მარიამ ტატანაშვილი, გოგო, რომელიც ავარიაში შეყვარებულთან ერთად მოყვა და მას შემდეგ ძალიან რთულ გზას გადის, გადაცემაში „ნოესთან“ იმყოფებოდა. მარიამმა ავარიის შემდეგ მის ცხოვრებაში განვითარებულ ამბებზე ისაუბრა და აღნიშნა, რომ ბევრმა მიატოვა, მათ შორის შეყვარებულმა.
„ავარიის შედეგად დავკარგე თითები, მხედველობა, სახის ძვლები დამემტვრა… ყველამ მიმატოვა… საჭესთან ვინც იჯდა, იმ მეგობარმა საერთოდ არც მომიკითხა…
რეანიმაციიდან გამოწერის დღეს ჩემს შეყვარებულს ტელეფონი გათიშული ქონდა, ვიფიქრე რაღაც პრობლემები ქონდა… თუმცა შემდეგ მითხრა, რომ აღარ უნდოდა შეყვარებული ჰყოლოდა…
საკუთარმა მამიდაშვილმა და ბებიამ მიმატოვეს… ორი წლის მანძილზე არც ერთს მოვუკითხივარ“. – აღნიშნა მარიამმა.
გადაცემის ბოლოს კი მარიამს სიურპრიზი ელოდა. სტუდიაში შემოვიდა წინა გადაცემის სტუმარი, პლასტიკური ქირურგი ციცინო შურღაია.
„ჩვენ მივედით იმ თემაზე, რის გამოც ამ გადაცემის გაკეთება მომინდა და ამ მომენტში მე შენთვის მაქვს პატარა სიურპრიზი ჩვენთან შემოვა სტუდიაში. ციცინო შურღაია ჩვენი წინა გადაცემის სტუმარი“, – აღნიშნა ნოე სულაბერიძემ.
გაირკვა, რომ პლასტიკური ქირურგი ციცინო შურღაია და „კავკასიის მედიცინის ცენტრის“ გუნდი – სრულიად უსასყიდლოდ გაუკეთებენ მარიამს სხვადასხვა სახის ოპერაციას.
სტუდიაში შესულმა ციცინო შურღაიამ კი განმარტა, როდის შეეძლებათ კონკრეტულ შედეგებზე საუბარი.
„რაც ჩვენ შეგვეძლება, ყველაფერში დაგეხმარებით უფასოდ. როდესაც თქვენს პრობლემებს გამოვიკვლევთ, შეგვეძლება გითრათ, რას შეიძლება ველოდოთ. რა თქმა უნდა, გაუმჯობესება გექნებათ და შეიძლება ისეთი გახდეთ, როგორიც აქამდე იყავით“, – აღნიშნა ციცინო შურღაიამ.
ვიდეო რეკლამა
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე