უკრაინის პრეზიდენტის, ვოლოდიმირ ზელენსკის განცხადები, მოსკოვი გეგმავს უკრაინის ოთხი ოკუპირებული ოლქის ანექსიას და ის აიძულებს ადამიანებს შეუერთდნენ რუსეთის ჯარს.

"ანექსიის მიზანი აშკარაა - ოკუპანტს სურს ოკუპირებული ტერიტორიის მცხოვრებლები არმიას შეუერთოს," - განაცხადა ზელენსკიმ ჰარვარდის უნივერსიტეტის სტუდენტებთან ვიდეო მიმართვისას.

„ან მოგკლავენ ან უნდა მოკლა - რუსეთს სურს აიძულოს ოკუპირებულ მიწებზე მცხოვრები ასობით ათასი უკრაინელი ასეთი არჩევანი გააკეთოს", - აღნიშნა ზელენსკიმ.

შეგახსენებთ, სამშაბათს, გაეროს უშიშროების საბჭოს შეხვედრაზე სიტყვით გამოსვლისას ვოლოდიმირ ზელენსკიმ განაცხადა, რომ უკრაინის ტერიტორიის ანექსიის ნებისმიერი მცდელობა ნიშნავს, რომ „რუსეთის ამ პრეზიდენტთან სალაპარაკო არაფერია".