მთავარი ამბები
თამთა ჩაჩანიძე
25.05.2024

შესაძლოა აშშ-ის მიერ დაანონსებულ სანქციებს ევროკავშირისგან შეზღუდვებიც წამოეწიოს - 27 მაისს ევროკავშირის წევრი ქვეყნების საგარეო საქმეთა მინისტრების სამიტია დაგეგმილი, სადაც ერთ-ერთი მთავარი სწორედ საქართველოს საკითხია. მანამდე ევროკავშირის ლიდერებისგან გასნსხვავებული გავცხადებები კეთდებოდა. ერთის მხრივ, საუბარი იყო „გავლენების კანონის“ უარყოფით ეფექტსა და მისი მიღების შემთხვევაში სხვადასხვა ტიპის სანქციების შესაძლო დაწესებაზე. მეორერს მხრივ კი იმაზე, რომ ევროპა „ძალიან ფრთხილად” უნდა იყოს, რომ არ შელახოს ქართველების ეროვნული გრძნობები.

ელზა პაპოშვილი
24.05.2024

რა უთხრა  ევროკომისარმა ოლივერ ვარჰეიმ ირაკლი კობახიძეს და რატომ აღიქვა მან ეს გაფრთხილება მუქარად? - ანალიტიკოსების აზრი „რეზონანსთან“ ორად იყოფა. ნაწილი ფიქრობს, რომ ვარჰეიმ, რომელიც კობახიძის მეგობარია და საქართველოს დიდი გულშემატკივარი, უბრალოდ რჩევის სახით უთხრა კობახიძეს, რომ ქვეყანაში „გამჭვირვალობის კანონის“ მიღება პოლარიზაციას კიდევ უფრო  გაარღმავებდა, მაგალითად კი სლოვაკეთის პრემიერ ფიცოზე თავდასხმა მოიყვანა. ნაწილი კი მიიჩნევს, რომ ვარჰეის განცახდება ძალიან არაადეკვატური და არასწორი იყო, რაც მეგობრის ნათქვამს არ ჰგავდა. შესაბამისად, კობახიძემაც ეს მუქარად აღიქვა. 

გვანცა წულაია
23.05.2024

საქართველოში, მრავალი სხვადასხვაგვარი პროტესტიც გამო, არაერთ ეკონომიკური პროექტი დაპაუზებულა ანდა საერთოდ გაჩერებულა. ასეთი არაერთი მაგალითი, ძირითადად, ენერგეტიკულ სექტორში მოიძებნება. მსგავს ვითარებას ხელისუფლებაში ადასტურებენ და მთავრობის მეთაურმა პირდაპირ განაცხადა, რომ ერთ-ერთი ინფრასტრუქტურული პროექტის დაბლოკვას არაამთავრობო ორგანიზაცია ცდილობდა.

ელზა პაპოშვილი
25.05.2024

ცოლის მკვლელობაში ბრალდებულ მამაკაცს ბრალი წაუყენეს. ფემიციდის ეს კიდევ ერთი შემზარავი ფაქტი ზუგდიდის სოფელ კორცხელში მოხდა. პროკურატურის ინფორმაციით, ოჯახის წევრის მიმართ დამამძიმებელ გარემოებებში, განსაკუთრებული სისასტიკით ჩადენილი განზრახ მკვლელობის ფაქტზე 51 წლის გოჩა ჩოხაძეა დაკავებული. გამოძიების ინფორმაციით, მან საკუთარ მეუღლეს თავის არეში უმძიმესი დაზიანებები მიაყენა. მამაკაცი ქალს ჯერ ფიზიკურად გაუსწორდა, შემდეგ კი თავში ჩაქუჩი ჩაარტყა. 

თამთა ჩაჩანიძე
24.05.2024

„თუკი მეორედ გამოტანილი კანონი „ოცნებამ" უკან წაიღო იმიტომ, რომ დააძალეს, მისმა ამომრჩეველმა შეიძლება ეს სისუსტედ ჩათვალოს, რაც არ უყვართ და ამიტომ შეიძლება თავისი ელექტორატი დაკარგოს", - ამბობს „რეზონანსთან" ანალიტიკოსი რამაზ საყვარელიძე ქვეყანაში მიმდინარე პოლიტიკური მოვლენების შეფასებისას. მისი თქმით, მიუხედავად მოსალოდნელი სანქციებისა და ქვეყანაშე მიმდინარე მოვლენებისა, „ქართული ოცნება" უკან დამხევი არ ჩანს.

ნატალია ჯვარიძე
24.05.2024

24 მაისს, 19:00 საათზე, თავისუფლების მოედანზე „თავისუფლების მარში" გაიმართება და შეკრებილი აქციის მონაწილეები მსვლელობით შინაგან საქმეთა სამინისტროსკენ გადაინაცვლებენ. ორგანიზატორ გიორგი მშვენიერიძის თქმით, ეს აქცია შსს-მიერ უკანონოდ დაკავებული ადამიანების სოლიდარობისთვისაა. ანალიტიკოსების აზრით, საპროტესტო მუხტი 28 მაისს, ვეტოს დაძლევის დღეს გააქტიურდება. როგორც ისინი აღნიშნავენ, ამაზე ამერიკის მიერ „ოცნების" სავარაუდო დასანქციერება დიდ როლს შეასრულებს.

თამთა ჩაჩანიძე
24.05.2024

აშშ-მა სანქციები უკვე ოფიციალურად დაანონსა - სახელმწიფო მდივნის, ენტონი ბლინკენის განცხადებით, სახდეპი ახორციელებს საქართველოსთვის სავიზო შეზღუდვის ახალ პოლიტიკას და გავრცელდება იმ პირებზე, რომლებიც პასუხისმგებლები, ან თანამონაწილეები არიან „საქართველოში დემოკრატიისთვის ძირის გამოთხრაში, ასევე მათი ოჯახის წევრებზე". „ოცნება" ისევ ძველ პოზიციაზეა და აცხადებს, რომ „არაფერი იცვლება", ოპოზიცია კი ხელისუფლებას მოუწოდებს „გააჩერონ რუსული კანონი".

თამთა ჩაჩანიძე
23.05.2024

პრემიერ ირაკლი კობახიძის სკანდალურ განცხადებას პოლიტიკოსებისგან დიდი გამოხმაურება მოჰყვა. იგი ვრცელ განცხადებაში საუბრობს იმაზე, რომ ერთ-ერთ ევროკომისარმა სატელეფონო საუბრისას „გამაოგნებელი მუქარა" გააჟღერა. მისი თქმით, „გამჭვირვალობის კანონზე" ვეტოს დაძლევის შემთხვევაში, დასავლეთის საპასუხო ზომებზე საუბრისას კომისარმა ახსენა სლოვაკეთის პრემიერ-მინისტრის რობერტ ფიცოს ინციდენტი, რომელსაც რამდენიმე დღის წინ ესროლეს. ოპოზიციამ კობახიძის განცხადებას „ცრუ ბრალდება „უწოდა, „ოცნება" კი აცხადებს, რომ „მკვლელობის მცდელობის ფაქტის ხსენება გამაოგნებელია".

თამთა ჩაჩანიძე
23.05.2024

სტრასბურგის სასამართლომ ექსპრეზიდენტ მიხეილ სააკაშვილის საჩივარი ვალერი გელაშვილის და სანდრო გვირგვლიანის საქმეებზე არ დააკმაყოფილა. იუსტიციის მინისტრ რატი ბრეგაძის თქმით, გადაწყვეტილება დასტურია, რომ სააკაშვილთან მიმართებით მართლმსაჯულება განხორციელდა „ევროპული სტანდარტებით და დასრულდა სიმართლის გამარჯვებით", ოპოზიციისგან კი ამ თემაზე გამოხმაურებები თითქმის არ იყო. ამაზე არც თავად სააკაშვილს და არც მის წარმომადგენელს კომენტარი არ გაუკეთებია.

ელზა პაპოშვილი
23.05.2024

გაერთიანების იდეამ ოპოზიციურ ფლანგზე ახალი დაპირისპირება გამოიწვია. მიხეილ სააკაშვილის მოწოდებას საერთო საარჩევნო სიის შექმნაზე პარტიების დიდი ნაწილი ეწინააღმდეგება. „ლელოს“ ლიდერის განცხადებას კი ოპოზიციონერი ლიდერების ნაწილის უკმაყოფილება მოჰყვა. ბევრის მიერ არასწორ სტრატეგიად ფასდება მამუკა ხაზარაძის პოზიცია, რომელიც „ნაციონალური მოძრაობისგან“ ცალკე, ალტერნატიული ცენტრის ჩამოყალიბებას გულისხმობს.

ნატალია ჯვარიძე
23.05.2024

„აშშ-ს სახელმწიფო მდივან ენტონი ბლინკელის გამოსვლამ მე კიდევ ერთხელ დამაფიქრა და მგონია, რომ აშშ-ში საქართველოს წინააღმდეგ, სხვადასხვა მიმართულებით მთელი რიგი დოკუმენტები მზადდება. ასევე დასაფიქირებელია საქართველოს გენერალური პროკურორის გადადგომაც, ამას სხვა გადადგომებიც მოჰყვება", - აცხადებს პოლიტოლოგი იგორ კვესელავა, რომელსაც „რეზონანსი" ქვეყანაში მიმდინარე პოლიტიკურ პროცესებზე ესაუბრა.

თამთა ჩაჩანიძე
24.05.2024

რუსეთის პრეზიდენტი ვლდიმერ პუტინი მზადაა დათანხმდეს უკრაინასთან ზავზე, „თუ ჯარები ამჟამინდელი ფრონტის ხაზზე დარჩებიან". უკრაინის ხელისუფლება პუტინის სცენარებს არ თანხმდება, ქვეყნის საგარეო უწყების შეფასებით, ეს ფაქტიურად ნიშნავს, რომ პუტინს ამჟამად არ აქვს სურვილი, დაასრულოს უკრაინის წინააღმდეგ აგრესია.

ირმა ჩიტაია
23.05.2024

ავტოსადგურების ახალი რეგულაცია მომსახურების ტარიფებზე არ აისახება. როგორც სექტორის წარმომადგენლები აცხადებენ, მკაცრი ადმინისტრირება ე.წ. "ხიშნიკების" საკითხს საბოლოოდ მოაგვარებს და არსებულ ხარვეზს მოაწესრიგებს, რაც მგზავრობის საფასურზე გავლენას გავლენას ვერ მოახდენს.

გვანცა წულაია
23.05.2024

უკვე რამდენიმე თვეა წითელ ზღვაში კრიზისია შექმნილი და ჯერჯერობით მდგომარეობის გამოსწორების არანაირი ნიშანი არ ჩანს. ამ ფონზე საგრძნობლად გაიზარდა კონტენერით გადაზიდვის ღირებულება და დროში ხანგრძლივობაც. ირკვევა, რომ კრიზისის გამო შუა დერეფნის გააქტიურებასთან დაკავშირებული მოლოდინი მხოლოდ ნაწილობრივ გამართლა.

ქეთო გოგოხია
22.05.2024

ინფლაციის რისკისა და ლარის გაუფასურების ფონზე ეროვნულმა ბანკმა მოულოდნელი გადაწყვეტილება მიიღო და რეფინანსირების განაკვეთი შეამცირა. მონეტარული პოლიტიკის ცვლილება გარკვეულ უარყოფით განწყობას იწვევს. ექსპერტები მიიჩნევენ, რომ ლარის გაუფასურებისა და საფინანსო სპეკულაციების ფონზე მონეტარული პოლიტიკის შერბილება ნაადრევია, თუმცა მცირედი კლებას სებ-ს მაინც და მაინც  სარისკო ნაბიჯად არ უთვლიან.

გვანცა წულაია
22.05.2024

ქვეყანაში მიმდინარე პოლიტიკური დაძაბულობის გამო ტურიზმის ინდუსტრიას გარკვეული სახის პრობლემა შეექმნა. საქართველოს ერთ-ერთ წამყვან სექტორს ,,გამჭვირვალობის კანონზე“ მეტად, აქციები და არასტაბილურობა აზარალებს, ამიტომ, როგორც ირკვევა, ვიზიტორებმა ჯავშნების გაუქმება დაიწყეს, თუმცა რეალურად სულაც არ არის ისეთი სურათი, როგორც ზოგიერთი ტუროპერატორი ან სასტუმროს მეპატრონე  ხატავს. მოლოდინი სახარბიელო არ არის, მაგრამ როგორც დარგის წარმომადგენლები იმედოვნებენ, რომ პრობლემა დროებითია და სეზონის დაწყებამდე დასრულდება.

ელზა პაპოშვილი
23.05.2024

მარტვილში, სოფელ ნალებსაოში მამამ შვილი დაჭრა. არსებული ინფორმაციით, კაცმა 30 წლამდე შვილს ცეცხლსასროლი იარაღიდან ესროლა. რა გახდა კონფლიქტის მოტივი, ამ დრომდე უცნობია. ადგილობრივებს დეტალებზე საუბარი უჭირთ, თუმცა ამბობენ, რომ კაცი სახლიდან არ გაქცეულა და ის პოლიციას შემთხვევის ადგილას დახვდა. 

ელზა პაპოშვილი
22.05.2024

ფემიციდის და ორმაგი მკვლელობის უმძიმესი ფაქტის  შესახებ ახალი დეტალები ხდება ცნობილი. ძველ რუსთავში, დუმბაძის ქუჩაზე,  გამვლელებმა დღის 1 საათზე 5-მდე გასროლის  ხმა გაიგეს. ადგილზე მისულებს კი საზარელი სურათი დახვდათ. ორი ახალგაზრდა ქალი მიწაზე იწვა და სისხლში ცურავდა. არცერთ მათგანს სიცოცხლის ნიშანწყალი აღარ ეტყობოდა. იქვე იდგა ეტლი, როემლშიც ჩვილი იწვა და ტიროდა. მიცვალებულებთან კი თავად სავარაუდო, თავდამსხმელი 27 წლის  გიორგი პირაშვილი იდგა, რომელმაც პოლიციაში თავადვე დარეკა. 





















Copyright © 2006-2024 by Resonance ltd. . All rights reserved
×