დაავადების მართვის ჩვენი პროტოკოლი მათთვის სრულად მისაღებია, - ამის შესახებ „ვივამედის" სამედიცინო დირექტორმა, ზურა ჩხაიძემ მიხეილ სააკაშვილთან პოლონელი ექიმების ვიზიტზე საუბრისას განაცხადა.

„მიხეილ სააკაშვილი ექიმების რეკომენდაციებს, ასე თუ ისე, უფრო მეტად ითვალისწინებს. ოჯახს რა საკვებიც მოაქვს, იღებს სრულად. წონაში მატება ნამდვილად არის. პოლონელ ექიმებს რაიმე სამკურნალო რეკომენდაცია არ გაუციათ, არ ჩათვალეს საჭიროდ. ისინი გაეცნენ ჩვენს მკურნალობას და სრულად დაეთანხმნენ, ანუ დაავადების მართვის ჩვენი პროტოკოლი მათთვის სრულად მისაღებია და თვითონაც განაცხადეს, რომ რაიმე დამატებითი შემოთავაზებას საჭიროდ არ თვლიან", - აღნიშნა ჩხაიძემ.

მიხეილ სააკაშვილი „ვივამედში" ევროკავშირის სამედიცინო მისიამ მოინახულა. 5 პოლონელი ექიმით დაკომპლექტებულმა სამედიცინო გუნდმა, მას კვლევები ჩაუტარა. პატიმრის გასინჯვის პარალელურად, ინფორმაცია მიიღეს კლინიკის მედპერსონალისგანაც.