განსაკუთრებული სისასტიკით მკვლელობაში ბრალდებული 39 წლის მამაკაცი დანაშაულს აღიარებს, თუმცა ამბობს, რომ ის თავს იცავდა. საუბარია მუხიანში მომხდარ მკვლელობაზე, რა დროსაც ადგილობრივებმა ლიფტში დასახიჩრებული მეზობლის ცხედარი იპოვეს.

გარდაცვლილს 50-ზე მეტი ჭრილობა დანით ჰქონდა მიყენებული. დაკავებულმა სასამართლოზე სიტყვის უფლებით ისარგებლა. მოსამართლემ ბრალდებულს აღმკვეთ ღონისძიებად წინასწარი პატიმრობა შეუფარდა. საქმე არსებით განხილვაზე გადადის.

„ფსიქოლოგიური ზეწოლა, მუქარა, რაშიც ვგულისხმობ იმას, რომ ან დავთანხმდებოდი იმას, რასაც მთავაზობდა ან სხვა რამეს მოიმოქმედებდა. მაინც მინდა შეგახსენოთ ის, რაც მოხდა, რათა თქვენ გაითვალისწინოთ და სასჯელად უვადო პატიმრობა არ მომისაჯოთ," - ამბობს ბრალდებული.

ცნობისთვის, მამაკაცმა მოხუც პენსიონერს ჯერ დანით ჭრილობები მიაყენა, შემდეგ ცხედარს ცეცხლი წაუკიდა და ლიფტის შახტაში ჩააგდო.