ნატო-ს ევროპელი მოკავშირეებით განაწყენებულმა პრეზიდენტმა დონალდ ტრამპმა ჯავრი ალიანსის გენმდივან მარკ რიუტეზე იყარა.„პოლიტიკოს" ინფორმაციით თეთრ სახლში გამართულ დახურულ შეხვედრაზე სიტუაცია ძალიან დაიძაბა და ტრამპი ერთი საათის შეუსვენებლივ აკრიტიკებდა რიუტეს, რაც ალაგ-ალაგ ლანძღვასა და შეურაცხყოფაში გადადიოდა. გენმდივანი კი, თუ „პოლიტიკოს" წყაროებს დავუჯერებთ, ამას უდრტვინველად იტანდა.

ირანის ელჩი, რომლის გამონათქვამებმა რამდენიმე დღს წინ დიდი აჟიოტაჟი გამოიწვია, კიდევ ერთ განცხადებას აკეთებს. ოღონდ ამჯერად მისი რიტორიკა უფრო კეთილგანწყობილია, ვიდრე სკანდალური. ეს ხდება იმ ფონზე, როდესაც რეგიონში გეოპოლიტიკური ვითარება კვლავ დაძაბულია, ხოლო საქართველოს საგარეო მიმართულება აქტიური განხილვის საგანია. სეიედ ალი მოუჯანი ამბობს, რომ თეირანს ანგარიშს წარუდგენს და მომავალი ასდღიანი პერიოდისთვის საქართველოსთან თანამშრომლობისა და ურთიერთობების გზებს შესთავაზებს.

ქართულ თეატრალურ სცენაზე დაბრუნებული ლეგენდარული პოემა ამჯერად არა მხოლოდ ესთეტიკური შეფასებების, არამედ მწვავე დაპირისპირების მიზეზი გახდა. რეჟისორ რობერტ სტურუას ახალი დადგმა საზოგადოების ნაწილმა თამამ ექსპერიმენტად აღიქვა, ნაწილმა კი მიუღებელ ინტერპრეტაციად. განსაკუთრებულ ქარცეცხლში კი თინათინს როლის შემსრულებელი ქეთი სვანიძე მოექცა.

ავტომობილების განბაჟებასთან დაკავშირებით მიღებულმა გადაწყვეტილებამ ავტოდილრერებს პრობლემები უკვე შეუქმნა. ჯერ მხოლოდ ერთი კვირაა, რაც რეგულაცია ძალაშია, თუმცა სექტორში აცხადებენ, რომ ისინი გამოწვევის წინაშე აღმოჩნდნენ. უკვე ფინანსური ზარალიც სახეზეა. შეუმცირდათ ტვირთბრუნვა და რეგიონებში არსებული ფილიალების დახურვაც დაწყებულია. რამდენიმე თვეში ბაზარზე სერიოზული ცვლილებები აშკარად გამოჩნდება.

ინფრასტრუქტურის მშენებელი კომპანიების მთავარი პრობლემა ტენდერებში ჩინურ კომპანიების დომინირებაა. ჩინეთის მთავრობისგან სუბსიდირებულ კომპანიებთან კონკურენციაში შესვლა არც ისე მარტივია, რადგან ქართული კომპანიები ვერ ახერხებენ ჩინურ კომპანიებზე უფრო დაბალი ფასის შეთავაზებას. აქვე ჩნდება კიდევ უფრო მნიშვნელოვანი პრობლემა - არის კი ტენდერში გამარჯვებული კომპანიის შესრულებული სამუშაო ხარისხიანი?

ოპოზიციურ ველზე ახალი პარტიების გამოჩენაზე ალაპარაკდნენ - მეხუთე პრეზიდენტმა სალომე ზურაბიშვილმა განაცხადა, რომ საზოგადოებაში არის ამაზე მოთხოვნა, რასც ანალიტიკოსებიც ეთანხმებიან, თუმცა, ახალი ჯგუფები უნდა აკმაყოფილმებდნენ იმ ამომრჩეველთა მოთხოვნებს, რომლებსაც დღეს არსებული პარტიებიდან არცერთი არ მოსწონს.

რუსული წყალქვეშა ნავები ჩრდილოეთის ზღვაში კაბელებს შეისწავლიდნენ - მათი მისია დიდი ბრიტანეთის სამეფო ფლოტმა ჩაშალა, - ამის შესახებ დიდი ბრიტანეთის თავდაცვის მინისტრმა, ჯონ ჰილიმ განაცხადა.

9 აპრილს დაღუპულთა ხსოვნას ხელისუფლებამ, ოპოზიციამ და სხვადასხვა ქვეყნის საელჩოების წარმომადგენლებმა პატივი მიაგეს და მემორიალი ყვავილებით შეამკეს

აშშ-ს პრეიზდენტის დონალტ ტრამპის მიერ ცეცხლის შეწყვეტის გამოცხადების მიუხედავად, ახლო აღმოსავლეთში საჰაერო იერიშები მაინც გრძელდება, რაც აჩვენებს იმას, რომ დაანონსებული ორი კვირა მთლად სტაბილური ვერ იქნება და ამერიკის მოკავშირეებშიც გეგმაზე მთლად ერთიანი პოზიცია არაა.

აშშ-სა და ირანს შორის ორკვირიანი ცეცხლის შეწყვეტის შეთანხმებამ გლობალურ ეკონომიკაზე გარკვეული გავლენა უკვე მოახდინა. პირველ რიგში, ეს დაეტყო საწვავის ფასს, რამაც კლებისკენ აიღო გეზი. სავარაუდოდ, შეჩერდება ძვირფასი ლითონის გაძვირების ტენდენციაც, თუმცა, ანალიტიკოსები ფიქრობენ, რომ  ამ მიმართულებით რაიმე მნიშვნელოვანი ცვლილება არ იქნება - ოქროს ფასი შეიძლება 5-6%-ით შემცირდეს. სასუქების და შხამქიმიკატების ბაზარზე კი, პირიქით, გაძვირების ტენდენცია გაგრძელდება.

თბილისის მერია თხევადი გაზის სარეალიზაციო ობიექტებს აჯარიმებს. ეს მაშინ, როდესაც მსოფლიო ბაზრებზე საავტომობილო საწვავი ძვირდება, ხოლო თხევადი აირი მის ერთადერთ და იაფ ალტერნატივად ითვლება. თხევადი გაზის იმპორტიორთა და რეალიზატორთა ასოციაცია წერილს ამზადებს და ჯარიმების გასაჩივრებას აპირებს. დარგის სპეციალისტები კი აცხადებენ, რომ პროდუქტების საყოველთაო გაძვირების ფონზე, მერიის სადამსჯელო ღონისძიება კარგს არაფერს მოგვიტანს.