების შესახებ.

ბიზნეს რეკეტი, რომელიც სისხლიანი გარჩევით დაიწყო და მკვლელობით დასრულდა - განზარხ მკვლელობის ბრალდებით 34 წლის ბიზნესმენია დაკავებული. გამოძეიების იფნორმაციით, ნიკოლოზ სიბაშვილმა 31 წლის ირაკლი კობერიძე ავტომობილში 20 ტყვიით ჩაცხრილა. 

შკვეთილი მკვლელობა თუ შურისძიება - გორსი ავტომატიდან 20-მდე გასროლის შედეგად ავტომობილში ირაკლი კობერიძე ჩაცხრილეს. მასთან ერთად მყოფი ვანო ღვინაშვილი კი მძიმედ დაჭრეს. სისხლიანი გარჩევა კი გორის რკინიგზის სამრეცხაოში დაიწყო. ადგილობრივები ყვებიან, რომ ერთამნეთს ორი ჯგუფი დაუპირიპირდა, რის შემდეგაც უმისამართო და ორმხრივი სროლა დაიწყო.

ორი წლის შვილის ჯანმრთელობის განზრახ მძიმე დაზიანების ფაქტზე ბრალდებულს, აღკვეთი ღონისძიების სახით,  პატიმრობა შეეფარდა. თელავის რაიონულმა სასამართლომ გადაწყვეტილება დახურულ პროცესზე 25 თებერვალს მიიღო. 

ძალადობდნენ თუ არა ოჯახის წევრები 2 წლის ბავშვზე? - ამ შემზარავი ფაქტის შესახებ საზოგადოებამ 23 თებერვალს შეიტყო, როდესაც გურჯაანის საავადმყოფოში ბებიამ 2 წლის გოგონა მძიმე მდგომარეობაში მიიყვანა. ბებია მერი თურქოშვილი აცხადებდა, რომ გოგონაზე მისი დედა, 30 წლის ქალი ძალადობდა. დედამთილმა რძალი ბავშვის ფიზიკურ ძალადობაში მას შემდეგ დაადანაშაულა, რაც ბავშვის სხეეულზე მრვალობითი გაურკვეველი სახის დამწვრობები ნახა. ბავშვს ასევე მოულოდნელად მუცლის ტკივილი და შებერილობა დაეწყო.