ელზა პაპოშვილი
24.11.2022

14 წლისს გოგონას გაუპატიურების ფაქტზე უკვე მეოთხე  დღეა პოლიცია 23 წლის მამაკაცს ეძებს. საქმეზე ასევე დაკავებულია მოზარდის მამა, რომელმაც გოგონაზე ფიზიკურად მას შემდეგ იძალადა, რაც გაუპატიურების ფაქტის შესახებ ბავშვმა მშობლებს მოუყვა. 

თამთა ჩაჩანიძე
24.11.2022

სომხეთის პრემიერ-მინისტრმა, ნიკოლ ფაშინიანმა კოლექტიური უსაფრთხოების ხელშეკრულების ორგანიზაციის („ოდეკაბე") სამიტის შემდეგ მიღებულ დეკლარაციასა და სომხეთისთვის დახმარების გაწევის ერთობლივი ზომების შესახებ დოკუმენტს ხელი არ მოაწერა. როგორც ანალიტიკოსები აცხადებენ, ეს სკანდალი იმით აიხსნება, რომ „ოდეკაბე" ფაქტიურად კვდება, სომხეთი კი, თუკი მოინდომებს, რუსეთის გავლენებისგან თავის დაღწევას შეძლებს.

ქეთო გოგოხია
24.11.2022

საქართველოში ფერმერის დღე აღინიშნა. ღონისძიება საქართველოს გარემოს დაცვისა და სოფლის მეურნეობის სამინისტროსა და საქართველოს ფერმერთა ასოციაციის ერთობლივი ინიციატივით, თბილისში გაიმართა. ამ დღის მიზანი ფერმერთა მხარდაჭერა და მათი პროდუქციის პოპულარიზაციაა. ღონისიძიების ინიციატორებმა გამოავლინეს და დააჯილდოვეს ისეთი ფერმერები, რომლებიც რეგიონებში ცხოვრობენ, დოვლათს ქმნის და დარგის განვითარებაში ღირსეული წვლილი შეაქვთ.

გვანცა წულაია
23.11.2022

ლარი ისევ მყარდება და დადებითი ტენდენცია მომავალი თვეების განმავლობაშიც გაგრძელდება. ქართული ვალუტა პოზიციებს ინარჩუნებს "სეზონური მერყეობის” დროსაც. მიმდინარე პერიოდში კურსს გაუფასურება ახასიათებს, თუმცა ახლანდელი მოცემულობა სრულიად სხვაგვარია და ლარი შეუქცევადად სტაბილურია. უფრო მეტიც, "თიბისი კაპიტალის” პროგნოზით, ლარის გამყარება მომავალ წლებშიც გასტანს.

თამთა ჩაჩანიძე
23.11.2022

ევროპელი ლიდერები უკრაინაში რუსეთისგან სამხედრო კონფლიქტის გამწვავებას ელოდებიან. უკვე განხორციელებული თავდასხმების შედეგად, უკრაინის ენერგეტიკული ინფრასტრუქტურის ნახევარი დაზიანდა, ანალიტიკოსთა შეფასებით, დიდი ალბათობით რუსეთს გადაწყვეტილი აქვს, რომ უკრაინა ზამთარში სრულიად ჩააბნელოს და სიცივეში დატოვოს.

ელზა პაპოშვილი
23.11.2022

იძალადა თუ არა რეალურად 28 წლის მამაკაცმა 8 წლის ძმისშვილზე სექსუალურად, ახლა ეს გამოძიებამ უნდა დაადგინოს. მამაკაცს ძმის ცოლი ძმისშვილზე სექსუალური ხასიათის ძალადობაში ადანაშაულებს და ამტკიცებს, რომ მან ბავშვზე გარყვნილი ქმედება განახორციელა. 

თამთა ჩაჩანიძე
23.11.2022

ოფიციალური კიევის განცხადებით, უკრაინის გამარჯვების ფორმულა ტერიტორიული მთლიანობის აღდგენაა - როგორც პრეზიდენტმა ზელენსკიმ არაერთხელ აღნიშნა - „ყირიმში უნდა დაბრუნდეს უკრაინული დროშა და სწორედ ამის შემდეგ ექნება მსოფლიოს შეგრძნება, რომ ომი აღარ არის". როგორც ანალიტიკოსები ამბობენ, დასავლეთი უკრაინას გვერდში ბოლოდე დაუდგება და რეალურად ეს დამოკიდებულია თავად უკრაინის პოზიციასა და ბრძოლების შედეგებზე.

ელზა პაპოშვილი
23.11.2022

უკრაინა რთული ზამთრისთვის ემზადება - ქვეყნის მასშტაბით ე.წ. უძლეველობის პუნქტები შეიქმნება, რომელიც იმ შემთხვევაში ამოქმედდება, თუკი რუსული დარტყმების შედეგად უკრაინის მოსახლეობის ელექტრომომარაგება ხანგრძლივი დროის განმავლობაში შეეზღუდება. უკრაინიის ქალაქების დაბომბვა გრძელდება და რუსების მთავარი სამიზნე ენერგომატარებლები და სამოქალაქო ინფრასტრუქტურაა. 

ია აბულაშვილი
23.11.2022

დაიწყება თუ არა "ნაციონალური მოძრაობაში" შიდა კომპრომატების ომი - მოქმედი თავმჯდომარე ნიკა მელია "კარტების გახსნას" ჯერ არ აანონსებს, მაგრამ, მიიჩნევს, რომ პარტიაში მიმდინარე პროცესებში ყველა ინტერესი საჯარო უნდა იყოს და გარკვეული ადამიანები ჩრდილიდან გამოვიდნენ, რათა მინიშნებები არ იყოს არაფორმალურ პროცესებზე. ლევან ხაბეიშვილის აზრით კი, ნიკა მელიას ბოლო პერიოდში შეექმნა პრობლემები და ის ვეღარ, ან აღარ არის აქტიური, პარტიას კი აქტიური თავმჯდომარე სჭირდება.

ელზა პაპოშვილი
22.11.2022

„ქართული ოცნება“, დასავლელი პარტნიორების დაჟინებული მოწოდების მიუხედავად, დღემდე თავს იკავებს დეოლიგარქიზაციის კანონის ვენეციის კომისიისთვის გაგზავნისაგან. მათი მთავარი არგუმენტი ისაა, რომ ეს კანონი შესაბამისი უკრაინული კანონის ფაქტობრივი ასლია, რომელიც ვენეციის კომისიამ უკვე მოიწონა და, შესაბამისად, მისი დამატებითი ექსპერტიზა საჭირო არ არის. თუმცა, აშშ-ის ელჩის მიერ სამშაბათს გავრცელებულმა ინფორმაციამ ამ არგუმენტს საფუძველი გამოაცალა. როგორ მოიქცევა „ოცნება“ და ემუქრება თუ არა ჩავარდნა ევროკავშირის წევრობის კანდიდატის სტატუსის მისაღებად დათქმული 12 რეკომენდაციიდან ერთ-ერთის შესრულებას?

თამთა ჩაჩანიძე
22.11.2022

მოსკოვმა შესაძლოა ზაპოროჟიეს ატომური ელექტროსადგურზე კონტროლი ატომური ენერგეტიკის საერთაშორისო სააგენტოს და გაეროს გადასცეს. ამ სცენარზე რუსულ „ტელეგრამ" არხებში აქტიურად საუბრობენ და ამას რუსეთის კიდევ ერთ დიდ მარცხად აფასებენ, ოფიციალური მოსკოვი კი ამ თემაზე ჯერჯერობით დუმილს ინარჩუნებს. ანალიტიკოსთა ნაწილი მიიჩნევს, რომ შესაძლოა ეს კავშირში იყოს რუსული ნავთობის ექსპორტთან დაკავშირებულ ახალ შეზღუდვებთან, რომლის გამოცხადებაც 5 დეკემბერს იგეგმება.

გვანცა წულაია
22.11.2022

ეკონომიკური ზრდის და უმუშევრობის შემცირების პარალელურად დგინდება, რომ ოქტომბრის თვეში, წინა წლის ანალოგიურ პერიოდთან შედარებით, მცირედით (0.4%-ით), მაგრამ მაინც შემცირებულია იმ ადამიანთა ოდენობა, რომლებიც ხელფასს იღებდნენ. ამ დროს ოფიციალური მონაცემებით, ქვეყანაში უმუშევრობა მცირდება და შესაბამისად, იზრდება იმ დასაქმებულთა რაოდენობა. როგორ აიხსნება ორი სრულიად საწინააღმდეგო მონაცემები?


Copyright © 2006-2022 by Resonance ltd. . All rights reserved
×