სომხეთი ვერ შეცვლის საგარეო პოლიტიკის ვექტორს იმ თვალსაზრისით, რომ სომხეთის საგარეო პოლიტიკა ყოველთვის ორიენტირებულია სომხეთის სახელმწიფო ინტერესებზე, - ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.
აშშ-ის სახელმწიფო მდივნის მოვალეობის შემსრულებლის, იური კიმის განცხადების პასუხად, რომ აშშ ცდილობს, სომხეთი რუსეთის საპირწონედ აშშ-ის პარტნიორი გახდეს, ფაშინიანმა უპასუხა, რომ სომხეთის რესპუბლიკის საგარეო პოლიტიკა გამჭვირვალეა და ასეთი ფორმულირებები მიზანშეწონილად არ მიაჩნია.
„სომხეთის საგარეო პოლიტიკა ყოველთვის არის მიმართული და ორიენტირებული სომხეთის პოლიტიკურ ინტერესებზე დაყრდნობით", - აღნიშნა ნიკოლ ფაშინიანმა.
რუსეთის საგარეო საქმეთა მინისტრის, სერგეი ლავროვის განცხადებასთან დაკავშირებით, რომ სომხეთი დასავლეთის მხარდაჭერით „აგდებს რუსებს", სომხეთის პრემიერ-მინისტრმა თქვა: „მირჩევნია ჩემი კოლეგების განცხადებებზე გავაკეთო კომენტარი. მე გამოვდივარ რუსეთის ფედერაციის პრეზიდენტის განცხადებებიდან, დანარჩენი სამუშაო პროცესებია. რუსეთის ფედერაციის მეთაურმა განაცხადა, რომ სომხეთთან არ არის პრობლემები, ისევე როგორც სომხეთის პრემიერ-მინისტრთან", - აღნიშნა ნიკოლ ფაშინიანმა.