თბილისის სატრანსპორტო კომპანიის ინფორმაციით, თბილისის მეტროს პირველ ხაზზე (ახმეტელის თეატრი - ვარკეთილი) მოძრავი შემადგენლობის ტექნიკური ხარვეზის გამო დროებით შეჩერებულია მატარებლების მოძრაობა.

სატრანსპორტო კომპანიის შესაბამისი სამსახურების თანამშრომლები ადგილზე არიან, რათა დროულად მოხდეს ხარვეზის გამოსწორება. თბილისის მეტროს საბურთალოს ხაზი ჩვეულ რეჟიმში აგრძელებს მუშაობას. თბილისის სატრანსპორტო კომპანია ბოდიშს გიხდით შექმნილი დისკომფორტისთვის.