„ბრძოლა ახლა იწყება" - ირანის უზენაესი ლიდერი აიათოლა ხამენეი უარყოფს ამერიკის პრეზიდენტის მიერ გაჟღერებულ კაპიტულაციის მოთხოვნას და, მიუხედავად იმისა, რომ თეირანის ცაზე მტრის მოიერიშეები თავისუფლად დაფრინავენ, თელ-ავივს „მკაცრ პასუხს" ჰპირდება. პარალელურად ვაშინგტონში, ტრამპის თანამოაზრეებში რესპუბლიკური პარტიიდან გაცხოველებული კამათია იმაზე, უნდა ჩაებას თუ არა ამერიკა ომში ღიად. უკვე ინტერვენციის კონკრეტული სცენარებიც განიხილება.

ირან-ისარელის ბოლო დღეების სამხედრო დაპირისპირებების ფონზე ისმის მოწოდებები, რომ ხალხმა არსებული სიტუაცია გამოიყენოს და მოქმედი რეჟიმი შეცვალოს. პოლიტოლოგი პეტრე მამრაძე „რეზონანსთან" ირანის რესპუბლიკაში განვითარებულ მოვლენებს აფასებს და აღნიშნავს, რომ რთულია პროგნოზირება, როგორ მოიქცევა მოსახლეობა, რადგან, როგორც წესი, ომის დროს ყველა ერთიანდება იმის მიუხედავად, მოსწონთ თუ არა მმართველობა.

ირანსა და ისრაელს შორის მიმდინარე შეიარაღებული დაპირისპირების ფონზე, სულ უფრო ხშირად მიდის საუბარი ირანში რეჟიმის შეცვლასა და ქვეყნის სულიერი ლიდერის შესაძლო ლიკვიდაციაზე. კეთდება განცხადებები, რომ ისლამური რესპუბლიკა მნიშვნელოვნად დასუსტებულია და ახლა დროა ისარგებლონ შიდა არეულობითა და საზოგადოებრივი უკმაყოფილებით, რათა დაამხონ მისი მმართველი სასულიერო ისტებლიშმენტი, რომელსაც უზენაესი ლიდერი აიათოლა ალი ხამენეი ხელმძღვანელობს.

ირანსა და ისრაელს შორის სამხედრო თავდასხმები გრძელდება. მსხვერპლი ორივე მხრიდან დიდია - დაღუპულთა და დაზარალებულთა დაროდენობა იზრდება. ანალიტიკოსებს ეჭვი ეპარებათ, რომ დაპირისპირება მალე დასრულდეს, პირიქით, ვარაუდობენ, რომ შესაძლოა ეს სრულმასშტაბიან ომში გადაიზარდოს, ვინაიდან ჯერჯერობით უკან არცერთი იხევს.

ისრაელი-ირანის სამხედრო დაპირისპირება მასშტაბურ შეიარაღებულ კონფლიქტში არ გადაიზრდება, თუმცა ისრაელის დარტყმები ირანის სამხედრო და ბირთვულ ინფრასტრუქტურაზე, ასევე ირანის საპასუხო საჰაერო იერიშები, 2 კვირას ან ცოტა უფრო მეტს გაგრძელდება. ამის შესახებ რამდენიმე გავლენიანი გამოცემა საკუთარ წყაროებზე დაყრდნობით წერს. ამის ფონზე კი ირანის ხელისუფლებამ 15 ივნისს ოფიციალურად გამოაცხადა, რომ მზადაა გააფორმოს შეთანხმება, რომლითაც ირანს აეკრძალება ბირთვული იარაღის ქონა, თუმცა, ამავე დროს, შეეძლება ბირთვული ენერგიის მშვიდობიანი მიზნებისათვის გამოყენება.

ისრაელის მასშტაბური იერიშის საპასუხოდ ირანი "დიდი ფასის გადახდით" იმუქრება, ამასთან, აშშ მხარდაჭერაში დაადანაშაულა. რის საპასუხოდაც, ისრაელის მთავრობა აცხადებს, რომ ის მზადაა მოვლენების "ნებისმიერი სცენარით განვითარებისთვის", მათ შორის "სრულმასშტაბიანი ომისთვის".

ილონ მასკმა პრეზიდენტ დონალდ ტრამპს ოთხშაბათს დაურეკა, სოციალური ქსელებიდან ყველაზე კრიტიკული პოსტები წაშალა და საჯაროდ განაცხადა, რომ ნანობს გასულ კვირას ტრამპის შესახებ დაწერილ სიტყვებს - ამის შესახებ ინფორმაციას სი-ენ-ენი აქვეყნებს. ნათელია, რომ მილიარდერი რესპუბლიკელ კანონმდებლებთან კონტაქტის შემდეგ შერიგების გზას დაადგა.

კომენდატის საათი მოქმედებაშია - მას შემდეგ, რაც აშშ-ის იმიგრაციის რეიდებმა ლოს-ანჯელესში თითქმის ერთკვირიანი საპროტესტო ტალღა და მასობრივი დაპირისპირება გამოიწვია, ქალაქში ნაწილში კომენდანტის საათი ამოქმედდა, რასაც მოჰყვა დაკავებების მორიგი სერია, ეროვნული გვარდიის მობილიზება და ფედერალურ ხელისუფლებასა და ადგილობრივ ადმინისტრაციას შორის ღია პოლიტიკური დაპირისპირება.

ჩინეთმა და აშშ-მა ოთხშაბათს სავაჭრო ზავის ჩარჩო-შეთანხმებას მიაღწიეს - ლონდონში ორდღიანი მოლაპარაკებების შედეგად მხარეებმა დააანონსეს ექსპორტის შეზღუდვების შემსუბუქება, დაძაბულობის განმუხტვა და ჟენევაში, ასევე ლიდერთა სატელეფონო საუბარში მიღწეული კონსენსუსის რეალიზაცია.

აშშ-ის პრეზიდენტი დონალდ ტრამპი ლოს-ანჯელესის "გათავისუფლების" ოპერაციას იწყებს - ეროვნული გვარდიისა და საზღვაო ქვეითების მობილიზებით ის ძალადობრივი პროტესტების შეჩერებას და, როგორც თავად აცხადებს, ამერიკული ქალაქის უცხოელი მტრისგან დაცვას ცდილობს. საპროტესტო აქციები, რომლებიც საიმიგრაციო რეიდების წინააღმდეგ დაიწყო, უკიდურეს პოლარიზაციაში გადადის; ანალიტიკოსები კი შიდა პოლიტიკური კრიზისისა და სამოქალაქო დაპირისპირების მზარდ საფრთხეებზე საუბრობენ.

რუსეთი დასცინის სამშვიდობო ძალისხმევას და სრულ უპატივცემულობას გამოხატავს მსოფლიოში ყველას მიმართ, ვინც მკვლელობებისა და ომის დასრულებისკენ მოუწოდებს, - ამის შესახებ უკრაინის საგარეო საქმეთა მინისტრი, ანდრეი სიბიგა სოციალურ პლატფორმა „იქსზე" წერს.

სომხეთის ხელისუფლებასა და ეკლესიას შორის დაპირისპირება სულ უფრო მწვავდება. პრემიერმა ნიკოლ ფაშინიანმა საკოორდინაციო საბჭოს შექმნა დაიწყო, რომელიც ყოველთა სომეხთა კათოლიკოსის, გარეგინ II-ის გადაყენებასა და ახალი კათოლიკოსის არჩევნების საორგანიზაციო საკითხებზე იმუშავებს. ვითარება იმდენად რთულია, რომ სომხეთის პოლიტიკურ და ანალიტიკურ წრეებში უკვე სამოქალაქო ომის საფრთხეზეც ალაპარაკდნენ.