უკრაინისა და თურქეთის პრეზიდენტებმა, ვოლოდიმირ ზელენსკიმ და რეჯეფ თაიფ ერდოღანმა სატელეფონო საუბარი გამართეს. ინფორმაციას ამის შესახებ უკრაინული მედია ავრცელებს.
ზელენსკიმ მადლობა გადაუხადა ერდოღანს მარცვლეულის ექსპორტის შეთანხმების შენარჩუნებაში აქტიური მონაწილეობისთვის, ასევე უკრაინის სუვერენიტეტისა და ტერიტორიული მთლიანობის მტკიცე მხარდაჭერისთვის.
„ჩვენ განვიხილეთ შემდგომი ნაბიჯები ჩვენი ტყვეებისა და პოლიტპატიმრების დასაბრუნებლად. თურქეთის მხარდაჭერა ასევე მნიშვნელოვანია ჩვენთვის ამ საკითხში", - განაცხადა ზელენსკიმ.
დღეს რუსეთის თავდაცვის სამინისტროში განაცხადეს, რომ რუსეთი მარცვლეულის ექსპორტის შეთანხმებაში მონაწილეობას განაახლებს.
რუსეთის თავდაცვის უწყებაში აღნიშნეს, რომ გაეროსა და თურქეთის წყალობით, რუსეთმა მიიღო უკრაინისგან საჭირო წერილობითი გარანტიები, რომ უკრაინის ჰუმანიტარული დერეფანი და პორტები არ იქნება გამოყენებული რუსეთის წინააღმდეგ სამხედრო ოპერაციების განსახორციელებლად.