შუა აზიური ტვირთები საქართველოს ტერიტორიაზე გადმოდის. ამ მხრივ ომმა ქვეყნის ლოგისტიკური შესაძლებლობები გააძლიერა და გზა გაუხსნა ახალ სატრანსპორტო ნაკადებს. თუკი აქამდე ყაზახეთი რუსეთის გავლით აგებულ სატერმინალო ქსელს იყენებდა, უკრაინაში არსებული ვითარების გამო მას ახალი გზების მოძიება მოუწია. ამ ეტაპზე ცნობილი ხდება, რომ ყაზახეთი საქართველოს, ირანის, აზერბაიჯანისა და თურქეთის პორტებში გარე ტერმინალის ქსელების შექმნას გეგმავს. ამით საქართველოს ლოგისტიკური პოტენციალი მნიშვნელოვნად იზრდება და ქვეყანა სოლიდურ სარგებელს მიიღებს. გარდა ყაზახეთისა, ახალი დერეფნით ისარგებლებენ ევროპის, ცენტრალური აზიის, კავკასიისა და ახლო აღმოსავლეთის ქვეყნები.