სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    ვასო კაპანაძე
    21.10.2016

     ცნობილი მწერალი და საზოგადო მოღვაწე გრიგოლ ჩხარტიშვილი, რომელიც ბორის აკუნინის ფსევდონიმითაა სახელგანთქმული, საქართველოს ესტუმრა. მას ილიას სახელმწიფო უნივერსიტეტის საპატიო დოქტორის წოდება მიენიჭა. "თავისებური შეგრძნებაა - ეს არის დაბრუნება იქ, სადაც თითქოს არასდროს ვყოფილვარ. საქართველოში გავატარე ჩემი ცხოვრების პირველი თვე," - ამბობს მწერალი.

    სალომე სარიშვილი
    20.10.2016

     ისტორიულ ტაო-კლარჯეთში მდებარე ქართული ხუროთმოძღვრების ძეგლ იშხანში თურქმა სპეციალისტებმა უნიკალურ იატაკს მიაკვლიეს. სარესტავრაციო სამუშაოებისას გამოვლენილი იატაკი სავარაუდოდ ტაძრის თანადროულია, ანუ მე-11 საუკუნისაა, თუმცა გარდა ამისა, იშხანში სხვა მნიშვნელოვანი სიახლეებიც აღმოჩნდა. ძეგლთა დაცვის სააგენტოს დირექტორის თქმით, სპეციალური ჯგუფი თურქეთში ვიზიტს უკვე გეგმავს, რისთვისაც ახლა თურქული მხარის დასტურს ელოდებიან. ამბობენ, რომ მეტ დეტალებს საზოგადოებასა და მედიას სწორედ ამ ვიზიტის შემდეგ მიაწვდიან.

    სალომე სარიშვილი
    19.10.2016

     ძვ.წ.აღ-ის XIII საუკუნის ნაქალაქარი, სვეტებიანი დარბაზის ნაშთითა და მოკირწყლული მოედნით, ბრინჯაოს საკინძი და თიხის ჭურჭელი - ეს გახლავთ მცირე ჩამონათვალი იმ ღირებული კულტურული მასალისა, რომელსაც არქეოლოგიურმა ექსპედიციამ წლევანდელი გათხრებით დედოფლისწყაროს მუნიციპალიტეტში, დიდნაურის არქეოლოგიურ ველზე გამოავლინა.

    ია აბულაშვილი
    31.08.2016

     სამეგრელოს ერთ-ერთი ულამაზესი ქალაქის ისტორიის და დადიანების უნიკალური ექსპონატების შესახებ ბევრი სმენია ჩვენს მკითხველს, მაგრამ რამდენიმე საინტერესო ამბავს მაინც შეთვავაზებთ ამ ქალაქისა და მისი უნიკალური განძის შესახებ.

    სალომე სარიშვილი
    10.08.2016

     რამდენიმე დღის წინ რუსულმა ტელეარხმა "რასია კულტურამ" ნიკო ფიროსმანის ტილოების შესახებ ორწუთიანი სიუჟეტი მოამზადა. ამ ინფორმაციის თანახმად, მოსკოვის თანამედროვე ხელოვნების მუზეუმმა დასავლეთ ციმბირის ქალაქ ომსკში, რუსი ფერმწერის, მიხაილ ვრუბელის სახელობის სახვითი ხელოვნების მუზეუმს ფიროსმანის 19 ტილო გადასცა.

    ია აბულაშვილი
    04.08.2016

     გუშინ მოსკოვის ნოვოდევიჩიეს სასაფლაოზე დაკრძალეს საბჭოთა ლიტერატურის ერთ-ერთი თვალსაჩინო წარმომადგენელი, აფხაზი მწერალი ფაზილ ისკანდერი. იმ ადგილას დაკრძალვა თავად მწერლის სურვილი იყო, მის მშობლიურ აფხაზეთში კი 2 აგვისტო გლოვის დღედ გამოცხადდა. მამით ირანელი და დედით აფხაზი ფაზილ ისკანდერი მოსკოვში 31 ივლისს, 88 წლის ასაკში გარდაიცვლა.

    ელზა პაპოშვილი
    27.07.2016

     თბილისის ოპერისა და ბალეტის თეატრის მსახიობების რამდენიმედღიანი პროტესტი, მათი მოთხოვნის დაკმაყოფილებით დასრულდა. გუშინ, ოპერის თეატრის ინფორმაციით, თეატრის დირექტორმა ალექსანდრე მოწონელიძემ, კულტურის მინისტრის მოწოდების შემდეგ, განცხადება დაწერა და თანამდებობა დატოვა. სამხატვრო ხელმძღვანელი დავით კინწურაშვილი კი თავად მინისტრმა გაათავისუფლა.

    ლელა ოჩიაური
    16.07.2016

     რამდენიმე დღეში ფოთში რეგიონული თეატრების მეორე საერთაშორისო ფესტივალი იწყება. მისი დაარსების იდეა მსახიობ ნინელი ჭანკვეტაძეს ეკუთვნის, რომელმაც თანამოზრეების პატარა ჯგუფთან ერთად, შარშან პირველი და წარმატებული ფესტივალი ჩაატარა.

    ლელა ოჩიაური
    06.07.2016

     ბოლო წლებში საქართველო აქტიური საფესტივალო თეატრალური ცხოვრებით ცხოვრობს. ფესტივალს ფესტივალი ემატება. ერთი მთავრდება და მეორე იწყება. შემდეგ მესამე, მეოთხე, მეხუთე... ზოგი უკვე ტრადიციულია და ზოგიც - სულ ახალი. ზაფხული და შემოდგომა ყველაზე ცოცხალი და დატვირთულია. "სეზონს" გორის კომედიის ფესტივალი ხსნის, რომელსაც ქუთაისის რეგიონული მოჰყვება; შემდეგ ოზურგეთის ნოდარ დუმბაძის ფესტივალი და ბათუმში - ქუჩის თეატრების დღეები - "ჰიტ ბათუმის" ფარგლებში. შემოდგომაზე - მესხეთის ეროვნული დრამატურგიის ფესტივალის, გორის - სახალხო თეატრების, თბილისის - საერთაშორისო და ხელოვნების საერთაშორისო-"საჩუქრის" დრო დგება.

    სალომე სარიშვილი
    30.06.2016

     არქეოლოგიურმა გათხრებმა აწყურის კათედრალურ ტაძარში ორი მნიშვნელოვანი აღმოჩენა გამოავლინა. ტაძრის ინტერიერში აღმოჩენილი ძველი შენობათა ნაშთები ადრეული შუა საუკუნეებით თარიღდება და მას სხვადასხვა დანიშნულება ჰქონდა, თუმცა, გარდა ამისა, ტაძრის გარეთ აღმოჩენილია ასევე ადრეული შუა საუკუნეების აქამდე უცნობი ეკლესიის ნაშთები, რომლებზეც ასომთავრული წარწერაა დატანებული. გათხრებმა სხვადასხვა დეკორატიული ნივთიც აღმოაჩინა, რომლებიც სავარაუდოდ მეათე საუკუნეს მიეკუთვნება.

    ლელა ოჩიაური
    27.06.2016

    სცენის სიღრმეში ცათამბჯენებიანი ქალაქის ხედის პროექციაა. მის წინ დიდი გამჭვირვალე კედელია, რომლის მიღმა მაგიდები, დახლი და მაგიდასთან მჯდომი ფიგურა ილანდება. ფასადის კუთხეში ლაითბოქსია - ბარი "სამოთხე". კიდევ უფრო წინ - მთელი სცენა უბრალო, ძველებური და ძველი ავეჯითაა გაწყობილი (მთლიანად "გაჭედილი") - საშუალო ფენის ადამიანის საცხოვრებელი, ყოფისთვის ყველა საჭირო ატრიბუტით.


    Copyright © 2006-2017 by Resonance ltd. . All rights reserved
    Site Meter