სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    სალომე სარიშვილი
    11.05.2016

     ნოქალაქევი, გეგუთი და უჯარმა - კულტურული მემკვიდრეობის ეს სამი ძეგლი წელს ტურისტებისა და დამთვალიერებლისთვის ყველაზე მიმზიდველ სანახაობად მიიჩნევა, თუმცა ვიზიტორთა სიუხვით, როგორც გასულ წლებში, ისე ახლაც, კვლავ ვარძია და უფლისციხე ლიდერობს.

    სალომე სარიშვილი
    29.04.2016

     ვარძიის სამონატრო კომპლექსის რეაბილიტაციის დროს არქეოლოგიურმა სამუშაოებმა რამდენიმე ახალი გამოქვაბული გამოავლინა. კლდეში ნაკვეთ კომპლექსში აღმოჩენილი ახალი, საცხოვრებელი დანიშნულების ქვაბულები ვარძიის სამხრეთ ნაწილში, სამრეკლოსთან აღმოჩნდა და სავარაუდოდ ბევრად უფრო ძველია, ვიდრე თავად ძეგლი.

    ლელა ოჩიაური
    18.04.2016

     "იუპფდგე - უცხოობაში" - ლევან წულაძის ახალი სპექტაკლია გურამ ბათიაშვილის პიესაზე, შალომ ალეიხემის პიესის "მერძევე ტევიეს" სიუჟეტური ხაზისა და რამდენიმე დეტალის გამოყენებით. და ახალი არა მხოლოდ იმიტომ, რომ "ფიზიკურადაა" ახალი, არამედ იმიტომაც, რომ რეჟისორისთვისაც (დამახასიათებელი სტილის, მანერის მიუხედავად), დრამატურგისთვისაც და ზოგადად ქართული თეატრისთვისაც ახალ ფორმაში, ახალი მხატვრული ხერხითა და მანერაშია გადაწყვეტილი. რისი ნიშნები ლევან წულაძის წინამორბედ დადგმებში ("ფაუსტი", "ქალი ძაღლით", "შეშლილის წერილები") მეტ-ნაკლებად ჩანდა. აქ ერთიანი სახე მიიღო და ფორმად ჩამოყალიბდა.

    სალომე სარიშვილი
    12.04.2016

     "კახეთის მხარეში, კერძოდ კი, ივრის ზეგანზე ძველი სამარხები იძარცვება. რა თქმა უნდა, არც ისტორიკოსი ვარ და არც არქეოლოგიის სპეციალისტი, თუმცა, იმდენი მაინც შემიძლია ვივარაუდო, რომ იქიდან ღირებული ნაწილი უკვე წაღებულია, რადგან აკლდამები ახალი გახსნილია. თვითონ სამარხის ფილები ძალიან დიდია და ჩანს, რომ შორიდანაა მოტანილი, რაც ჩემი აზრით, ძველი ხალხის ხელწერაა", - ამის შესახებ "რეზონანსს" მოლაშქრე-ექსტრემალმა თეიმურაზ ზაზიევმა განუცხადა.

    მამუკა ნაცვალაძე
    04.04.2016

     გემოვნებიანი მსმენელის აღზრდა ქართული სამუსიკო სკოლის ერთ-ერთი მთავარი ამოცანაა. ამ საქმეს ემსახურება კომპოზიტორი თამარ ვაშაკიძე, რომლის შემოქმედებაც ხვავრიელადაა წარმოდგენილი დღეს მოქმედი საბავშვო ანსამბლების რეპერტუარში.

    ლიკა ამირაშვილი
    24.03.2016

     მხატვრულ-დოკუმენტური ფილმი "თამარი" კინოსტუდია "ხომლის" 2-წლიანი მუშაობის შედეგია. გადაღების დაწყებამდე სცენარისტებმა კონსულტაციები ისტორიკოსებთან გაიარეს. ერთსაათიან ფილმში ძირითადი ხაზი თამარ მეფის მეჭურჭლეთუხუცესის, ყურთლუ-არსლანის ისტორიაა, დოკუმენტური ნაწილი კი 21-ე საუკუნის საქართველოში ვითარდება.

    სალომე სარიშვილი
    14.03.2016

     კულტურული მემკვიდრეობის დაცვის ეროვნული სააგენტოს ინიციატივით, გეგუთის სასახლის კომპლექსთან შუშის კონსტრუქცია დამონტაჟდა, რომელიც დამთვალიერებელს ძეგლის პირვანდელი სახით პერსპექტივაში აღქმის შესაძლებლობას მისცემს. ძეგლთა დაცვის სააგენტოში ამბობენ, რომ გამოყენებული ტექნოლოგია საქართველოში უნიკალურია, ხოლო ამგვარი ტიპის რეკონსტრუქციის შექმნა მსოფლიოში აპრობირებული მეთოდია.

    რეზონანსი
    29.02.2016

    არჩილ შუბაშვილი

    სპეციალურად "რეზონანსისთვის " ბერლინი-თბილისი

    ბერლინის კინოფესტივალის პროგრამა ყოველთვის კამათსა და აზრთა სხვადასხვაობას იწვევს. ასე იყო ამჯერადაც. საყოველთაოდ ცნობილია, რომ "ბერლინალე", სხვა დიდი საერთაშორისო ფესტივალებისგან განსხვავებით, მძაფრი სოციალური და პოლიტიკური მიმართულებით გამოირჩევა. გასაკვირი არ არის, რომ წელს ფესტივალის მთავარ პოლიტიკურ თემას ემიგრაციის პრობლემა წარმოადგენდა. კონკურსის გარდა ფილმებს აქ რამდენიმე პარალელური პროგრამითაც აჩვენებენ. მსოფლიო კინოს "პანორამა", "ახალგაზრდა კინოს ფორუმი", გერმანული კინოს პერსპექტივები, რეტროსპექტივები - ეს იმ პროგრამების არასრული ჩამონათვალია, რომელთა საშუალებით ფესტივალის სტუმრებს საერთო ჯამში 432 ფილმის ნახვა შეეძლოთ. ოფიციალური პროგრამით 25 ფილმი აჩვენეს, აქედან 18 საკონკურსოდ იყო წარდგენილი. სწორედ ამ 18 ფილმიდან უნდა გაეკეთებინა არჩევანი ჟიურის, რომელსაც საყოველთაოდ აღიარებული ამერიკელი კინოვარსკვლავი მერილ სტრიპი ხელმძღვანელობდა.

    ლიკა ამირაშვილი
    05.02.2016

     ასე გამოეხმაურა ცნობილი ინგლისელი ჟურნალისტი ჯეფ დიგინსი ქართველ პიანისტის გამოსვლას ლონდონში - კონცერტი "ქადაგან ჰოლში" იანვარის ბოლოს შედგა და მაყურებლის აღფრთოვანება დაიმსახურა. კონცერტამდე მისი გამოსვლით "ბიბისი"-ც დაინტერესდა და ელისო ბოლქვაძე პირდაპირ ეთერში მიიწვია.

    სალომე სარიშვილი
    30.01.2016

     კინოთეატრ "ამირანში" ამერიკელი კინორეჟისორის, მაიკლ ბეის ბოლო ნამუშევრის - "13 საათი: ბენგაზის საიდუმლო ჯარისკაცების" პრემიერა შედგა. ფილმს კინომოყვარულებთან ერთად, საზოგადოებისთვის ცნობილი, მიწვეული სტუმრებიც ესწრებოდნენ. აღსანიშნავია, რომ ამერიკელი კინორეჟისორის ბოლო ნამუშევრის ჩვენება ამერიკის შეერთებულ შტატებშიც ახლახან, 15 იანვარს გაიმართა და კინოკრიტიკოსების მხრიდან საკმაოდ პოზიტიური შეფასებაც დაიმსახურა.

    მარი ჩიტაია
    23.01.2016

     "კარის მეზობლები", "ჩემი ასავალ-დასავალი" - წიგნებს ამ სახელწოდებით ქართველი ხალხი კარგად იცნობს. ოტია იოსელიანის ცნობილი ნაწარმოებების ახალი გამოცემით მკითხველს საშუალება აქვს, კიდევ ერთხელ მიადევნოს თვალყური მწერლის შემოქმედებას და მის განვლილ გზას, რომელიც არასდროს ყოფილა ადვილი.

    რეზონანსი
    16.01.2016

    ინგა ხალვაში

    სპეციალურად "რეზონანსისთვის" ბათუმიდან

     გისაუბრიათ ნახატთან? გაჩერებულხართ რომელიმე ტილოს წინაშე, დაგიგდიათ მისთვის ყური? თუ მსგავსი რამ მომხდარა, თქვენ დიდი ქმნილების წინაშე მდგარხართ. წარმოიდგინეთ - ერთ საგამოფენო სივრცეში ათეულობით ქმნილების არსებობა. დაუჯერებელია? თურმე შესაძლებელი ყოფილა. ასეთი გამოფენა ბათუმში გაიმართა. მხატვარმა ვახტანგ (ბესო) ბესელიამ გრაფიკული სურათების სერია, სახელწოდებით, "გრაფიკული ფურცლები" წარმოადგინა.


    Copyright © 2006-2017 by Resonance ltd. . All rights reserved
    Site Meter