მეექვსე დღეა ლოს-ანჯელესში ხანძარია - ტყის ხანძრების შედეგად დაღუპულთა რაოდენობა 24-მდე გაიზარდა, მათ შორის 16 იტონის ხანძარს ემსხვერპლა და 8 - პალისეიდსის ხანძარს, - ინფორმაციას „სიენენი" ავრცელებს. ამასთან, ტელეკომპანიის ცნობით, ოფიციალური პირები აცხადებენ, რომ ამ დროისთვის რეალური რაოდენობის დადგენა ვერ ხერხდება, რადგან ბევრ ადგილამდე მისვლა უსაფრთხო არ არის. ასევე ისინი ვარაუდობენ, რომ ხანძრის საფრთხე კვლავ რჩება, ვინაიდან კვირის დასაწყისში მოსალოდნელია სახიფათო „სანტა ანას" ქარის დაბრუნება.

პოლონეთმა კვირას რუსეთში მიმავალ სლოვაკეთის საპარლამენტო დელეგაციას მისი საჰაერო სივრცის გამოყენების უფლება არ მისცა. დეპუტატებს მარშრუტის გადამისამართება მოუწიათ, გეზი გერმანიისა და ჩეხეთის საჰაერო სივრცისკენ აიღეს. ამის შესახებ ინფორმაციას სლოვაკური მედია ავრცელებს. გავრცელებულ ინფორმაციას პოლონეთი უარყოფს და ისინი ფრენის აკრძალვის მიზეზად შეუსაბამო დოკუმენტაციას ასახელებენ.

აშშ-ის მომავალი პრეზიდენტის, დონალდ ტრამპის მომავალი მრჩეველი ეროვნული უსაფრთხოების საკითხებში, მაიკ უოლცი ფიქრობს, რომ არარელურია იმის თქმა, უკრაინის მიწის ყოველი ინჩიდან, თუნდაც ყირიმიდან ყველა რუსს განდევნიან. მისივე თქმით, დონალდ ტრამპსა და ვლადიმერ პუტინს შორის შეხვედრის მომზადება მიმდინარეობს.

მარკ ცუკენბერგის ანონსს დონალდ ტრამპის ინაუგურაციამდე ორი კვირით ადრე „მეტას“ სოციალურ ქსელებში ცვლილებების შესახებ, აშშ-ის მოქმედი პრეზიდენტის, ჯო ბაიდენის კრიტიკა მოჰყვა. ცუკენბერგი ბაიდენის ადმინისტრაციის მხრიდან ზეწოლაზე ალაპარაკდა და „სიტყვის თავისუფლების აღდგენის“ წინაპირობას იძლევა. სისტემური ცვლილებები თავდაპირველად აშშ-ში ამოქმედდება. მსგავსი სისტემა მოქმედებს ტრამპის მოკავშირე, ილონ მასკის სოციალურ ქსელებზეც. არის თუ არა ეს „მეტას“ პასუხი ტრამპის მუქარაზე და რატომ გახდა ეს გადაწყვეტილება ბაიდენის ადმინისტრაციის უკმაყოფილების მიზეზი?

გერმანიის კანცლერი ოლაფ შოლცი უკრაინისთვის დამატებით 3 მილიარდი ევროს დახმარების პაკეტს ეწინააღმდეგება.

აშშ-ის მომავალ პრეზიდენტ დონალდ ტრამპსა და რუსეთის ლიდერ ვლადიმერ პუტინს შორის შესაძლოა შეხვედრა შედგეს. როგორც ტრამპი ამბობს, შეხვედრის სურვილი პუტინმა გამოთქვა და ამისთვის მზადება დაწყებულია. ანალიტიკოსები მათი შეკრების რამდენიმე მიზეზზე საუბრობენ, მათ შორის პუტინის შეთავაზებაზე, რომელიც გავლენის სფეროების გადანაწილებას გულისხმობს. მათივე ვარაუდით, რუსეთის ლიდერი ტრამპთან ძალების მოსინჯვას ცდილობს.

აშშ-ს პრეზიდენტის პრტენზიას გრენლანდიასა და პანამის არხზე კონტროლის მოსაპოვებლად დანია გერბის შეცვლით პასუხობს. ამას გარდა, ამერიკის არჩეული პრეზიდენტი კანადას ამერიკის 51-ე შტატად მოიაზრებს და ტერიტორიული გაფართოების საჭიროებაზე საუბრობს. განცხადების შემდეგ, კანადის პრემიერმა ტრამპს მკაფიოდ უპასუხა, რომ „კანადა კანადელებისაა".

აზერბაიჯანის პრეზიდენტმა ადგილობრივ მედიასთან საუბრისას სომხეთი „ფაშისტურ სახელმწიფოდ" მოიხსენია და დაემუქრა, თუ ის „ფაშიზმის ბირთვს" არ აღმოფხვრის, ბაქო ამას თავად გააკეთებს. ფაშინიანი ალიევის განცხადებას პროვოკაციულს უწოდებს და მშვიდობისკენ მოუწოდებს. გამწვავდება თუ არა პოლიტიკური ფონი და გახდება თუ არა ეს განცხადება ახალი ესკალაციის მიზეზი?

აშშ-ის არჩეული პრეზიდენტი, დონალდ ტრამპი არ გამორიცხავს სამხედრო ძალის გამოყენებას პანამის არხსა და გრენლანდიაზე კონტროლის მოსაპოვებლად, - ინფორმაციას „სიენენი" ავრცელებს. გრენალდიაზე კოტროლის შესახებ ტრამპის განცხადებას საფრანგეთის საგარეო საქმეთა მინისტრი, ჟან-ნოელ ბარო გამოეხმაურა და აღნიშნა, რომ ევროკავშირი მის სუვერენულ საზღვრებზე სხვა ქვეყნების თავდასხმას არ დაუშვებს.

თურქეთის პრეზიდენტმა ორშაბათს განაცხადა, რომ გასულ თვეს პრეზიდენტ ბაშარ-ალ-ასადის დამხობის შემდეგ ის მზადაა ჩაერთოს საბრძოლო მოქმედებებში თუ სირია დაიშლება. (თუ ქურთები არ დაემორჩილებიან სირიის ახალ მთავრობას). ერდოღანის თქმით ის არ დაეთნხმება სირიის დაშლას ან „მისი უნიტარული სტრუქტურის მოშლას რაიმე საფარქვეშ".

სომხეთი რეალურად საფრთხის წყაროა რეგიონისთვის, დამოუკიდებელი სომხური სახელმწიფო, ფაქტობრივად, ფაშისტური სახელმწიფოა, - ამის შესახებ აზერბაიჯანის პრეზიდენტმა, ილჰამ ალიევმა ადგილობრივ ტელეარხებთან ინტერვიუში განაცხადა. მისივე თქმით, სომხეთს თითქმის 30 წლის განმავლობაში „ფაშისტური იდეოლოგიის მატარებლები" მართავდნენ, რის შედეგადაც ქვეყანაც თავიანთი მსგავსი შექმნეს.

აზერბაიჯანის პრეზიდენტმა, ილჰამ ალიევმა, ორშაბათს კიდევ ერთხელ დაადანაშაულა რუსეთის ოფიციალური პირები ავიაკატასტროფაში, რომელსაც 38 ადამიანის სიცოცხლე ემსხვერპლა. ამ ტრაგედიასთან დაკავშირებით მას უკვე მიღებული აქვს ოფიციალური ბოდიში პირადად რუსეთის პრეზიდენტ ვლადიმირ პუტინისაგან, თუმცა ახლა მოსკოვისგან დამნაშავე პირების დასჯასა და დაღუპულთა ოჯახებისთვის, ისევე, როგორც აზერბაიჯანული ავიაკომპანიისათვის, კომპენსაციის გადახდას ითხოვს. რაც შეეხება რუსეთის ხელისუფლების პოზიციას, იგი, ბოდიშის მოხდის მიუხედავად, პასუხიმგებლობას საკუთარ თავზე არ იღებს.