დღეს საქართველოს ეროვნული გმირის, სამშობლოსათვის თავდადებული მამულიშვილის გიორგი ანწუხელიძის დაბადების დღეა. საქართველოს პრემიერ-მინისტრის ირაკლი ღარიბაშვილის თქმით, მისი გმირობა სამშობლოს ერთგულების, თავგანწირვისა და შეუდრეკელობის უკვდავ მაგალითად დარჩა თითოეული ჩვენგანისა თუ მომავალი თაობებისთვის.
„კიდევ ერთხელ, ტკივილით, და ამავე დროს, სიამაყით ვიხსენებთ გაუტეხელი ქართული სულის საუკეთესო გამოვლინებას, რომელმაც სამუდამოდ ჩაწერა გიორგი ანწუხელიძის სახელი ჩვენი ქვეყნის ისტორიაში. მისი გმირობა სამშობლოს ერთგულების, თავგანწირვისა და შეუდრეკელობის უკვდავ მაგალითად დარჩა თითოეული ჩვენგანისა თუ მომავალი თაობებისთვის”, - აღნიშნა პრემიერმა.
საქართველოს ეროვნულ გმირს, გიორგი ანწუხელიძეს დღეს 39 წელი შეუსრულდებოდა. უმცროსი სერჟანტი 2008 წლის რუსეთ-საქართველოს ომის დროს ოკუპანტებს ტყვედ ჩაუვარდა. ის წამებით მოკლეს.