კახეთში მომხდარი შემზარავი დანაშაულის შესახებ „რეზონანსისთვის“ ახალი დეტალები ხდება ცნობილი. 26 წლის მამაკაცს, რომელსაც ბებიის ფიზიკურ ძალადობასა და შესაძლო გაუპატიურებაში ედება ბრალი, 2-ჯერ არის ნასამართლევი. ის მკვლელობის მცდელობისთვის და ძარცვისთვის იყო გასამართლებული. 

სისხლიანი გარჩევა ხაშურში - „რეზონანსისთვის“ სოფელ ალში მომხდარი მკვლელობის ახალი დეტალები ხდება ცნობილი. 53 წლის ჯონი ნოზაძე, გამოძიების ინფორმაციით, თანასოფლელმა და მეზობელმა იმედა კახიშვილმა ჩაცხრილა, მკვლელობის მოტივი კი ე.წ. კრიმინალურ ავტორიტეტებს შორის გავლენების გადანაწილება გახდა. ადგილობრივები ყვებიან, რომ მოკლულიც და მკვლელობაში ბრალდებულიც ე.წ. კრიმინალური სამყაროს წარმომადგენლები არიან და მათ შორის დაპირისპირება ადრეც არსებობდა. 

სისხლიანი ანგარიშსწორება აჭარაში - 38 წლამდე მოლდოვის მოქალაქე საკუთარმა მეგობარმა ბლაგვი საგნის თავში ჩარტყმით მოკლა. როგორც ადგილობრივები ყვებიან, ორივე მათგანი მოლდოვის მოქალაქეები არიან და ხელვაჩაურში ერთ-ერთ მშენებლობაზე იყვნენ დასაქმებულები. ისინი ხელოსნები არიან და სავარაუდოდ, კონფლიქტიც სწორედ სამუშაოს დროს მოხდა. რა გახდა მკვლელობის  მიზეზი ადგილობრივებმა არ იციან, თუმცა, ამბობენ, რომ ადგილზე მისულებს ახალგაზრდა კაცი უკვე გარდაცვლილი დახვდათ. 

ჯერჯერობით კვლავ უცნობია თბილისში, წერეთლის გამზირზე ავტობუსში ახალგაზრდა მამაკაცმა 70-წლამდე პენსიონერი რატომ დაჭრა. მის გადარჩენას მედიკოსები ამ დრომდე ცდილობენ. უცნობმა პირმა მოხუცს დანით რამდენიმე ჭრილობა მოუოდნელად მხარის არეში მიაყენა. ხალხის ყვირილის ხმაზე ავტობუსის მძღოლმა ტრანსპორტი გააჩერა. 

„რეზონანსისთვის“ თუშეთში მომხდარი ტრაგედიის ახალი დეტალები ხდება ცნობილი. მთიან სოფელში ცხვრის სამწყემსად მარტო წასული ორი მწყემსიდან ერთი გარდაცვლილი და ერთი დაჭრილი იპოვეს. ისინი მეზობლები და ნათესავები არიან. წინასწარი ვერსიით, მათ შორის კონფლიქტი მოხდა, რის შედეგადაც ერთმა სანადირო თოფით მეორე მოკლა და თავად კი დაიჭრა. თუმცა, ადგილობრივები არ გამორიცხავენ, რომ რაიმე უბედურ შემთხვევასთან გვქონდეს საქმე.

თერჯოლაში მომხდარი სასტიკი მკვლელობის ახალი დეტალები ხდება ცნობილი. „რეზონანსს“ ადგილობრივები უყვებიან, რომ 21 წლის ახალგაზრდა მამაკაცმა მამა საწოლში, მძინარე მდგომარეობაში მოკლა. მათი ინფორმაციით, შვილმა 60 წლამდე მამაკაცს დაზიანებები ნაჯახით მიაყენა. მან რამდენიმე დღის განმავლობაში მკვლელობა დამალა და ამბობდა, რომ მამა სახლიდან წავიდა, მაგრამ არ იცოდა სად.  

იაშვილის სახელობის ბავშვთა ცენტრალური საავადმყოფოს სამედიცინო დირექტორის, ივანე ჩხაიძის თქმით, კორონავირუსის საწინააღმდეგო ბივალენტური ვაქცინა, სავარაუდოდ, შემოდგომისთვის იქნება ხელმისაწვდომი. ვისთვის იქნება სავალდებულო ბივალენტური ვაქცინა, რომელსაც ორმაგი ეფექტი აქვს და როგორია საქართველოში ეპიდვითარება - ინფექციონისტები მსჯელობენ.

კახეთში, ახმეტაში  მოკლული 71 წლის ქალის საქმეში ახალი დეტალები ხდება ცნობილი. ადგილობრივები და ქალის ქმარი, ვალერიან ხარიტონაშვილი მომხდარი დანაშაულის დეტალებს იხსენებენ. მოკლული ქალის მეუღლე ამბობს, რომ დაპირისპირების მიზეზი წლების წინ, როგორც ამბობს, თაღლითურად გაყიდული ბინა გახდა. ამ სახლში მკვლელობაში ბრალდებული 18 წლის ბაჩო ხაშმელაშვილი და მამამისი ცხოვრობენ. საქმეზე სასამართლო დავაც ჰქონდათ, თუმცა „ყალბი საბუთებით“ მათთვის ბინის დამტკიცება მაინც მოხდა.    

მაცაცო კუბლაშვილი 20 წელზე მეტია, ბავშვებს ემსახურება და მათი საყვარელი პედიატრია. კლინიკა „პროფესორის" კლინიკური დირექტორი და ევექსის მარნეულის პედიატრიული განყოფილების ხელმძღვანელი მაცაცო კუბლაშვილი ახალ კვლევებს და ბავშვებში გავრცელებულ ინფექციებთან დაკავშირებით რჩევებს გვიზიარებს.

ბაღდათში სისხლიანი ანგარიშსწორება მოხდა - ერთი მოკლული და ერთი დაჭრილი, პოლიციამ მკვლელობასა და დაჭრაში ეჭვმიტანილი 60- წლამდე მამაკაცი დააკავა. ადგილობრივები „რეზონანსთან“ მომხდარის დეტალებს ყვებიან და ამბობენ, რომ ქუჩური გარჩევა გასესხებული თანხის გამო დაიწყო. სიტყვიერ და ფიზიკურ ანაგრიშსწორებას კი მკვლელობა და დაჭრა მოჰყვა. 

ჯერჯერობით გაურკვეველია რესპუბლიკურ საავადმყოფოს ბედი. ექიმების პირველმა პროტესტმა შედეგი გამოიღო, გენერალური დირექტორის მოვალეობის შემსრულებელი ზაზა ავალიანი გადადგა. როგორც ირკვევა, ჯანდაცვის უწყება გადაწყვეტილების მისაღებად სამხარაულის ექსპერტიზის ბიუროს და საერთაშორისო ექსპერტების დასკვნებს ელოდება, თუმცა მთავრობა პირობას იძლევა, რომ თანამშრომლებს სამუშაო ადგილებს შეუნარჩუნებს.

უმძიმესი დანაშაული თბილისში - ფონიჭალაში 31 წლის მამაკაცმა, ურთიერთშელაპარაკების შემდეგ, ასაკოვან მამას დანით ყელის და თავის არეში ჭრილობები მიაყენა. დაჭრილის გადარჩენა ვერ შეძლეს და ის სასწარფოს მოსვლამდე საკუთარი სახლის ეზოში დაიღუპა. შვილი კი სახლიდან გაიქცა, თუმცა მისი  დაკავება პოლიციამ რამდენიმე საათში შეძლო. ადგილობრივები „რეზონანსთან“ ყვებიან, რომ მამა-შვილს შორის კონფლიქტი ეზოს გასუფთავების გამო დაიწყო.