საქართველოში შემოსული ავტომობილების ნაწილი გასაყიდი რჩება. ამის მიზეზი უცხოელი დილერები არიან, რომლებიც თავიანთი ქვეყნებიდან ავტომობილებს ყიდულობენ და საქართველოდან რეექსპორტზე გაჰყავთ. შედეგად, უცხოელები ქართველებს დიდ კონკურენციას უქმნიან, რის მოგვარებასაც ადგილობრივი ავტოიმპორტიორები ითხოვენ.

20 ოქტომბერია ის სავარაუდო თარიღი, როდესაც ევროკავშირი საქართველოს ვიზალიბერალიზაციის შეჩერებაზე საბოლოო გადაწყვეტილებას მიიღებს, თუმცა მანამდე 29-30 აგვისტოს ბლოკის წევრი ქვეყნის მინისტრები დანიაში არაფორმალურ ფორმატში სამიტს გამართავენ, სადაც შეჯამდება, როგორ შეასრულა საქართველოს ხელისუფლებამ ევროკომისიის მიერ გაგზავნილი რვა მოთხოვნა. მანამდე ცნობილი ხდება, რომ სანქციებს მინიმუმ რვა წევრი ქვეყანა ეწინააღმდეგება. მათი „ვინაობა" არ მჟღავნდება, თუმცა ცნობილია, რომ ამ მხრივ განსაკუთრებით იტალია აქტიურობს.

პრეზიდენტი დონალდ ტრამპი ორმაგი სკანდალის ეპიცენტრშია, და ორივე ჯეფრი ეპშტეინის ძალიან ბინძურ საქმეს უკავშირდება. ერთი მხრივ, მისივე მომხრეები დაჟინებით თხოვენ წინასაარჩევნო დაპირების შესრულებას და არასრულწლოვანი გოგონების სექსუალური ექსპლუატაციის საქმეში გარეული გავლენიანი პირების იმ სკანდალური სიის გამოქვეყნებას, რომელსაც თითქოს ეპშტეინი ინახავდა. ეს დაპირება ერთ-ერთი ის ფაქტორი იყო, რამაც მას საპრეზიდენტო არჩევნები მოაგებინა.

გიორგი ვაშაძეს პოლიტიკური ბრძოლის ახალი იდეა აქვს - „სტრატეგია აღმაშენებელის" ლიდერი ციხიდან ოპოზიციას სალომე ზურაბიშვილის ხელმძღვანელობით „წინააღმდეგობის პლატფორმის" და თვითმმართველობის არჩევნებში არმონაწილე 8 პარტიის ბაზაზე საერთო სახელით გაერთიანებას სთავაზობს.

უძრავი ქონების ბაზარზე ლიზინგის მექანიზმი მკვიდრდება. მოსალოდნელი სიახლის შესახებ ინფორმაციას დეველოპერები ავრცელებენ. ისინი იმედოვნებენ, რომ გაყიდვის ეს ფორმა სექტორის განვითარებას ხელს შეუწყობს. ჯერჯერობით ნაადრევია საუბარი იმაზე, თუ რამდენად გაუწევს კონკურენციას ახალი შეთავაზება უკვე აპრობირებულ იპოთეკურ მეთოდს და შიდა განვადებას. სფეროს სპეციალისტები ფიქრობენ, რომ ბინების შესაძენად რაც მეტი შესაძლებლობები იქნება, ეს სექტორისთვის კარგია და მყიდველისთვისაც. 

სუპერმარკეტების ადგილობრივი ქსელები დახლებზე ქართული პროდუქტის დახლებზე გასანთავსებლად ბარიერს უქმნიან, რაც საბოლოოდ იმპორტს ასტიმულირებს. წლებია, ბიზნესი ამ პრობლემაზე საუბრობს, მაგრამ სახელმწიფოს მხრიდან რეაგირება არასდროს მოჰყოლია. საბოლოოდ ფერმერები იძულებული არიან აგრარულ ბაზრებში გაყიდონ პროდუქტი ან ქვეყნის გარეთ გაიტანონ, თუმცა ზოგს ამის შესაძლებლობაც არ აქვს.  

ვიზალიბერალიზაციის შესაძლო შეჩერება საქართველო-ევროკავშირის სავაჭრო-ეკონომიკურ ურთიერთობებზე ნაკლებად აისახება. სპეციალისტები ფიქრობენ, რომ პოლიტიკურ გადაწყვეტილებას ამ მხრივ გავლენა არ ექნება, ვინაიდან ქვეყნებს შორის ეკონომიკური ურთიერთობა ისედაც არ არის აქტიური, გავლენას ვერც გზავნილების მიმართულებით ხედავენ. მეტიც, ქართველი ეკონომისტების ნაწილი ვიზალიბერალიზაციის გაუქმების შესახებ გავრცელებულ მოსაზრებას არ იზიარებს  და ამ საკითხის გააქტიურებას პოლიტიკური სპეკულაციითა და შანტაჟით ხსნის.  

უკრაინის პრეზიდენტი ვოლოდიმირ ზელენსკი აცხადებს, რომ შორ მანძილზე დარტყმების ინტენსივობა გაიზრდება, ხოლო დრონების მასობრივი თავდასხმების პასუხად უკრაინა დამატებითი დაფინანსებით თავდაცვით ტექნოლოგიებს აძლიერებს. როგორია უკრაინის ახალი სტრატეგია და მოახერხებენ თუ არა რუსეთის სიღრმეში შეჭრას.

ადგილობრივი არჩევნების მოახლოებასთან ერთად, ოპოზიციაში დაპირისპირება მძაფრდება. ერთ მხარეს დგანან „ლელო - ძლიერი საქართველო" და გიორგი გახარია, მეორე მხარეს კი - ბოიკოტის რეჟიმში მყოფი ოპოზიციური პარტიები. ექსპრემიერ გიორგი გახარიას გუნდის წევრები აცხადებენ, რომ ოპოზიციის ახალი ტაქტიკა და გეგმა პოლიტიკურ დევნილობაში მყოფი პოლიტიკოსების დევნაა.

მმართველ პარტიაში კვლავ რევოლუციაზე საუბრობენ - "ოცნების" დეპუტატი ლევან მაჭავარიანი ამბობს, რომ ევრობიუროკრატები უვიზო მიმოსვლის საკითხს "შანტაჟის მექანიზმად" გამოყენებას ცდილობენ, რათა ქვეყანაში ქაოსური ფონი შექმნან, რომ "დაძაბულობა რევოლუციამდე მივიდეს".

გერმანია გეგმავს დაახლოებით 5 მილიარდი ევროს დახარჯვას Patriot-ის საზენიტო-სარაკეტო სისტემებისთვის განკუთვნილი რაკეტების შეძენაზე, რომლებსაც ის უკრაინის არმიას გადასცემს, - უკრაინული მედიის ცნობით, ულტრამემარჯვენე პარტია „ალტერნატივა გერმანიისთვის" (AfD) თანათავმჯდომარემ, ალის ვაიდელმა Tagesschau-სთან ინტერვიუში განაცხადა.

პრემიერი საგარო პოლიტიკას კიდევ ერთ ვრცელ პოსტს უძღვნის, ირაკლი კობახიძე მიიჩნევს, რომ სხვადასხვა ქვეყანაში ოპონენტებისთვის პრორუსულობის იარლიყის მიწებება „დიპ სტეიტის" კარგად აპრობირებული ხელწერაა" და ეს იარლიყი "ოცნების" ხელისუფლებასაც აქვს "მიწებებული". მისი თქმით, „დიპ სტეიტის" პროპაგანდის მძლავრი ხაზი მუშაობს მმართველი პარტიის დამფუძნებლის, ბიძინა ივანიშვილის წინააღმდეგ.