თქვენი ამოცანაა ჩავარდეს და საქართველომ მეორედ, კანდიდატის სტატუსი არ მიიღოს, - ამის შესახებ საპარლამენტო უმრავლესობის წევრმა, ირაკლი ზარქუამ პლენარულ სხდომაზე განაცხადა.

„ის ხალხი, ვინც გუშინ მხარი დაუჭირა, დადგა ვიწროპარტიულ ინტერესებზე მაღლა და ეს ვერ აპატიეთ. ბულინგის მსხვერპლი გახადეთ", - აღნიშნა ირაკლი ზარქუამ.

იუსტიციის უმაღლესი საბჭოს 2 წევრის ასარჩევად მესამე ტური გაიმართება. მანამდე კი მმართველი გუნდი ოპონენტებს კონსულტაციას სთავაზობს. მესამე ტურში 4 კანდიდატი გადავიდა, 18 მაისს მათ კენჭი ფორმალურად უყარეს. რეგლამენტის თანახმად, შემდეგი კენჭისყრა ორ კვირაში უნდა ჩატარდეს.