პრეზიდენტმა სალომე ზურაბიშვილმა ბრიფინგზე ისაუბრა კოალიცია „ძლიერი საქართველოს" და პარტია „გახარია-საქართველოსთის" გაერთიანებაზე. მან ინიციატივას სრული მხადარაჭერა გამოუცხადა და მოლაპარაკების ბოლო ეტაპის გასავლელად მხარეები ხვალ, ორბელიანების სასახლეში მიიპატიჟა. პრეზიდენტმა მოახლოებულ არჩევნებზეც გაამახვილა ყურადღება და განაცხადა, რომ განსაკუთრებული დღე იქნება, რადგან ხალხმა არჩევანი უნდა გააკეთოს ევროპასა და რუსეთს შორის.

"ლელოს" ლიდერი მამუკა ხაზარაძე აცხადებს, რომ ბევრ რამეში ყოფილი პრემიერის გიორგი გახარიასა და მისი ხედვები ერთმანეთს ემთხვევა, თუმცა მათი ალიანსი შესაძლოა მხარეების ელექტორატისთვის მისაღები არ იყოს. პრეზიდენტი სალომე ზურაბიშვილი კი მათ გაერთიანებას მხარდაჭერას უცხადებს და 17 სექტემბერს ორივე ძალას ორბელიანების სასახლეში ეპატიჟება, „რათა მოლაპარაკებების ბოლო ეტაპი დაუყოვნებლივ გაიმართოს".

ცესკოს ინფორმაციით, 26 ოქტომბრის პარლამენტის არჩევნებისთვის, პოლიტიკური პარტიების ქცევის კოდექსს, რეგისტრირებული 27 პარტიიდან ხელი ექვსმა მოაწერა. აღნიშნულთან დაკავშირებით კი მმართველ პარტიას ეჭვი აქვს, რომ ოპოზიცია არ აპირებს, რომ არჩევნების შედეგები აღიაროს და „აქედანვე ამზადებს საბაბს". თავად ოპოზიციას ამაზე კომენტარი არ გაუკეთებია და საარჩევნო კამპანიას ეწევა რეგიონებში.

„ქართული ოცნების" საპატიო თავმჯდომარის, ბიძინა ივანიშვილის მიერ გორში გაკეთებულ განცხადებას დიდი გამოხმაურება მოჰყვა. მწვავედ კრიტიკული შეფასება აქვს ოპოზიციას, რომელიც აცხადებს, რომ ივანიშვილის ნათქვამი რუსეთის ინტერესებს ემსახურება, ანტისახელწიფოებრივია და რომ საქართველოს ბოდიშის მოსახდელი არაფერი აქვს. იგივე პოზიცია აქვს საზოგადოების მნიშნელოვან ნაწილს. ანალიტიკოსები კი „რეზონანსთან" იმაზე საუბრობენ, თუ რა გაგრძელება ექნება ამას საქართველოს კიდევ ერთი ოკუპირებული ტერიტორიი მოსაზღვრედ, ზუგდიდში გამართულ „ქართული ოცნების" წინასაარჩევნო შეხვედრაზე.

მმართველი გუნდი არჩევნების მოახლოვებასთან ერთად სულ უფრო აქტიურად საუბრობს იმაზე, რომ  ოპოზიცია არა 26, არამედ 27 ოქტომბრისთვის ემზადება. რამდენად საფუძვლიანია „ქართული ოცნების“ ეს ბრალდებები და რა პროცესები გველოდება ოქტომბრის ბოლოს? ანალიტიკოსთა ნაწილი მიიჩნევს, რომ ოპოზიციის რევოლუციურ გეგმებზე საუბარი მმართველი პარტიის პიარის ნაწილი. სხვების აზრით კი, ოპოზიციას ნებისმიერ ფასად სურს ხელისუფლებაში მოსვლა და თუ ეს 26 ოქტომბერს არჩევნების გზით ვერ მოხერხდა, 27-დან ამას უკვე სხვა გზებით შეეცდებიან.

ოპოზიცია ძალიან ფრთხილად უნდა იყოს საარჩევნო სიების შედგენისას და არ უნდა შეიყვანოს მასში „მერყევი ელემენტები". ამის შესახებ ექსპრეზიდენტი მიხეილ სააკაშვილი საუბრობს და ოპოზიციას ახალ საფრთხეზე მიუთითებს - „ქართული ოცნება" არჩევნებზე ვერ შეძლებს პარლამენტში უმრავლესობის მოპოვებას და ამ მიზნის მისაღწევად ოპოზიციური პარტიებიდან პარლამენტში გასული დეპუტატების გადაბირებას შეეცდება. რას ნიშნავს სააკაშვილის ეს განცხადება და რომელ ოპოზიციური პარტიების სიებში შეიძლება იყვნენ ასეთი „მერყევი ელემენტები"?

“ქართველ ხალხს ოქტომბერში შესაძლებლობა ექნება, თაღლითები მოაშოროს და საკუთარ ხელში აიღოს მომავალი“ - ეს არის გზავნილი „ოცნებისთვის“, რომელიც მან მორიგ ჯერზე ამერიკისგან მიიღო.  სენატორმა ჯიმ რიშმა, რომელიც 2012 წელს საქართველოში ხელისუფლების მშვიდობიანი გზით გადაბარებას კურირებდა და ბიძინა ივანიშვილთან კარგი ურთიერთობა ჰქონდა,  სენატში გამართულ მოსმენაზე  განაცხადა, სადაც საქართველოს შესახებ მსჯელობა გაიმართა.

ყოფილი პრემიერი გიორგი გახარია აცხადებს, რომ მისი პარტია „საქართველოსთვის" „არცერთ შემთხვევაში, არანაირ კოალიციას და თანამშრომლობას არ დაუშვებს" არც „ოცნებასთან" და არც ენმ-სთან და თუკი პარტიის ხმები იქნება გადამწყვეტი, მაშინ მთავრობის ფორმირების პროცესში გადამწყვეტ როლს ითამაშებს. ანალიტიკოსი რამაზ საყვარელიძე „რეზონანსთან" აცხადებს, რომ გახარიას გადაუწყვეტელი ამომრჩევლის ხმების მიზიდვა სურს.

„არჩევნებამდე შეერთებული შტატების მხრიდან არავითარი დათმობა არ იქნება, ხოლო არჩევნები გადაწყვეტს ამერიკის დამოკიდებულებას და გადაწყდება საერთოდ დარჩეს თუ არა ელჩი აქ, ანუ ჰქონდეს თუ არა საქართველოსთან დიპლომატიური ურთიერთობა", - აცხადებს პოლიტოლოგი იგორ კვესელავა, რომელსაც „რეზონანსი" ქვეყანაში მიმდინარე პოლიტიკურ ვითარებაზე ესაუბრა.

ოპოზიციონერი დეპუტატები ზურაბ გირჩი ჯაფარიძის ხელმძღვანელობით, აშშ-ში გაემგზავრნენ. ჯაფარიძემ ვიზიტის დეტალები არ დააკონკრეტა. მმართველ პარტიას ეჭვი აქვს, რომ ოპოზიცია რევოლუციისთვის, 27 ოქტომბრისთვის ემზადება და შეერთებულ შტატებში „ინსტრუქციების მისაღებად" წავიდა.

ამერიკიდან „ქართული ოცნების" მისამართით მორიგი კრიტიკული განცხადება გაკეთდა. „თუ არჩევნები თავისუფალი და სამართლიანი არ იქნება, ეს საქართველოს დემოკრატიულ ზრდას შეაფერხებს", - თქვა შეერთებული შტატების ეროვნული უშიშროების საბჭოს ევროპის მიმართულების უფროსმა დირექტორმა, მაიკ კარპენტერმა „ამერიკის ხმასთან" საუბრისას.

კოალიცია „ერთიანობა - ნაციონალური მოძრაობის" აქტივისტებს, რომლებიც ვაჟა-ფშაველას გამზირზე პლაკატებს აკრავდნენ, გაურკვეველი პირები დაუპირისპირდნენ და პლაკატების გაკვრაში ხელი შეუშალეს. ადგილზე გამოიძახეს პოლიციაც - ამის შესახებ ინფორმაცია „ერთიანობა - ნაციონალური მოძრაობამ" გაავრცელა. აქტივისტები ამბობენ, რომ ადგილი ჰქონდა სიტყვიერ შეურაცხყოფასა და შეხლა-შემოხლას.