დასავლეთთან მკვეთრად გაუარესებული ურთიერთობების ფონზე, მმართველ გუნდს სურს, რომ საქართველო 2027 წელს ეუთოს თავმჯდომარე ქვეყანა გახდეს. შესაბამისი ოფიციალური განაცხადი უკვე გაკეთებულია და „ქართულ ოცნებას" პოზიტიური მოლოდინი აქვს.

უკრაინა და ნიდერლანდები თავდაცვითი თანამშრომლობის ახალ ეტაპზე გადადიან: 2026 წლიდან მხარეები Baton-ისა და K4-ის მოდელის უპილოტო საფრენი აპარატების ერთობლივწარმოებას დაიწყებენ. აღნიშნული ინფორმაცია ნიდერლანდების თავდაცვის სამინისტროსოფიციალურმა წარმომადგენელმა, იურიან ესერმა, ჰააგაში "უკრინფორმის" კორესპონდენტთანსაუბრისას დაადასტურა.

დიდი ბრიტანეთი რუსეთის მხრიდან საფრთხის ზრდის ფონზე საზღვაო ძალებს აერთიანებს. არქტიკასა და ჩრდილო-დასავლეთ ევროპაში „ჩრდილოეთის ფლოტის" ალიანსი შეიქმენა, სადაც გაერთიანებულია ათი ქვეყნის სამხედროები. გაერთიანებული სამეფოს სამხედრო-საზღვაო ძალების მთავარსარდლის, გენერალ გვინ ჯენკინსის განაცხადებით, დროის დაკარგვის დრო აღარაა.

პატრიარქის არჩევნებამდე რამდენიმე კვირაა დარჩენილი და საზოგადოებაში არ ცხრება განხილვა, ვინ დაიკავებს ილია მეორის ადგილს. განსაკუთრებული კრიტიკის ქვეშ გარდაცვლილი პატრიარქის მიერ მოსაყდრედ დანიშნული მეუფე შიოა, რომელიც არჩეულ კანდიდატებს შორის პირველ ადგილს იკავებს. ოპოზიცია მას რუსეთთან კავშირში ადანაშაულებს, თუმცა ამის დამადასტურებელი რაიმე კონკრეტული მტკიცებულებები არ ვრცელდება.

ფასების შემსწავლელ საპარლამენტო კომისიის დასკვნას ხელს არ აწერს არც ფრაქცია „გახარია საქართველოსთვის" და არც „ხალხის ძალა" და მიაჩნიათ, რომ დოკუმენტს ისეთი შინაარსი უნდა ჰქონდეს, რაც ფასების რეალურად დარეგულირების რეალურ მოლოდინს და საფუძველს შექმნის.

ოპოზიციას „ქართული ოცნების" განცხადებაში ეჭვი ეპარება, რომ აშშ-სთან ურთიერთობები ფაქტიურად აღდგენილია, რადგან ფიქრობენ, ხელისუფლება რეალურად არ დგამს ისეთ ნაბიჯებს, რომ ვაშინგტონში სერიოზულად აღიქვან თანამშრომლობის გამოსწორების საჭიროება. როგორც ანალიტიკოსი რამაზ საყვარელიძე „რეზონანსთან" აცხადებს, აქამდე არსებული და დაანონსებული კონტაქტების გათვალისწინებით, შეიძლება მართლაც ითქვას, რომ ურთიერთობები აღდგენილია.

ნავთობპროდუქტები მსოფლიო ბაზარზე გაძვირებას აგრძელებს, საქართველოში ჯერ კიდევ გაურკვევლობაა. ამასობაში ფასების შემსწავლელმა საპარლამენტო კომისიამ მუშაობა დაასრულა. მოსალოდნელია, რომ კორექცია მოხდება, თუმცა რა ცვლილება შეიძლება განხორციელდეს სექტორში ვერ აკონკრეტებენ. ჯერ გაიაფება გამორიცხულია, მაგრამ ბიზნესი ცდილობს, რომ როგორმე არსებული ფასი შეინაჩუნოს. ყველაფრის მიზეზი კი ახლო აღმოსავლეთში მიმდინარე მოვლენებია. 

რუსეთის ხელისუფლებამ 9 მაისს ფაშიმზე გამარჯვების მორიგი წლისთავისადმი მიძღვნილი სამხედრო აღლუმის ფორმატი უკრაინის მხრიდან შესაძლო „ტერორისტული შეტევების" მოტივით შეცვალა. ახლა კი 9 მაისს საერთოდ ცეცხლის დროებით შეწყვეტის ინიციატივით გამოდის. ეს საკითხი აშშ-ისა და რუსეთის პრეზიდენტებმა დონალდ ტრამპმა და ვლადიმირ პუტინმა სატელეფონო საუბრისას განიხილეს, რომელიც 29 აპრილს გაიმართა.

ბრიუსელში უკრაინისთვის მოკლევადიანი ეკონომიკური და პოლიტიკური სარგებლის პაკეტზე მუშაობენ. მას შემდეგ, რაც ევროპულმა დედაქალაქებმა ევროკავშრში გაწევრიანების „ფორსირებული გეგმა" უარყვეს, დღის წესრიგში დადგა ალტერნატიული მოდელი, რომელიც კიევს ბლოკის ბაზრებსა და ინსტიტუტებთან რეფორმების დასრულებამდე დააახლოებს. ამის შესახებ ინფორმაციას „პოლიტიკო" ავრცელებს.

2026 წლის მარტში, ბოლო 14 თვის მანძილზე პირველად, ორნიშნა ეკონომიკური ზრდა დაფიქსირდა. სტატისტიკის სახელმწიფო სამსახურის - „საქსტატის“ ინფორმაციით, 2026 წლის მარტში, წინა წლის ანალოგიურ პერიოდთან შედარებით, რეალური მშპ-ს ზრდა 10.7%, ხოლო პირველი კვარტლის საშუალო რეალური ზრდა - 9.1% იყო. ეკონომისტებისა და დარგის სპეციალისტების განცხადებით, გლობალური ეკონომიკური შოკის, გეოპოლიტიკური დაძაბულობისა და მაღალი გაურკვევლობის ფონზე, საქართველოს ეკონომიკამ მაღალი ტემპი შეინარჩუნა. 

ოპოზიციურმა ალიანსმა რეგიონებში შეხვედრები დაიწყო, თუმცა ამ პროცესში ენმ არ მონაწილეობს, რაც აძლიერებს ეჭვს, რომ პარტიამ ალიანსი უკვე დატოვა, ან მალე მიიღებს ასეთ გადაწყვეტილებას. საინტერესოა ისიც, რომ შეხვედრებს დახურულ ფორმატში ტარდება და მასზე მედიას არ უშვებენ.

პოლონეთის საზოგადოებრივმა მაუწყებელმა ქართულენოვანი საინფორმაციო პლატფორმა „ვტ საქართველო" შექმნა ქართულ ენაზე საინფორმაცია გამოშვებების მომზადება დაიწყო. ამ ფაქტს „ქართული ოცნება" „მტრულ ნაბიჯად" აფასებს და მიაჩნიათ, რომ ეს ქვეყანაში არეულობას ისახავს მიზნად. მმართველ პარტიაში იმაზეც გააკეთეს აქცენტი, რომ საქართველოში ევროკავშირის ელჩი პაველ ჰერჩინსკი, რომელიც ცოტა ხნის წინ მისი ცნობილი განცხადების გამო საგარეო საქმეთა სამინისტროში იყო დაბარებული, ეროვნებით ასევე პოლონელია.