„რაც შეეხება ძირითადს, რუსეთის ფედერაციასთან მოლაპარაკების რეალურ საფუძველს წარმოადგენს რუსული შეიარაღებული დაჯგუფებების სრულად გაყვანა უკრაინის 1991 წელს საერთაშორისოდ აღიარებული საზღვრიდან, მათ შორის ყირიმიდან", - აღნიშნა პოდოლიაკმა და თქვა, რომ რაიმე სახის ტერიტორიული დათმობა ან ვაჭრობა გამორიცხულია.

შეგახსენებთ, რომ მანამდე გავრცელდა უკრაინის პრეზიდენტის ერთ-ერთი მრჩევლის ინტერვიუ, სადაც მან თქვა, რომ უკრაინა მზად იქნება ყირიმის მომავალზე მოლაპარაკებისთვის, როდესაც უკრაინის შეიარაღებული ძალები მიაღწევენ რუსეთის მიერ ოკუპირებული ნახევარკუნძულის ადმინისტრაციულ საზღვარს.