ბიზნესის გაფიცვა ეკონომიკას ჩამოშლის და სრულ კოლაფსს გამოიწვევს. პოლიტიკოსებისა და საზოგადო მოღვაწეების ნაწილის მოწოდებას, რომ ბიზნესი გაიფიცოს, ეკონომისტები კატეგორიულად ემიჯნებიან და აცხადებენ, რომ მსგავსი გადაწყვეტილება ეკონომიკისა და მოსახლეობის მდგომარეობაზე უმძიმეს გავლენას მოახდენს და ამ ზიანს მერე წლების განმავლობაში ვერაფერი გამოასწორებს.

საპროტესტო მუხტის 12 დღის განმავლობაში ამ დონეზე შენარჩუნება საქართველოს ისტორიაში უპრეცედენტო მოვლენაა და 14 დეკემბერს, მაშინ, როცა დაანონსებულია საპრეზიდენტო არჩევნები ახალი წესით პარლამენტის შენობაში, არანაკლები ტალღაა მოსალოდნელი. ამის შესახებ „რეზონანსთან" ანალიტიკოსები საუბრობენ, რომელთა აზრითაც, ხელისუფლება პერიოდულად თავადვე „სთავაზობს მუგუზალს" ოპოზიციას საპროტესტო მუხტის გასაღვივებლად.

16 დეკემბერს ევროკავშირი საქართველოს საკითხზე იმსჯელებს, რომლის გადაწყვეტილებაზე სავარაუდოდ, ქვეყანაში მიმდინარე პროცესებიც იმოქმედებს. საქართველოში ევროკავშირის ელჩის პაველ ჰერჩინსკის თქმით, განიხილება სხვადასხვა ვარიანტები, მათ შორის ვიზალიბერალიზაციის შეჩერება „გარკვეული ტიპის პასპორტის" მქონე მოქალაქეებისთვის. როგორ იმოქმედებს საბოლოო გადაწყვეტილებაზე საქართველოს ბოლო 12 დღის მოვლენები და რა კონკრეული სანქციების დაწესებას განიხილავს ევროკავშირი?

საწვავის ფასი გლობალურ ბაზრებზე მკვეთრად შემცირდა. ბოლო მონაცემით, 1 ბარელი ნავთობის ღირებულება უკვე 70 დოლარის ფარგლებშია. ადგილობრივ ბაზარზე გაიაფების ტენდენცია ჯერჯერობით არ იგრძნობა, თუმცა იმპორტიორები ვარაუდობენ, რომ დაახლოებით 2-3-კვირაში საფასო ცვლილება აქაც აისახება და ბენზინი გაიაფებას დაიწყებს. ამას ხელს უწყობს ისიც, რომ  მკვეთრი გაუფასურების შემდეგ ლარის კურსიც გამყარდა და ახლა სტაბილურია. 

მეორე დღეა სოციალურ ქსელებში ტრიალებს ვიდეოკადრები, სადაც ჩანს როგორ უერთდება პარლამენტის წინ მიდმინარე საპროტესტო აქციას ნიღბიანთა რაზმი, რომელიც, გავრცელებული ცნობებით, მომიტინგეების ე.წ. „ტიტუშკებისგან" დასაცავად შეიქმნა. ოპოზიცია ამას ხელისუფლების პროვოკაციად აფასებს, „ქართული ოცნება" კი აცხადებს, რომ ესაა კანონსაწინააღმდეგო ქმედება და შესაძლოა სისხლის სამართლის დანაშაულის ნიშნებს შეიცავდეს.

„ოცნების" მიერ დაანონსებული ახალი რეგულაცია თვის ბოლომდე ამოქმედდება. ახალი კანონის მიხედვით, საპროტესტო აქციებზე აკრძალული იქნება სახის დაფარვა და პიროტექნიკის გამოყენება. მმართველ პარტიაში აცხადებენ, რომ შესაბამისი კანონპროექტი ამ კვირაშივე იქნება მზად. რამდენად რელევანტურია ამ კანონის მიღება ახლა და რა რეალური ეფექტი ექნება ამას?

7 დეკემბერი თბილისში მიმდინარე მწვავე საპროტესტო გამოსვლების ფონზეც კი განსაკუთრებულად დრამატული გამოდგა. ბრუტალურმა თავდასხმამ ჟურნალისტებზე, რომელიც საზოგადოებამ პირდაპირ ეთერში იხილა, ვითარება კიდევ უფრო დაძაბა და საყოველთაო აღშფოთება გამოიწვია. ხელისუფლება გადაჭრით უარყოფს ამ თავდასხმაში ძალოვნების, ან მმართველი პარტიის მხარდამჭერების მონაწილეობას. ოპოზიცია ხელისუფლების ჩამოშლაზე საუბრობს. საპატრიარქოში კი მიიჩნევენ, რომ პროცესები შეიძლება უმართავი გახდეს.

პრეზიდენტმა სალომე ზურაბიშვლმა პარიზში ღვთისმშობლის ტაძრის გახსნის ცერემონიაზე თავისი ვიზიტი მაქსიმალურად გამოიყენა და რამდენიმე გავლენიან დასავლელ ლიდერს შეხვდა, მათ შორის აშშ-ის პრეზიდენტ დონალდ ტრამპს. ოპოზიციაში ფიქრობენ, რომ ამით „ოცნების" გეგმები იშლება და ეს შეხვედრები დასავლეთს საქართველოს ხელისუფლების მიმართ კონკრეტული ნაბიჯების გადადგმისკენ უბიძგებს.

სირიაში 14 წელს მიმდინარე სამოქალაქო ომი პრეზიდენტ ბაშარ ალ ასადის რეჟიმის დამხობით დასრულდა. 8 დეკემბერს დილით მეამბოხეთა რაზმები უბრძოლველად შევიდნენ დედაქალაქ დამასკოში. ასადის ზუსტი ადგილსამყოფელი უცნობია. ქვეყნის მოქმედი პრემიერი მუჰამად გაზი ალ-ჯალალი დედაქალაქში დარჩა და აცხადებს, რომ მზადაა ითანამშრომლოს ახალი ხელისუფლებასთან, რომელსაც სირიელი ხალხი აირჩევს. ანალიტიკოსთა შეფასებით, ამით რუსეთმა თავისი ერთ-ერთი ყველაზე მნიშვნელოვანი მოკავშირე დაკარგა და ეს ყველაფერი დიდ გავლენას მოახდენს არა მხოლოდ რეგიონზე, არამედ საქართველოზეც თუნდაც იმის გამო, რომ ასადის რეჟიმი ერთ-ერთი იყო იმ რამდენიმე ქვეყნიდა, ვინც აფხაზეთისა და ცხინვალის რეგიონის დამოუკიდებლობა აღიარა.

ეუთო/ოდირის საბოლოო დასკვნას 26 ოქტომბრის საპარლამენტო არჩევნებთან დაკავშირებით გადამწყვეტი მნიშნელობა ექნება დასავლეთის მიერ არჩევნების აღიარება-არაღიარებისათვის და ქვეყნის შიგნით მიმდინარე პროცესებზეც მნიშვნელოვან გავლენას მოახდეს. ჭიანურდება თუ არა მისი გამოქვეყნება და როგორი იქნება საბოლოო დასკვნის შინაარსი, ამასთან დაკავშირებით განსხვავებული მოსაზრებები არსებობს.

სოხუმის რეჟიმს საბიუჯეტო დაფინანსებაზე მყოფი თანამშრომლებისთვის, მათ შორის ძალოვნებისთვის, ანაზღაურების გადასახდელად თანხა არ აქვს, - მედიის ინფორმაციით, ამის შესახებ ე.წ. ფინანსთა მინისტრის მოვალეობის შემსრულებელმა, ვლადიმერ დელბამ "პრეზიდენტის" მოვალეობის შემსრულებელთან, ბადრა გუნბასთან შეხვედრაზე განაცხადა. კონფლიქტოლოგი პაატა ზაქარეიშვილი მიიჩნევს, რომ აფხაზები სერიოზული გამოწვევის წინაშე დგანან, რადგან რუსეთი აიძულებს დათმობაზე წასვლას.

რამდენიმე დღეა საგამოძიებო სამუშაოები მიმდინარეობდა, რის გამოც პოლიტიკური პარტიების ოფისები და ცალკეული ადამიანების სახლები გაიჩხრიკა, მათ შორის ყოფილი თავდაცვის მინისტრის დავით კეზერაშვილის სახლი თბილისში. პარტია „დროას" ოფისიდან ამოღებულია პიროტექნიკა, ლაზერები და ა.შ. დაკავებულია „კოალიცია ცვლილებებისთვის" ერთ-ერთი ლიდერი ნიკა გვარამია, „ძლიერი საქართველოს" წევრი ალეკო ელისაშვილი და სხვები.