მხოლოდ გასულ თვეში რუსთავში 6 გველი დაიჭირეს. ამის შესახებ "ინფო რუსთავს" ინფორმაცია რუსთავის საზოგადოებრივი ჯანმრთელობისა და უსაფრთხო გარემოს ცენტრიდან მიაწოდეს.
ცენტრის ხელმძღვანელის, დავით იშხნელის ინფორმაციით, მათთან სულ 9 გამოძახება შევიდა, საიდანაც 6 დადასტურდა, თუმცა შხამიანი ქვეწარმავალი არც ერთ გამოძახებაზე არ გამოუვლენიათ. დაჭერილი გველების სახეობები ასე ნაწილდება: 1 გეკონი, 2 წყლის ანკარა, 1 ჩვეულებრივი ანკარა, 1 წითელმუცელა და 1 გველხოკერა.
საინფორმაციო სააგენტო დაინტერესდა, ხომ არ არის რუსთავში გამოკვეთილი კონკრეტული უბნები, საიდანაც გველებთან დაკავშირებით გამოძახებები უფრო ხშირად ფიქსირდება, რაზეც იშხნელი აცხადებს, რომ ძირითადად შეტყობინებები ჭყონდიდლის დასახლებიდან, მე-7 მიკრორაიონის ტერიტორიიდან, ასევე გარეჯის ქუჩიდან შედის.
ინფო რუსთავი