სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    გვანცა ღვედაშვილი
    24.11.2016

     ოკუპირებული გალი სამხედრო ქალაქად გამოცხადდა. შესაბამისი გადაწყვეტილება აფხაზეთის საოკუპაციო რეჟიმმა და ოფიციალურმა მოსკოვმა მიიღეს. გავრცელებული ინფორმაციით, გალის ტერიტორიაზე დამატებითი რუსული სამხედრო საგუშაგოები განთავსდება. შედეგად, ეს რაიონი, რომელიც 98%-ით ქართველებითაა დასახლებული, შეიძლება დანარჩენ საქართველოს კიდევ უფრო მოწყდეს.

    ნინო ქეთელაური
    23.11.2016

     პრემიერ-მინისტრობის მოვალეობის შემსრულებელმა გიორგი კვირიკაშვილმა მინისტრთა კაბინეტის ახალი შემადგენლობა წარადგინა. ძირითადი ცვლილებები ეკონომიკურ გუნდს ეხება. ეკონომიკისა და მდგრადი განვითარების მინისტრის თანამდებობაზე გიორგი გახარიაა წარდგენილი, რომელსაც დეპუტატის მანდატის დატოვება მოუწევს. ეკონომიკის მინისტრი დიმიტრი ქუმსიშვილი კი ფინანსთა სამინისტროს ჩაიბარებს და ნოდარ ხადურს შეცვლის. ქუმსიშვილი ასევე შეინარჩუნებს პირველი ვიცე-პრემიერის თანამდებობას.

    ელზა პაპოშვილი
    22.11.2016

     მთავრობის ახალი შემადგენლობა დღეს გახდება ცნობილი. მინისტრობის კანდიდატებს გიორგი კვირიკაშვილი დაასახელებს. პრემიერის თქმით, მთავრობის რადიკალურ ცვლილებებს არ უნდა ველოდოთ და თანამდებობებს მხოლოდ 2-3 მინისტრი დატოვებს. ახალ მთავრობას კი ნდობას პარლამენტი სავარაუდოდ, მიმდინარე კვირაში გამოუცხადებს.

    ნინო ქეთელაური
    21.11.2016

     სამთავრობო ცვლილებებთან დაკავშირებით, პრემიერ-მინისტრის მოვალეობის შემსრულებელი გიორგი კვირიკაშვილი განცხადებას ხვალ გააკეთებს.

    გვანცა ღვედაშვილი
    19.11.2016

     მე-9 მოწვევის პარლამენტის პირველი სხდომა პრეზიდენტმა გიორგი მარგველაშვილმა გახსნა, რომელმაც დეპუტატებს სიტყვით მიმართა და მმართველ პარტიას ქვეყანაში ეკონომიკური პრობლემების გადასაჭრელად აქტიური და არაორდინალური ნაბიჯებისაკენ მოუწოდა, აქვე აღნიშნა, რომ ვერ შეეგუება სახელმწიფოებრივი ინსტიტუტების, მედიის, სამოქალაქო საზოგადოების, მოქალაქეთა კონსტიტუციური უფლებების შელახვის ჩანაფიქრსაც კი.

    ნინო ქეთელაური
    18.11.2016

     ერთი ამერიკული დოლარის ოფიციალური ღირებულება 2.4861 ლარი გახდა. ეროვნული ბანკის მიერ გამოქვეყნებული ლარის ოფიციალური გაცვლითი კურსის მიხედვით, ეროვნული ვალუტა დოლართან მიმართებაში მცირედით გამყარდა. გუშინდელი კურსი 2.4926 ლარს შეადგენდა.

    ელზა პაპოშვილი
    17.11.2016

     იმ შემთხვევაში, თუ მეცხრე მოწვევის პარლამენტი და მთავრობა ახალ წლამდე არსებული ნარკოპოლიტიკის ცვლილებას არ განახორციელებს, "გირჩის" წევრები 31 დეკემბერს, 23:59 საათზე, საკუთარ ოფისში, სხვა სრულწლოვან მოხალისეებთან ერთად მარიხუანას საჯაროდ დათესავს. ამის შესახებ გუშინ პრესკონფერენციაზე "გირჩის" ერთ-ერთმა ლიდერმა ზურაბ ჯაფარიძემ განაცხადა.

    ნინო ქეთელაური
    15.11.2016

     რუსეთის ფედერაციის საბჭო 16 ნოემბერს ოკუპირებულ აფხაზეთთან შეიარაღებული ძალების გაერთიანებული დაჯგუფების შესახებ შეთანხმებას განიხილავს, - ამის შესახებ სააგენტო "რია ნოვოსტი" იუწყება.

    სალომე სარიშვილი
    14.11.2016

     დედაქალაქის მერის, დავით ნარმანიას თქმით, "სითი პარკის" ინვესტიცია მხოლოდ ის საღებავია, რომლითაც ქუჩებზე ავტომობილის გაჩერებისთვის ნებადართულ ადგილებს ხაზავენ. მისივე განცხადებით, როდესაც ბიუჯეტი არ გვაძლევს საშუალებას გამოვისყიდოთ "სითი პარკის" 25 მილიონიანი კონტრაქტი, პასუხი უნდა მოვთხოვოთ იმ ხალხს, ვინც ასეთი კაბალური კონტრაქტი გააფორმა.

    ნინო ქეთელაური
    12.11.2016

     გამართლებულია  ქორწინების ინსცენირება საბავშვო ბაღში? თბილისის 56-ე საბავშვო ბაგა-ბაღის მიერ აღსაზრდელთა მონაწილეობით დადგმულ "ქორწინების" სცენას, რომელიც სოციალური ქსელით გავრცელდა, არაერთგვაროვანი შეფასებები მოჰყვა. საზოგადოების ნაწილი მიიჩნევს, რომ ამაში საგანგაშო არაფერია, ნაწილის თქმით კი ეს ბავშვთა უფლებების დარღვევაა.

    ნინო ქეთელაური
    11.11.2016

     ქართული ზღაპრები და მულტფილმები შესაცვლელია, - მიიჩნევს განათლებისა და მეცნიერების მინისტრი ალექსანდრე ჯეჯელავა. მან რადიო "პალიტრის" გადაცემა "რეზიუმეში" ყურადღება ქართულ მულტფილმებსა და ზღაპრებზე გაამახვილა და ხაზი გაუსვა, რომ მათი გმირები ბავშვებზე გავლენას ახდენს.

    ნინო ქეთელაური
    10.11.2016

     ამერიკის შეერთებულმა შტატებმა ახალ პრეზიდენტად დონალდ ტრამპი აირჩია, რასაც საქართველოშიც არაერთგვაროვანი შეფასებები მოჰყვა. საზოგადობის ნაწილი თვლის, რომ აშშ-ის პოლიტიკა საქართველოსთან მიმართებით მნიშვნელოვნად შეიცვლება, ნაწილის თქმით კი ეს გაზვიადებული შეფასებაა.


    Copyright © 2006-2019 by Resonance ltd. . All rights reserved
    ×