„ნაციონალური მოძრაობის" დეპუტატის, ანა წითლიძის განცხადებით, პარლამენტის თავმჯდომარემ, შალვა პაპუაშვილმა მას და „ლელოს" დეპუტატ ანა ნაცვლიშვილს ჯანმრთელობის ხელყოფისა და სახელმწიფო ქონების განადგურების ფაქტებზე ბრალდებული ლაზარე გრიგორიადისის ციხეში მონახულებაზე უარი უთხრა.

ამის შესახებ დეპუტატი სოციალურ ქსელში წერს და აღნიშნავს, რომ მიზეზი გაურკვეველია.

„პარლამენტის თავმჯდომარემ ლაზარე გრიგორიადისის ციხეში მონახულებაზე უარი მითხრა მეც და როგორც გაირკვა ანა ნაცვლიშვილსაც. მიზეზი გაურკვეველია, თუმცა კიდევ ერთხელ ადასტურებს იმას, რომ ხელისუფლებას ლაზარეს საქმესთან დაკავშირებით რაღაც აქვს დასამალი", - წერს წითლიძე.