ამერიკაში, ფილადელფიაში 40 წლამდე ქართველი კაცი გარდაცვლილი იპოვეს. დათო ბუზალაძეს 11 დღის განმავლობაში ეძებდნენ და გარდაცვლილი საკუთარ ავტომობილში ნახეს. მისი პოვნა რამდენიმე დღის განმავლობაში ვერ ხერხდებოდა. დავით ბუზალაძე პოლიციამ ადგილობრივების შეტყობინებების საფუძველზე იპოვა.
დავით ბუზალაძე მომღერალ ნუცა ბუზალაძის ძმაა. ინფორმაციაც თავად მომღერალმა გაავრცელა:
"დღეს ჩემი ყველაზე სიმპატიური ძმა დათო გარდაცვლილი იპოვეს მანქანაში ამერიკაში. ამაზე დიდი უბედურება ამაზე დიდი ტკივილი რა შეიძლება ადამიანმა იგრძნოს არ ვიცი თითქოს ჩემი გულის ნაწილიც გაყვა მას ასე ვგრძნობ. ჩემს თავს ვერ ვპატიობ იმ ფაქტს რომ ახლო ურთიერთობა არ მქონდა მასთან განსაკუთრებით ბოლო პერიოდში მაგრამ ისე მიყვარდა ყოველთვის ბავშვობიდან როგორც გულის ნაწილი, ძალიან მწყდება გული და ძალიან განვიცდი იმას რომ ფაქტიურად დაკარგული მქონდა მასთან ურთიერთობა რატომ მე თვითონაც ვერ ვხვდები...
ეს ტანჯვა გამყვება ცხოვრების ბოლომდე და ეს გულის ტკივილი რასაც დღეს ვგრძნობ არ გამინელდება არასდროს! დათო შენ ძალიან კარგი ძმა იყავი, კარგი მეგობარი, კარგი შვილი, კარგი მეუღლე კარგი მამა და შენი ქვეყნის დიდი პატრიოტი! მადლობა ამისთვის, მოგვენატრები ყველას და მაპატიე გთხოვ მაპატიე რომ დობა საერთოდ ვერ გაგიწიე. მიყვარხარ და მეყვარები მუდამ", - დაწერა მომღერალმა.
ვიდეო რეკლამა
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე