არჩევნებამდე ერთი დღით ადრე ოპოზიციურ სპექტრში პოლიტიკური ტემპერატურა უფრო მაღალ ნიშნულზე ადის. ამჯერად ლელოსა და გახარიას კოალიცია აანონსებს, რომ 5 ოქტომბრის შემდეგ უფრო „მეტს ამბავს მოეფინებს ნათელი". კოალიციის განაწყენება ექსპრეზიდენტ სალომე ზურაბიშვილის მიერ TVP WORLD-თან გაკეთებულმა კომენტარმა გამოიწვია, სადაც ზურაბიშვილმა ახსნა, რომ არჩევნებში მონაწილეობა ოპოზიციურმა პარტიებმა მთავრობის ზეწოლის გადაწყვიტეს. სადამდე მივა დაძაბულობა და რა კარტებს გაშლის ოპოზიცია 5 ოქტომბრის შემდეგ?

დღეს სრულდება წინასაარჩევნო კამპანია, თბილისის მერობის კანდიდატებმა ამომრჩეველს აქტიურობისკენ მოუწოდეს და ბოლო გზავნილებიც გააჟღერეს. მთავარ კონკურენტებს გამარჯვების იმედი აქვთ. თუმცაღა, ანალიტიკოსები მიიჩნევენ, განსაკუთრებით ოპოზიციის ნაწილის ბოიკოტის ფონზე, კალაძეს მერობის მესამე ვადა გარანტირებული აქვს.

ადგილობრივ არჩევნებამდე ორი დღით ადრე მერობის კანდიდატებს შორის დებატები გაიმართა. მხარეებმა საკუთარ ამომრჩევლებს მიმართეს და ერთმანეთს კითხვები დაუსვეს. ცხარე დებატები გაიმართა „ოცნებისა" და „მწვანეთა პარტიის", ასევე კახა კუკავასა და ლელო-გახარიას საერთო კანდიდატ შორის.

„ურთიერთობების გადატვირთვა" და „ინტეგრაციის გზაზე დისკუსიის გახსნა" - მხოლოდ ნაწილია იმ გზავნილებისა, რაც პრემიერმა ირაკლი კობახიძემ კოპენჰაგენში გამართული ევროპული პოლიტიკური გაერთიანების მე-7 სამიტის შემდეგ გააჟღერა. ოპოზიციაში აცხადებენ, რომ „ქართული ოცნება" ამ შეხვედრებს მხოლოდ პიარ-კამპანიისთვის იყენებს, მაშინ, როცა ქვეყნის ევროინტეგრაციის პროცესი კვლავ კრიტიკულ ფაზაშია - როგორ ჩაიარა სამიტმა და რა აქცენტები გააკეთა ქართულმა მხარემ?

ევროპის საბჭოს საპარლამენტო ასამბლეაში რეზოლუციას „დემოკრატიისა და კანონის უზენაესობა საქართველოში" 77-დან მხარი 68 დელეგატმა დაუჭირა, 2-მა თავი შეიკავა 7 კი წინააღმდეგ წავიდა. კენჭისყრამდე დებატები გაიმართა საქართველოში მიმდინარე და მოსალოდნელ პოლიტიკურ ვითარებასთან დაკავშირებით.

4 ოქტომბერს დაანონსებული „მშვიდობიანი რევოლუციის" წინ, დამატებითი დეტალები ხდება ცნობილი, რაც გარკვეულ წარმოდგენას ქმნის იმაზე, თუ რა შეიძლება იყოს აქციის ორგანიზატორების ძირითადი სამოქმედო გეგმა და როგორ შეიძლება განვითარდეს მოვლენები - ოპოზიციის მტკიცებით, გეკა გელაძის უწყების სამოქმედო გეგმა გაშიფრა, თავის მხრივ მიხეილ სააკაშვილი მხარდამჭერებს მიმართავს და ვარდების რევოლუციაზე უყვება, ამასთან, ცნობილი ხდება, რომ ორგანიზატორებს ოთხი სცენის გამართვა სურდათ, თუმცა თბილისის მერიამ ამის ნება არ დართო.

ოპოზიციის ნაწილის მიერ დაანონსებულ „მშვიდობიან რევოლუციამდე" ორი დღე რჩება. „ნაციონალური მოძრაობის" წევრები აცხადებენ, რომ აქცია მხოლოდ მშვიდობიანი იქნება და კანონს არ დაარღვევენ. 4 ოქტომბრის აქციაზე თავად ოპოზიციის შიგნითაც აზრთა სხვაობაა - ექსპრემიერი გიორგი გახარია ამბობს, რომ „ახლა დადგმულ სცენარს ვუყურებთ", ხოლო მმართველ გუნდში იფიცებიან, რომ ვინც დესტაბილიზაციას ეცდება, მკაცრად დაისჯება.

თბილისის მერიამ „რუსთაველის გამზირის" დამფუძნებელ პაატა ბურჭულაძეს 4 ოქტომბერს თბილისში, სხვადასხვა ლოკაციაზე 4 სცენის გამართვაზე უარი უთხრა და მხოლოდ ერთი სცენის გამართვის უფლება მისცა. 4 სცენის გამართვის აუცილებლობას ბურჭულაძე შეკრებაში მონაწილეობის მსურველთა დიდი რაოდენობით ხსნის. მეორეს მხრივ კი, ეს შეიძლება საპოლიციო ძალების დაქსაქსვის მიზნით კეთდებოდეს.

„ოცნების" საპატიო თავმჯდომარე 2012 წლის არჩევნებში პარტიის გამარჯვების 13 წლისთავთან დაკავშირებით ვრცელ წერილს აქვეყნებს. ბიძინა ივანიშვილი მთავარ აქცენტებს აკეთებს მმართველობის შედეგებზე, მშვიდობის მნიშვნელობაზე, ეკონომიკურ წინსვლაზე, შიდა და გარე მტრებზე და მათ მიერ ქვეყნის არევის მცდელობაზე, საგარეო კურსსა და გუნდის შიგნით „მუხანათურ ღალატზე", რაც ანალიტიკოსთა ნაწილისთვის განსაკუთრებით თვალშისაცემი იყო.

საქართველო-დასავლეთის ურთიერთობებში მზარდი დაძაბულობის ფონზე, პრემიერ-მინისტრი ირაკლი კობახიძე კოპენჰაგენში ევროპული პოლიტიკური გაერთიანების სამიტში მიიღებს მონაწილეობას. ამის პარალელურად, 2 ოქტომბერს, სტრასბურგში ევროპის საბჭოს საპარლამენტო ასამბლეა საქართველოში დემოკრატიის მდგომარეობაზე დებატების გამართვასა და მორიგი კრიტიკული რეზოლუციის მირებას გეგმავს. კონფრონტაციული ტონის პარალელურად კობახიძის ვიზიტი კოპენჰაგენში ექსპერტებისთვის სხვადასხვა მნიშვნელობას იძენს და შეფასებებიც განსხვავებულია.

4 დღე 4 ოქტომბრამდე - აქციის ორგანიზატორებმა მმართველ პარტიას ულტიმატუმი წაუყენეს - „გაათავისუფლოს რეჟიმის ტყვეები" და გამოთქვას მზაობა რიგარეშე საპარლამენტო არჩევნების დანიშვნაზე „შესაბამისი საარჩევნო გარემოს უზრუნველყოფით". ბოიკოტში მყოფები პოლიციასაც მიმართავენ „ემსახურონ ქართველ ხალხს და არა „ოცნებას". აქციის ორგანიზატორები მოქალაქეებსაც მოუწოდებენ, რომ „გამორთონ ტელევიზორები და გავიდნენ რუსთაველზე".

საზოგადოებისთვის ნაკლებად ცნობილი აქტივისტის განცხადება, რომ 4 ოქტომბერს ოპოზიცია, არც მეტი არც ნაკლები, ჯარს ამზადებს, მათ შორის ომის ვეტერანებით დაკომპლექტებულია და რომ „მეორე მხარეს უმსხვერპლოდ გადარჩენის შანსი" უნდა მიეცეს, სოციალურ ქსელებში ვირუსულად გავრცელდა. აქტივისტი აღნიშნავს, რომ 4 ოქტომბრის აქციისთვის იმარაგებენ ყველაფერს, რაც ამ ბრძოლას სჭირდება. დახურულ ჯგუფებში ხალხის ნაწილი აქტივისტის მოწოდებას პროპაგანდულად აფასებს, ნაწილი კი ფიქრობს, რომ ამ შოკისმომგვრელ განცხადებაში შესაძლოა სიმართლეც იყოს. მიიღებს თუ არა 4 ოქტომბრის აქცია ძალადობრივ სახეს და რა მოწოდებებით გამოდიან აქტივისტები?