„ნაციონალური მოძრაობის“ წევრი თენგო სანაია დააკავეს. ინფორმაციას პარტიის აფხაზეთის რეგიონული ორგანიზაციის თავმჯდომარე, ბესო შენგელია ავრცელებს.

„თენგო სანაიას სახლში ჩატარდა ჩხრეკა, დაკავებულია თენგო და ჩემი ინფორმაციით, გადაიყვანეს ისანი-სამგორის სამმართველოში, ძალიან მალე ვიქნები ადგილზე! შევიკრიბოთ სამმართველოსთან!“ - წერს შენგელია.

ცნობისთვის, თენგო სანაია სამოქალაქო აქტივისტმა გიორგი მუმლაძემ მუქარაში დაადანაშაულა და მიმოწერაც გაავრცელა. ერთ-ერთ სქრინში ვკითხულობთ, რომ სანაიამ მუმლაძეს იარაღის ფოტო გაუგზავნა და მიწერა - „ამის გემოს გაგასინჯებ“.

pia.ge