ძალიან მნიშვნელოვანია, რომ ჩვენს სახელმწიფოში, ჩვენს საზოგადოებას ჰქონდეს პასუხები ისეთ კითხვებზე, რომელიც დაიბადა ამ გადაწყვეტილების მიღების დროს, - ამის შესახებ განცხადებას „ქართული ოცნების" დეპუტატი მიხეილ სარჯველაძე აკეთებს, რითაც აშშ-ს მიერ 4 ქართველ მოსამართლეს დასანქცირების საკითს შეეხო.
„როდესაც ჩვენი სუვერენული სახელმწიფოს სასამართლო ხელისუფლების კონკრეტული თანამდებობის პირების მიმართ სანქციების გამოყენება ხდება, ან როგორც არ უნდა დავარქვათ ამას, ფაქტია, რომ რაღაც მათი გადაცდომების გამო - ასე ამბობენ ამ სანქციების ავტორები, ხდება მათთვის არახელსაყრელი ზომების გამოყენება. ასეთ დროს, ძალიან მნიშვნელოვანია, რომ ჩვენს სახელმწიფოში, ჩვენს საზოგადოებას ჰქონდეს პასუხები ისეთ კითხვებზე, რომელიც დაიბადა ამ გადაწყვეტილების მიღების დროს", - განაცხადა მიხეილ სარჯველაძემ.