უკრაინის ძალებმა ბახმუტთან დაახლოებით 20 კვადრატული კილომეტრი მიწა დაიბრუნეს. ამის შესახებ უკრაინის თავდაცვის მინისტრის მოადგილე ანა მალიარი Telegram-ზე წერს.
მისივე განცხადებით, ინფორმაცია საომარი მოქმედებების მიმდინარეობის შესახებ უნდა განიხილებოდეს თავდაცვითი ოპერაციის ყველა ღონისძიების პრიზმაში და არ უნდა იქნას ამოღებული მოვლენების კონტექსტიდან.
"მაგალითად, ბოლო რამდენიმე დღის განმავლობაში ჩვენმა ჯარებმა გაათავისუფლეს დაახლოებით 20 კვადრატული კილომეტრი მტრისგან ბახმუტის გარეუბნების ჩრდილოეთით და სამხრეთით", - წერს მალიარი.
როგორც მან აღნიშნა, ბახმუტში რუსული არმია მთლიანად ანადგურებდა ქალაქს არტილერიით. გარდა ამისა, მტერი უბიძგებს პროფესიონალ მედესანტეებს.
"მიდის მძიმე ბრძოლები სხვადასხვა შედეგებით. არსებულ ვითარებაში ჩვენი ჯარები ყველაფერს აკეთებენ და კიდევ უფრო მეტს...
ის, რომ ბახმუტის დაცვა ამდენი თვე გაგრძელდა და გარკვეულ სფეროებში არის მიღწევები, ჩვენი მებრძოლების არაჩვეულებრივი ძალისხმევისა და თავდაცვის სარდლობის მაღალი პროფესიონალიზმის დამსახურებაა" - განაცხადა მან.
მისივე თქმით, მტერს უპირატესობა აქვს პერსონალის და იარაღის რაოდენობით. ამასთან, უკრაინელი სამხედროების მოქმედებების წყალობით, მტრის ძალები გასული ზაფხულიდან ბახმუტის რაიონში გეგმების განხორციელებას ვერ ახერხებენ.