პატიმრობაში მყოფი ექსპრეზიდენტი მიხეილ სააკაშვილის პოლიტიკურად გააქტიურება ენმ-ს სასურველ შედეგს ვერ მოუტანს - მათგან დანარჩენი ოპოზიციის დისტანცირების პროცესი გაძლიერდება და სააკაშვილის ფაქტორს „ქართული ოცნება" მომავალი წლის საპარლამენტო არჩევნებისას ისევ სათავისოდ გამოიყენებს. ამის შესახებ „რეზონანსთან" ანალიტიკოსები საუბრობენ, რომლებიც მიიჩნევენ, რომ რამდენიმე მნიშვნელოვანი გარემოების გამო, სააკაშვილი ვერ იქნება ოპოზიციის ერთიანი ლიდერი.

ნატოს ვილნიუსის სამიტამდე ერთი თვით ადრე, საქართველოს პრემიერ მინისტრი იარკლი ღარიბაშვილი ბერლინში გერმანიის კანცლერ ოლაფ შოლცს შეხვდება. ანალიტიკოსთა ნაწილი მიიჩნევს, რომ, შესაძლოა, ნატო არაორდინალური გადაწყვეტილების მისაღებად ემზადება, რაც ალიანსის ატიპიურ გაფართოებას გულისხმობს და ეს ვიზიტიც ამასთანაა კავშირში.

ბოლო რამდენიმე დღეა დედაქალაქი კიევი და უკრაინის მთელი ტერიტორია რუსების მიერ ინტენსიურად იბომბება. თუმცა რუსები აცხდებენ, რომ უკრაინელები რუსეთის რამდენიმე ოლქს დრონებით უტევენ. ასევე ვრცელდება ინფორმაცია, რომ ბელგოროდის რაიონის ქალაქ შებეკინოში ელექტრომატარებლების მოძრაობა შეჩერდა. ქალაქში  საომარი მოქმედებები მიმდინარეობს.  

28 მაისს რეჯეფ თაიფ ერდოღანმა თურქეთის საპრეზიდენტო არჩევნების მეორე ტურში ხმათა 52.1% მოიპოვა, რითაც წარმატებით გაიხანგრძლივა პრეზიდენტობის ვადა 5 წლის ვადით. რა შედეგი ექნება ამას საქართველოსთვის, ამაზე „რეზონანსი" საერთაშორისო ურთიერთობების ექსპერტს ნიკა ჩიტაძეს ესაუბრა.

სისხლიანი ანგარიშსწორება ძმებს შორის - ხელვაჩაურში დედმამიშვილებს შორის კონფლიქტის ნიადაგზე დაწყებული დაპირისპირება მკვლელობით დასრულდა. დანაშაული სოფელ კიბეში მოხდა. ახლობლების თქმით,  მკვლელობას წინ დაპირისპირება უძღოდა. 

ჩვენს პარტნიორებს ევროპაში ესმით, რომ სტატუსის მინიჭება დღეს ქვეყნისთვის აუცილებელია. არა „ქართული ოცნებისთვის," არამედ საზოგადოებისთვის, რომ არ გაჩნდეს კიდევ ახალი პრობლემები. კანდიდატის სტატუსს ალბათ მოგვცემენ, მაგრამ გარკვეული დათქმებით, „ოცნება" კი ეცდება ეს თავის წარმატებად წარმოაჩინოს - აცხადებს პოლიტოლოგი ვახტანგ ძაბირაძე მიმდინარე მოვლენებზე საუბრისას.

პარლამენტმა საკმაოდ ინტენსიური სამუშაო გასწია იმისთვის, რომ ევროკომისიის რეკომენდაციები შესრულებულიყო და ივნისის ბოლომდე 12-ვე პუნქტს სრულად შევასრულებთ, - ამის შესახებ გადაცემაში „იმედი LIVE"-ში პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა. მსგავსი განცხადებები გააკეთეს ხელისუფლების სხვა წარმომადგენლებმა. ეს პრემიერმა ღარიბაშვილმაც თქვა, ჩვენ ვასრულებთ რეკომენდაციებზე მუშაობას და ახლა ბურთი ევროკავშირის მოედნზეაო.

„სალომე ზურაბიშვილს ზოგადად უნდა ელაპარაკა და არ უნდა ეთქვა აფხაზეთში რომელ ძალას ემხრობა, ამით დე ფაქტო ხელისუფლების პოზიცია გააძლიერა, იტყვიან, ხომ გეუბნებოდით ეს ხალხი პროქართველები არიან და თბილისიდან იმართებიანო. ზურაბიშვილმა „ხელისუფლებას" საშუალება მისცა ოპოზიციისთვის დაერტყა," - აცხადებს კონფლიქტოლოგი პაატა ზაქარეიშვილი ევროპარლამენტში პრეზიდენტის განცხადების შეფასებისას.

გოლოვინისა და მიხეილის პროსპექტები, თბილისელების ყველაზე საყვარელი ადგილი, ცნობილი იყო, როგორც მაშინ ეძახდნენ, „ელექტრონული თეატრებით." კინოთეატრი „აპოლო" მიხეილის პროსპექტზე 1909 წლის აპრილში გაიხსნა. „ტფილისკი ლისტოკი" იუწყებოდა, რომ „გაიხსნა გრანდიოზულად მოწყობილი ელექტრონული თეატრი „აპოლო," ევროპაში ერთ-ერთი უდიდესი კინოთეატრი, სამსარულიანი შენობა, დიდი ფანჯრებითა და თაღებით."

„ევროპაში სიარული მთავარი არ არის, შედეგია მთავარი. ამ ეტაპზე ვერც პრეზიდენტი და ვერც პრემიერი შედეგიანი გზავნილებით ვერ დაბრუნდნენ," - აღნიშნა პოლიტოლოგმა იგორ კვესელავამ „რეზონანსთან" ქვეყანაში მიმდინარე პოლიტიკურ ვითარებაზე საუბრისას.

დეპოზიტების დოლარიდან ლარში გადატანის ტენდენცია იცვლება. ამ მხრივ ბოლო პერიოდდში მიმდინარე სავალუტო რყევებმა და ეროვნული ვალუტის გაუფასურებამ ძალიან უარყოფითად იმოქმედა. შესაბამისად, ლარის მიმართ ნდობა შესუსტდა, რაც საბოლოოდ დეპოზიტებზეც აისახა. აპრილში ლარში განთავსებული დეპოზიტების მოცულობა გაზრდილი იყო, მაგრამ მაისში ვითარება, სავარაუდოდ, საპირისპიროა. წინა თვის ოფიციალური სტატისტიკა ჯერჯერობით უცნობია, თუმცა საბანკო ასოციაციაში ფიქრობენ, რომ დიდი ალბათობით უკვე დეპოზიტების გადოლარების ტენდენცია მიმდინარეობს.

ევროპელ ლიდერებს ვუთხარი, რომ რთულ გეოპოლიტიკურ სიტუაციაში ერთადერთი სწორი პოლიტიკური გადაწყვეტილება იქნება, მოგვანიჭონ სტატუსი - წინააღმდეგ შემთხვევაში იქნება მორიგი უსამართლობა და დიდი სტრატეგიული შეცდომა - ამის შესახებ პრემიერა ირაკლი ღარიბაშვილმა მოლდოვაში ევროპული პოლიტიკური გაერთიანების მეორე სამიტის შემდეგ, ჟურნალისტებთან საუბრისას განაცხადა.