რეზონანსი
19.08.2022

ჩემგან ასეთი რამ, მუქარა არასდროს არ წასულა არავის მიმართ, რომ ოჯახის ამოწყვეტით დავმუქრებოდი, - აღნიშნულის შესახებ საქართველოს შინაგან საქმეთა მინისტრმა, ვახტანგ გომელაურმა მედიასთან საუბრისას განაცხადა.

ჟურნალისტებმა გომელაურს კითხვები დაუსვეს სოსო გოგაშვილის მიერ სოციალური ქსელით გავრცელებულ ინფორმაციაზე.

„ეს, რა თქმა უნდა, აბსურდია, ტყუილია. სოსო გოგაშვილზე თვითონ, ძალიან სამწუხაროა, გული მწყდება. გავიცანი 2013 წელს, წამოვიყვანე მე პირადად. ის იყო რიგით თანამდებობაზე, არ მახსოვს, განყოფილების ან ქვეგანყოფილების უფროსის მოადგილე იყო გენინსპექციაში. მე მაშინ შინაგან საქმეთა მინისტრის მოადგილე ვიყავი და ბატონი ირაკლი ღარიბაშვილი იყო შინაგან საქმეთა მინისტრი. ვთხოვე მას, ჩემს საკურატოროში გადმოვიყვანე, დავაწინაურე. დეტალებს აღარ მოვყვები. ბოლოს გახდა ჩემი პირველი მოადგილე. თითქმის სამი წელი იყო ჩემი მოადგილე. ის იყო ჩემი ოჯახის ახლობელიც. დავახლოვდით ოჯახებით და ახლა სამწუხაროდ, ის აცხადებს. რომ თურმე სამი წელი იდგა და აგროვებდა კომპრომატებს ჩემზე, ჩვენს გუნდზე და გომელაური ციხეში უნდა იჯდეს. მისი გათავისუფლება თანამდებობიდან მოხდა 2018 წელს, რატომ მოხდა ეს, თვითონ ყველაზე კარგად იცის", - განაცხადა ვახტანგ გომელაურმა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×