ისრაელის მთავრობამ „ჰამასის" თავდასხმის შედეგად გარდაცვლილთა შესახებ ახალი ინფორმაცია გამოაქვეყნა. ამის შესახებ BBC წერს.

გამოცემის ინფორმაციით, გარდაცვლილთა რაოდენობამ 1 400-ს გადააჭარბა.

სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა" აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა" გამოაცხადა და ღაზას სექტორში „ჰამასის" ობიექტებზე იერიში დაიწყო.