კანადაში, ერთ-ერთი უმსხვილესი სატელეკომუნიკაციო ქსელის - Rogers Communications-ის ტექნიკურმა ხარვეზმა მილიონობით მომხმარებელი ინტერნეტთან წვდომის გარეშე დატოვა. მობილური ინტერნეტის გათიშვამ საგადასახადო სისტემის - ბანკომატების მუშაობის შეფერხებაც გამოიწვია.

ქალაქ უინიპეგში გადაუდებელი დახმარების ნომერზე - 911-ზე დარეკვაც შეუძლებელი გახდა. პოლიციამ მოქალაქეებს სთხოვა, საჭიროების შემთხვევაში, სტაციონარული ტელეფონებით ესარგებლათ.

მომხმარებლებისთვის ინტერნეტის მიწოდება ეტაპობრივად აღდგება. ისინი, ვისაც ინტერნეტი ამ დრომდე არ აღუდგათ, ბარებისა და რესტორნების WiFi-თ სარგებლობენ.

Rogers-ს კანადაში 11 მილიონამდე აბონენტი ჰყავს.