3 დღის წინ დაჭრილი 13 წლის მამიკონ შამოიანის საქმეზე ახალი დეტალები ხდება ცნობილი. მეშვიდეკლასელ ბიჭს 15 წლის მოზარდმა დანა ღვიძლში დაარტყა, იარაღი მუცელში ჩაუტოვა და ადგილიდან მიიმალა. მოზარდი თბილისში, გორგასლის ქუჩაზე, თავის საცხოვრებელ კორპუსთან მძიმედ დაჭრილი იპოვეს და ის საავადმყოფოში ტაქსის მძღოლმა გადაიყვანა. მშობლებმა კი მომხდარის შესახებ სკოლის მასწავლებლისგან გაიგეს. 

22 ევროპარლამენტარი „ქართული ოცნების“ მიერ ინიცირებულ გამჭვირვალობის კანონს ერთობლივი კრიტიკული განცხადებით ეხმაურება, შეშფოთებას გამოთქვამენ პროექტის პარლამენტში ხელახლა შემოტანაზე, აცხადებენ, რომ ის შეუთავსებელია ევროკავშირის ღირებულებებთან და მოუწოდებენ ევროკომისიას, დააკვირდეს, შეესაბამება თუ არა საქართველოს ხელისუფლების ასეთი გადაწყვეტილებები ქვეყანას, რომელსაც აქვს კანდიდატის სტატუსი.

ერთობლივ განცხადებაში 22 ევროდეპუტატი აღნიშნავს, რომ „ოცნების“ მიერ ინიცირებული კანონი ევროკავშირის რეკომენდაციების მინიმუმ ორ - პირველ და მეცხრე - პუნქტს არღვევს. 

უმძიმესი დანაშაული ზუგდიდში  - ოჯახის დაყაჩაღების მცდელობა მკვლელობით და დაჭრით დასრულდა. ამ ეტაპზე არსებული ინფორმაციით, თავდამსხმელებმა მოკლეს ცოლი, ქმარი კი მძიმედ დაჭრეს. ის საავადმყოფოშია გადაყვანილი და მძიმე მდგომარეობაში იმყოფება. 

პოლიტიკური დღის წესრიგის მთავარი თემა კვლავ „ოცნების" მიერ პარლამენტში შებრუნებული „უცხოური გავლენის გამჭვირვალობის შესახებ" კანონპრექტია, ოპოზიცია აცხადებს, რომ ეს რუსული კანონის იდენტურია და მხოლოდ სათაური აქვს შეცვლილი, უმრავლესობა კი ამბობს, რომ კანონპროექტთან დაკავშირებით სოციალურ ქსელში გავრცელებული ბანერები, „პირდაპირი დეზინფორმაციაა, რომელიც ფინანსდება უცხოური ფულით".

დაბა ადიგენის მოსახლეობის ერთი ნაწილი ერთ-ერთ კერძო საცხოვრებელ სახლში მუსლიმური სამლოცველოს არსებობას დილიდან აპროტესტებს. მათთან ერთად საეკლესიო პირებიც იმყოფებოდნენ. ქრისტიანების მტკიცებით, მუსლიმებმა არ შეასრულეს დაპირება, რომ სახლს მეჩეთად არ გადააქცევდნენ და პროტესტიც სწორედ ამან გამოიწვია.

ბრიუსელში 5 აპრილის აშშ-ევროკავშირი-სომხეთის სამიტი შედგა, ლიდერებმა განიხილეს სამხრეთ კავკასიაში არსებული ვითარება და აღნიშნეს, რომ „დრო მოვიდა ახალი თავი დაიწეროს" თანამეგობრობის ისტორიაში. ევროკავშირი კვლავ მტკიცედ უჭერს მხარს შავი ზღვის წყალქევშა კაბელის პროექტს, საუბარია მნიშვნელოვან ინვესტიციაზე - ევროპის ქვეყნებისთვის ენერგომიმწოდებელი პროექტი აკავშირებს, ერთი მხრივ, საქართველოსა და აზერბაიჯანს, მეორე მხრივ, რუმინეთსა და უნგრეთს. ამასთან ლიდერები მიესალმებიან სომხეთის „მშვიდობის გზაჯვარედინის" ინიციატივას.

F-16 ავიაგამანადგურებლების უკრაინისთვის მიწოდება ახლა დაგვიანებულია, რადგან რუსებმა მათთან გამკლავება ისწავლეს, ამის შესახებ „პოლიტიკოში" გამოქვეყნებულ სტატიაში მისი რედაქტორი, ჯეიმი დეტმერი წერს. მისი მტკიცებით, გამოცემა რამდენიმე უკრაინელ მაღალჩინოსანს ანონიმურობის დაცვით ესაუბრა და მათ ეჭვი აქვთ, რომ უკრაინისთვის F-16-ები გასულ წელს იყო კრიტიკულად მნშვნელოვანი, ახლა კი ეს საბრძოლო თვითმფრინავები ომში გარდახეტას ვერ მოახდენენ.

„იქითკენ მიდის პროცესები, რომ შიდა ძალების მხრიდან იმის სურვილი არაა, რომ დესტაბილიზაცია მოაწყონ", - აცხადებს „რეზონანსთან" ანალიტიკოსი რამაზ საყვარელიძე, რითაც ეხმიანება „ოცნების" მიერ „უცხოური აგენტების შესახებ" კანონპროექტის შებრუნების შემდეგ გენვითარებულ მოვლენებს. მისი თქმით, დასავლეთის ასეთი კრიტიკა მოულოდნელი იყო.

სამტრედიაში ქმრის მკვლელობაში ბრალდებული 29 წლის ნატო ხელაძე დანაშაულს უარყოფს. ქალი სასამართლო სხდომაზე მოსამართლეს არწმუნებდა, რომ დანაშაული მან კი არა, მისმა ძმამ ჩაიდინა, რომლიც მკვლელობის შემდეგ სახლიდან წავიდა. ხელაძე ამბობს, რომ პოლიციაში თავად დარეკა და ადგილიდან არ მიმალულა. მიუხედავად ამისა, მოსამართლემ არ გაითვალისწინა ქალის ჩვენება და ის წინასწარ პატიმრობაში დატოვა. 

მოსალოდნელია თუ არა,  ხელახლა ინიცირებული და რედაქტირებული ფორმით „აგენტების კანონის“ პარლამენტში დაბრუნების შემდეგ,  ქვეყანაში მასობრივი აქციების დაწყება? ათონელის სასახლეში პრეზიდენტმა სალომე ზურაბიშვილმა ოპოზიციასთან კვლავ შეხვედრები დაიწყო. შეხვედრიდან გამოსული ოპოზიცია ამბობს, რომ 26 ოქტომბერი უნდა გახდეს ის თარიღი, როდესაც „ქართულ ოცნებას“ ძალაუფლება უნდა გამოაცალონ.  რეზიდენცია მათ სწორედ ამ გზავნილით დატოვეს. 

ბახმაროში მასშტაბური დეველოპერული პროექტის განხორციელებას საზოგადოების მხრიდან დიდი წინააღმდეგობა შეხვდა, მაგრამ, მიუხედავად ამისა, ,,ორბი ჯგუფი“ ისეთი მშენებლობის დაწყებას გეგმავს, რომელიც ადგილობრივ ტურისტულ პოტენციალს საფრთხეს შეუქმნის და ეკოლოგიური თვალსაზრისითაც პრობლემას უკიდურესად გაამწვავეს.

მთავრობა ირწმუნება, რომ საქართველოში პური ძვირი არ ღირს. საკითხმა პოლიტიკურ დებატებში გადაინაცვლა. ოპოზიციის ნაწილი მიიჩნევს, რომ ქვეყანაში პროდუქცია მომხმარებელს ძვირად მიეწოდება. სექტორის წარმომადგენელები საკითხს სკეპტიკურად უყურებენ. თვლიან, რომ აღნიშნული საკითხი რეალობას არ შეესაბამება და პურის ფასი იმაზე დაბალი ვერ იქნება, რა მაჩვენებელიც ამ ეტაპზე გვაქვს. არსებული მონაცემებით კი ბაზარზე 500 გრ ყველაზე მოხმარებადი თეთრი პურის ფასი 1-ლარიდან 1.10-ლარამდე მერყეობს.