შემზარავი დანაშაული ქვემო ქართლში - 72 წლის მამაკაცს,  26 წლის გოგოს და 14 წლის არასრუწლოვან ბიჭზე სექსუალურ ძალადობაში ადანაშაულებენ. გამოძიების მიხედვით, მამაკაცი შეზღუდული შესაძლებლობის მსხვერპლებზე, სავარაუდოდ, სისტემატიურად ძალადობდა. ორივე დაზარალებულს მეტყველების პრობლემები აქვს,  შესაბამისად, მათ დიდი  ხნის განმავლობაში ამაზე საუბარი უჭირდათ. მამაკაცი, რომელსაც გამოძიება ამ მძიმე დანაშაულს ედავებ, იმ სარეაბილიტაციო ცენტრის მძღოლია, რომელსაც მეტყველების პრობლემის მქონე ბენეფიციარები ცენტრიდან სახლში დაჰყავდა. 

პრეზიდენტსა და მმართველ გუნდს შორის დაპირისპირება შესაძლოა ახალ მწვავე ფაზაში გადავიდეს. გენპროკურორი ირაკლი შოთაძე აცხადებს, რომ პრეზიდენტ სალომე ზურაბიშვილთან დაკავშირებით 2019 წლის შეწყალების საქმეზე გამოძიება დღემდე გრძელდება, თუმცა, რადგანაც მოქმედ პრეზიდენტზე იმუნიტეტი ვრცელდება, სისხლის სამართლის პასუხისგებაში მისი მიცემა კანონმდებლობთ შეზღუდულია და სისხლის სამართლებრივი დევნის განხორციელება მხოლოდ იმპიჩმენტის წესით თანამდებობიდან გადაყენების შემთხვევაში შეიძლება. ანალიტიკოსები არ გამორიცხავენ, რომ ეს საქმე „ოცნების" მხრიდან ახალი იმპიჩმენტის წამოწყების საფუძველი გახდეს.

ენმ-ს ყოფილმა თავმჯდომარემ ნიკა მელიამ კიდევ ერთი განცხადება გაავრცელა, სადაც აღნიშნავს, რომ პარტიის ხალ მენეჯმენტთან თანამშრომლობას არ აპირებს: „არ და ვერ იქნება იქ, სადაც იქნება არაფორმალური მმართველობა". თუმცა კონკრეტულად არ ამბობს, ტოვებს პარტიას, თუ რაიმე სხვა გეგმა აქვს. საპასუხოდ პარტიის მოქმედმა ხელმძღვანელმა ლევან ხაბეიშვილმა ამ განცხადებას რუსული პროპაგანდის ნაწილი უწოდა და აღნიშნა, რომ თუ მელიას ფრთა პარტიის დატოვების თაობაზე მიმართავს, მზადაა თხოვნა დაუკმაყოფილოს.

ქონების გადასახადთან დაკავშირებით მიდგომა იცვლება. არსებული წლიური შემოსავლის 40 000-ლარიანი ზღვარი, რომლის მიხედვითაც ფიზიკურ პირებს ქონების გადასახადის გადახდა უწევთ, გადაიხედება და შეიცვლება, თუმცა რა კრიტერიუმებს დაექვემდებარება იგი, ჯერჯერობით უცნობია. როგორც სპეციალისტების ერთი ნაწილი ამბობს, შესაძლოა, გადასახადი უძრავი ქონების ფართზე იყოს მიბმული. ამ შემთხვევაში გადამხდელი ავტომატურად შეიძლება გახდეს ისეთ პირი, რომელსაც შემოსავალი არ აქვს. მთლიანობაში რამდენიმე ისეთი ნიუანსია, რაც გადასახადის გადამხდელების მხრიდან შეიძლება სერიოზული უკმაყოფილების მიზეზი გახდეს.

უკრაინელი სამხედროები ბახმუტის მიმართულებით წინ მიიწევენ. ყველაზე აქტიურად  რუსები კი უტევენ კუპიანსკს, ლიმანს, ავდეევკასა და მარინკას, თუმცა უშედეგოდ.  როგორც ცნობილია, უკრაინელები მათ სერიოზულ წინააღმდეგობას უწევენ. 

ევროკავშირი საიმიგრაციო პოლიტიკას ამკაცრებს - ერთი მიმართულება ეხება ტერორისტული აქტების თავიდან აცილებას, თუმცა, ამასთანავე ისეთ ქვეყნებთანაც დაიწყეს პრევენციული ზომების გატარება,საიდანაც ეს საფრთხე არ არსებობს. ევროკავშირის ლიდერები საქართველოსა და მოლდოვას უსაფრთხო ქვეყნებად აღიარებენ, თუმცა, იმის გამო, რომ თავშესაფრის მსურველთა მიმართვიანობამ ნორმას მნიშვნელოვნად გადააჭარბა, თვლიან, რომ არალეგალური მიგრაციის კონტროლი უნდა გამკაცრდეს.

ბიზნესმა კადრების დეფიციტის გამო ხელფასები გაზარდა, თუმცა, როგორც ჩანს, ეს საკმარისი არ არის, რადგან მუშახელის კრიზისი კერძო სექტორში ისევ არსებობს. ახლა კომპანიების წარმომადგენლები ამბობენ, რომ ეს მათი მაქსიმუმია და დასაქმებულთათვის ანაზღაურების ზრდას მეტად ვეღარ შეძლებენ, რადგან ასეთ შემთხვევაში მათ მომსახურების თუ პროდუქციის გაძვირება მოუწევთ.

ისრაელის თავდაცვის ძალებმა „ჰამასს" ულტიმატუმი წაუყენა - თუ დაჯგუფება ისრაელიდან გადაყვანილ ყველა მძევალს გაათავისუფლებს, „ომი დასრულდება". ამასთან, ვაშინგტონმა ისრაელს ურჩია, ღაზაში სახმელეთო ოპერაცია გადადოს. ყოველ შემთხვევაში იქამდე, სანამ შეერთებული შტატები გააძლიერებს თავის სამხედრო დაჯგუფებას ახლო აღმოსავლეთში. თავდაცვის მდივანმა ლოიდ ოსტინმა განაცხადა, რომ პენტაგონი ტერმინალის მაღალი სიმაღლის არეალის დაცვის სისტემასა და პატრიოტის საჰაერო თავდაცვის სარაკეტო სისტემების დამატებით ბატალიონს და დამატებით ჯარებს გზავნის.

აქვს თუ არა ხელისფლებას იმის რესურსი, რომ როცა დასჭირდება ოპოზიციიდან გადაიბიროს ცალკეული დეპუტატები მისთვის პრონციპულად მნიშვნელოვანი საკითხების კენჭისყრისას ხმების საჭირო რაოდენობის მისაღებად? გასულ კვირას იუსტიციის უმაღლესი საბჭოს წევრების არჩევის შემდეგ საპარლამენტო ოპოზიციაში „კატარსტროფულ ვითარებაზე“ ალაპარაკდნენ. ანალიტიკოსები კი მიიჩნევენ, რომ მმართველ პარტიას ოპოზიციონერთა გადაბირების პრობლემა არ აქვს, რაც უკვე ორი კენჭისყრისას ღიად გამოჩნდა და 18 ოქტომბერს „ოცნება“ პრეზიდენტის გადაყენებისათვის საჭირო 100 ხმასაც კი შეაგროვებდა, ეს რომ მის ინტერესებში ყოფილიყო.

ახლო აღმოსავლეთში ორმხრივი საჰაერო დარტყმების ფონზე, ისრაელის სამხედრო ხელმძღვანელობა აცხადებს, რომ ომში, შესაძლოა, ლიბანიც აღმოჩნდეს ჩათრეული. მიზეზი შიიტური დაჯგუფება „ჰეზბოლაა", რომელიც სწორეს ლიბანის ტერიტორიიდან ბომბავს ისრაელს. ამის ფონზე, ომში ფაქტობრივად ჩართული აღმოჩნდა სირიაც - ისრაელის არმიამ შაბათს სარაკეტო დარტყმებით მწყობრიდან გამოიყვანა ალეპოსა და დამასკოს საერთაშორისო აეროპორტები. ღაზის სექტორში „ჰამასის" წინააღმდეგ ისრაელის არმიის სახმელეთო ოპერაციის დაწყება კი ისევ ჭიანურდება, რასაც, ანალიტიკოსთა შეფასებით, მხოლოდ პოლიტიკური მიზეზი აქვს.

15 წლის თეკლას ბურუსით მოცული გარდაცვალება  - რა მოხდა 15 ოქტომბერს ხაშურში, როცა 15 წლის გოგონა კორპუსის ეზოში უგონო მდგომარეობაში იპოვეს. ადგილობრივებმა სასწრაფო გამოიძახეს, თუმცა არასრულწლოვანის გადარჩენა ვერ მოხერხდა. დაახლოებით საღამოს 8 საათზე მომხდარ ამ შემთხვევას ფაქტს უშუალო თვითმხილველი არ ჰყავს. ადგილობრივბი „რეზონანსთან“ იხსენებენ, რომ მათ რაღაცის დავარდნის ხმა გაიგეს, გარეთ გამოიხედეს და ავტომობილის ქვეშ მწოლიარე პატარა გოგონა დაინახეს. ახლოს მისულებმა კი მათი მეზობელი ამოიცნეს.

იმპიჩმენტის პროცესის შემდეგ, „ოცნებასა" და პრეზიდენტ სალომე ზურაბიშვილს შორის ურთიერთობა განსაკუთრებით დაიძაბა. მმართველ გუნდს ზურაბიშვილის ნდობა აღარ აქვს და მას ოპოზიციის პრეზიდენტად მოიხსენიებს. თავად ზურაბიშვილისგან კი „ოცნების" მწვავე კრიტიკა და მუქარანარევი განცადებებიც კი ისმის. ანალიტიკოსები ფიქრობენ, რომ „მისი ხასიათიდან გამომდინარე, შესაძლოა რაღაც რადიკალური ნაბიჯები გადადგას".