ცხინვალის რეჟიმის საგარეო უწყება საქართველოს კათოლიკოს-პატრიარქის, შიო მესამის განცხადებას ეხმაურება, სადაც მან აფხაზეთსა და ცხინვალის რეგიონთან ძმური ერთობის აღდგენაზე ისაუბრა. საოკუპაციო რეჟიმი ქართულ რიტორიკას მიუღებელს უწოდებს. კონფლიქტოლოგი პაატა ზაქარეიშვილი კი მიიჩნევს, რომ ასეთი განცხადებით ქართული ეკლესიის მიმართ პოპულარობას პირიქით - ზრდის.

კულტურის სფეროში ატეხილი სკანდალის ერთ-ერთი მთავარი ფიგურა დავით ოქიტაშვილი უკან დახევას არ აპირებს და პროკურატურისგან რეაგირებას ითხოვს. „კულტურის პალატის" ხელმძღვანელი აცხადებს, რომ საგამოძიებო უწყებიდან მას ჯერ არავინ დაკავშირებია, თუმცა მზად არის, მივიდეს და გამოძიებას მის ხელთ არსებული ინფორმაცია მიაწოდოს.

პარტია „ძლიერი საქართველო - ლელო" აკრძალვის საფრთხის გამო დახმარებისთვის ამერიკულ და ევროპულ ინსტიტუტებს მიმართავს. ანალიტიკოსები შიდა რესურსების ამოწურვაზე მიუთითებენ, თუმცა უცხოეთიდან ძირეული ცვლილებების ნაკლებად სჯერათ.

ერევანში, ბიოლოგიური მრავალფეროვნების საკითხებზე გამართულ COP17-ის ლიდერთა სამიტზე სიტყვით გამოსვლისას პრემიერმა ირაკლი კობახიძემ საქართველოს ბიომრავალფეროვნებაზე, დაცული ტერიტორიების გაფართოებაზე, ტყეების აღდგენის გეგმებსა და გადაშენების საფრთხის წინაშე მყოფი სახეობების დაცვის მიმართულებით მიღწეულ შედეგებზე ისაუბრა. კობახიძემ ასევე ყურადღება გაამახვილა ქართული ვაზისა და ხორბლის უნიკალურ სახეობებზე და ბუნებრივი მემკვიდრეობის მნიშვნელობაზე ქვეყნის ეკონომიკური და სოციალური განვითარებისთვის.

1 აშშ დოლარის ღირებულება 2.60 ლარს ჩამოსცდა. ეს უკვე იმაზე დაბალი მაჩვენებელია, რასაც ფინანსისტები წლის ბოლოსთვის პროგნოზირებდნენ. არის თუ არა ლარის კურსის გამყარება ერთ-ერთი ინსტრუმენტი იმისთვის, რომ საწვავისა და სხვა პროდუქტების ფასები დასტაბილურდეს და ინფლაციური წნეხი შემცირდეს? ექსპერტები ამ პოზიციას არ იზიარებენ და ლარის კურსის მკვეთრ გამყარებასაც არ ვარაუდობენ, თუმცა მათი პროგნოზით, წლის ბოლოსთვის, 1 აშშ დოლარი 2.57-2.58-ის ფარგლებში იქნება. 

ხანგრძლივი პაუზის შემდეგ, მმართველი პარტიის საპატიო თავმჯდომარე ბიძინა ივანიშვილი კვლავ გამოჩნდება საჯაროდ, კამერების წინაშე. ანალიტიკოსთა შეფასებით, ეს შეიძლება იმაზე მიანიშნებდეს, რომ ბოლო პერიოდის მოვლენების გამო მმართველ გუნდში გარკვეული დაძაბულობა და ვნებათაღელვაა. შესაბამისად, არ არის გამორიცხული რაიმე მნიშვნელოვანი გადაწყვეტილების გამოცხადებაც.

აშშ-ის პრეზიდენტ დონალდ ტრამპსა და უკრაინის პრეზიდენტ ვოლოდიმირ ზელენსკის შორის დაძაბულობა ბოლო კვირაა მკვეთრად გამწვავდა. ზელენსკიმ ისიც კი განაცხადა, რომ უკრაინა ძლიერ პარტნიორს კარგავს. თავის მხრივ ტრამპმა უკრაინის ხელმძღვანელობა და პირადად ზელენსკი დაადანაშაულა იმაში, რომ ომის დასრულებისა და სამშვიდობო შეთანხმების მისაღწევად საკმარის ძალისხმევას არ იჩენს.

ქართულ კულტურულ და პოლიტიკურ კულუარებში ხმაურიანი დაპირისპირებაა. „კულტურის პალატის" ხელმძღვანელი დავით ოქიტაშვილი კულტურის ყოფილ მინისტრს, თინათინ რუხაძეს ღია წერილით უპირისპირდება და მას საქმიანობის მიზანმიმართულ ბლოკირებაში, რეპუტაციის შელახვასა და შესაძლო ფინანსურ დარღვევებში ადანაშაულებს. დავით ოქიტაშვილის მტკიცებით, ყოფილი მინისტრი კულტურის სფეროს წარმომადგენლებს მასთან ურთიერთობას უზღუდავდა, ბლოკავდა კულტურულ ღონისძიებებზე და შეაჩერა „ვარსკვლავების გახსნის" ისტორიული პროექტი.

ოპოზიციური პარტიები საკონსტიტუციო სასამართლოში მათი აკრძალვის სარჩელის განხილვას განსხვავებულად ხვდებიან. „კოალიცია ცვლილებისთვის" და „ფედერალისტები" მასშტაბური აქციის დაწყებას აანონსებენ. „ლელო - ძლიერი საქართველო" აპირებს „სასამართლოდან „ოცნება" ამხილოს". ყოფილი პრემიერის, გიორგი გახარიას პარტია „გახარია საქართველოსთვის" დასავლელ პარტნიორებს გააქტიურებას სთხოვს. „ნაციონალური მოძრაობა" კი ჯერ კონკრეტული გადაწყვეტილება არ მიუღია.

„ქართული ოცნების" მხარდამჭერებს შორის ახალი მწვავე დაპირისპირებაა - „კულტურის პალატის" ხელმძღვანელი დავით ოქიტაშვილი კულტურის ყოფილ მინისტრს, თინათინ რუხაძეზე ახალ დეტალებს ასაჯაროებს და მის საქმიანობაში შესაძლო დარღვევების შესწავლას პროკურატურასა და აუდიტის სამსახურს სთხოვს. სკანდალის ცენტრში მხოლოდ ყოფილი მინისტრი არ არის - ოქიტაშვილი აცხადებს, რომ რუხაძეს სუს-ის ყოფილი უფროსი მამუკა მდინარაძე მფარველობდა და ის საკუთარ გავლენებსა და მმართველი გუნდის მაღალჩინოსნებთან კავშირებს იყენებდა.

სოციალური შემწეობის მიმღებთა წრე შესაძლოა, განახევრდეს. სისტემაში მნიშვნელოვანი ცვლილებები გრძელდება. ბოლო თვეების სტატისტიკა აჩვენებს, რომ სახელმწიფო დახმარების მიმღებთა წრე ეტაპობრივად ვიწროვდება და ბაზაში რეგისტრირებულ პირთა რაოდენობა თვიდან თვემდე მცირდება.  სპეციალისტები  აღნიშნავენ, რომ სიის შემცირებაზე გარკვეული  გავლენა იქონია სხვადასხვა ფაქტორმა მაოხდინა, მათ შორის, დასაქმების პროგრამამ,  არაფორმალურმა  შემოსავლებმა, მიგრაციამ  და საბანკო კონტროლმა.

პირველი ოქტომბრიდან ხორბლის იმპორტზე დაწესებული 100-ლარიანი საბაჟო გადასახადი ამოქმედდა. მართალია, ეს გადაწყვეტილება მთავრობამ ადგილობრივი ფერმერების მხარდასაჭერად მიიღო, მაგრამ რეალური შედეგი არ მოჰყოლია - ქართულ წისქვილკომბინატებში ჯერ მხოლოდ 300 ტონა ადგილობრივი ხორბალია ჩაბარებული. მიზეზი ის არის, რომ საქართველოს ბაზარი რუსული ხორბლით არის გაჯერებული და მისი ფასიც ადგილზე მცირდება. სპეციალისტები იხტიბარს არ იტეხენ და აცხადებენ, რომ სიტუაცია მოკლე დროში დასტაბილურდება.