საქართველოში მკვლელობის შეკვეთისათვის ჩეხეთში ორი ე.წ. კრიმინალური ავტორიტეტი დააკავეს. საუბრია გასული წლის ოქტომბერში მარნეულის რაიონის სოფელ  ყიზილაჯლოში მომხდარ დანაშაულზე. ერთი მათგანის ექსტრადირება საქართველოში ახლო მომავალში იგეგმება, მეორეს კი ჩეხური მხარე აშშ-ს გადასცემს, სადაც მასზე ძებნა კიდევ ერთი მკვლელობის ორგანიზების ბრალდებით იყო გამოცხადებული.

მარნეულის რაიონის სოფელ ყიზილაჯლოში 16 წლის გოგონა სკოლიდან გამოსვლის დროს გაიტაცეს. მას ოჯახი და პოლიცია 2 დღის განმავლობაში ეძებდა. როგორც ირკვევა, ის ადგილობრივმა მცხოვრებმა 29 წლის მამაკაცმა, მეგობართან ერთად ცოლად მოყვანის მიზნით გაიტაცა.  მომხდარის დეტალებზე საუბრისას ადგილობრივები ამბობენ, რომ მამაკაცი გოგონას სათხოვნელად მშობლებთან არაერთხელ მივიდა, თუმცა ის უარით გაისტუმრეს. ამის შემდეგ კი მოიტაცა და რამდენიმე დღის განმავლობაში მეზობელ სოფელში ჰყავდა გადამალული.

ცოლის მკვლელობაში ბრალდებული 31 წლის მამაკაცი მოსამართლეს წინასწარ პატიმრობას სასამართლოზე თავად სთხოვდა. ეს იყო ერთადერთი სათქმელი, რაც სასამართლოზე ნიკა ლაჩაშვილმა თქვა. ირკვევა, რომ მან 27 წლის, ყოფილი ცოლი,  მარიტა მარტიაშვილი, კუკიის სასაფლაოზე ავტომობილში გაგუდა. ცხედარი ჯერ იქ დატოვა, თუმცა, შემდეგ უკან დაბრუნდა, ნაქირავებელი ავტომობილით ცხედარი წამოიღო და კვალის დაფარვის მიზნით ხევში გადააგდო. ექსპერიმენტული საგამოძიებო პროცესის დროს კი, დაკავებულმა ლაჩაშვილმა პოლიციას, ცხედრის ადგილსამყოფელის შესახებ თავად მიუთითა.   

7-დან 16 წლამდე გოგონებზე სექსუალური ძალადობის შემზარავი ფაქტების შესახებ ხდება ცნობილი. სავარაუდოდ, მათზე რამდენიმე წლის  განმავლობაში სისტემატიურად ძალადობდნენ. ვიდეოებს ჯერ იღებდნენ, შემდეგ კი ჯგუფში ავრცელებდნენ. ამის შესახებ უკვე ინფორმირებულია აჭარის პროკურატურა. 

თბილისი, ბათუმი, ქუთაისი, გორი, ზუგდიდი - 5-ვე ქალაქში სასამართლო პროცესები ჩაიშალა. შენობებში ბომბებს ეძებენ, მოქალაქეებს სასამართლოს შენობებში გაჩერების უფლებას არ აძლევენ. ყველგან გამნაღმველები მუშაობენ. პერიმეტრს საპატრულო პოლიცია აკონტროლებს. ასაფეთქებლებს კი ძაღლების საშუალებით ეძებენ. ასევე ადგილზე ექსპერტ-კრიმინალისტები მივიდნენ.   

ქობულეთში მომხდარი მკვლელობის საქმეზე ახალი დეტალები გაირკვა. სოფელ ლეღვაში 20 წლის გიორგი ალხანიშვილის მკვლელობასთან დაკავშრებით რამდენიმე ადამიანი დააკავეს და ერთ-ერთი მათგანი მკვლელობაში ბრალდებული ალექსანდრე ბაჟუნაიშვილის მამაა. გამოძიება მოწმეებზე დაყრდნობით ამტკიცებს, რომ 49 წლის გიორგი ბაჟუნაიშვილი, შვილის დანაშაულის დაფარვის მიზნით, მკვლელობის მოწმეებზე ზეწოლას ახორციელებდა და მათ მუქარის მეშვეობით ტყუილის თქმას აიძულებდა.

სისხლიანი ანგარიშსწორება ძმებს შორის - ხელვაჩაურში დედმამიშვილებს შორის კონფლიქტის ნიადაგზე დაწყებული დაპირისპირება მკვლელობით დასრულდა. დანაშაული სოფელ კიბეში მოხდა. ახლობლების თქმით,  მკვლელობას წინ დაპირისპირება უძღოდა. 

ბრაზილიაში 31 წლის ილია კახაბერიძე სასტუმროს ნომერში მოკლული იპოვეს.  როგორც მისი ახლობლები ამბობენ, ახალგაზრდა მეზღვაური, ქვეყანაში ტურისტულად იმყოფებოდა. ოჯახის ახლობლები ყვებიან, რომ  საქართველოში რეისიდან ის 4 თვის წინ დაბრუნდა, რის შემდეგაც მეგობრებთან ერთად ბრაზილიაში სამოგზაუროდ წასვლა გადაწყვიტა. 1 თვეა რაც რიო დე ჟანეროში იმყოფება. რა მოხდა და რა გახდა მკვლელობის მიზეზი, მათთვის უცნობია. მხოლოდ ის იციან, რომ ის სასტუმროს ნომერში მოკლული ნახეს. 

სამართალდამცველებმა 7 კაცი დააკავეს, რომლებიც ქალებს პირადი ცხოვრების ამსახველი ფოტოებითა და მიმოწერით აშანტაჟებდდნენ. ერთი მათგანი ლიეტუვას მოქალაქეა. დაზარალებული ქალების რაოდენობა რამდენიმე ათეულია, თუმცა, გამოძიების ცნობით, ეს რაოდენობა შეიძლება გაიზარდოს, რადგანაც, სავარაუდოდ, არიან დაზარალებული ქალები, რომელთაც პოლიციისათვის ჯერ არ მიუმართავთ.

კახეთში, სოფელ ვერლისციხეში სასტიკად მოკლული 26 წლის გიორგი მირაზაშვილის საქმის ირგვლივ ახალი დეტალები ხდება ცნობილი. პოლიციამ მის მკვლელობაში ბრალდებული სიძე-ცოლის ძმა დააკავეს, რომლებიც კვალის დაფარვას და გამოძიებისთვის კვალის არევას 4 თვის განმავლობაში ახერხებდნენ. რუსთავში მცხოვრები 25 წლის გიორგი მირზაშვილი 18 იანვარს გაუჩინარდა. მას ახლობლები, მეგობრები და პოლიცია ყველგან ეძებდა. საბოლოოდ, ოთხთვიანი ძიების კვალმა კი სამართალდამცველები სოფელ ველისციხეში მიიყვანა. ვენახების სიღრმეში ახალგაზრდა კაცის დასახიჩრებული ცხედარი ჭაში იპოვეს. გარდაცვლილის სხეული მთლიანად ქვებით იყო დაფარული.    

ქობულეთში მომხდარი შემზარავი მკვლელობის შესახებ ახალი დეტალები ხდება ცნობილი - როგორც ირკევვა, 20 წლის გიორეგი ალხანიშვილს, რომელსაც ოჯახი რამდენიმე დღის განმავლობაში პოლიციასთან ერთად ეძებდა, მისივე კლასელმა ჯერ მოკლა და შემდეგ, კვალის დაფარვის მიზნით, ტყეში მეგობრების დახმარებით  დამარხა. პოლიციამ სამი ადამიანი მკვლელობის დაფარვის და შეუტყობინებლობის ფაქტზე დააკავა. ხოლო უშაულო მკვლელობაში  ბრალდებულს, ალექსანდრე ბაჟუნაიშვილს, რომელმაც ქვეყანა დატოვა, ამ დრომდე ეძებენ. მას ბრალი დაუსწრებლად წაუყენეს.