თამთა ჩაჩანიძე
25.05.2022

დავოსში, ქართული დელეგაციის ვიზიტის ფარგლებში, პრემიერ-მინისტრმა ირაკლი ღარიბაშვილმა ყოველწლიურ მსოფლიო ეკონომიკურ ფორუმზე სიტყვით გამოსვლისას ევროინტეგრაციის გზაზე საქართველოს მიერ გადადგმულ ნაბიჯებზე დეტალურად ისაუბრა. პრემიერმა პანელური დისკუსიის ფარგლებში, საქართველოს ისტორიულ არჩევანს ხაზი რამდენჯერმე გაუსვა და აღნიშნა, რომ საქართველოს მოსახლეობის 80%-ზე მეტი მხარს უჭერს იდეას, რომ საქართველო უნდა გახდეს ევროპული ოჯახის წევრი.

ია აბულაშვილი
25.05.2022

"საქართველომ იცის, რომ ეკუთვნის ევროპას, ახლა ევროპამ უნდა გააკეთოს დასკვნები"-ცნობილი ქართველი მეცნიერის, ევროპული კონსტიტუციის თანაავტორის მიხეილ მუსხელიშვილის სიტყვებით დაასრულა გამოსვლა საქართველოს პრემიერ-მინისტრმაირაკლი ღარიბაშვილმა დავოსის ეკონომიკურ ფორუმზე და დამსწრე საზოგდაოებას აუწყა, რომ საქართველოს ევროკავშირისგან სწრაფი მოქმედების ხილვა სურს; რომ საქართველოს ევროპისგან სჭირდება სიცხადე, ადეკვატური და შესაბამისი რეაქცია.

თამთა ჩაჩანიძე
25.05.2022

ბოლო პერიოდის ყველაზე დიდი ტრაგედია აშშ-ში - შეიარაღებული თავდასხმა მოხდა ტექსასის შტატის ქალაქ იუვალდის დაწყებით სკოლაში. მოკლულია სულ მცირე 21 ადამიანი, მათ შორის 19 ბავშვი. პოლიციის ინფორმაციით, შენობაში ცეცხლი 18 წლის ადგილობრივმა მკვიდრმა გახსნა, რომელიც გამოძახებულმა პოლიციელებმა მოკლეს. დანაშაულის მოტივი ჯერჯერობით უცნობია. ანალიტიკოსთა აზრით, მასობრივი სროლების მზარდ ტენდენციას ხელს უწყობს ის, რომ იარაღის გაყიდვაზე კონტროლის გამკაცრებაზე პოლიტიკურ პარტიებში კონსენსუსი ჯერჯერობით არაა.

თამთა ჩაჩანიძე
25.05.2022

უკრაინის აღმოსავლეთის მიმართულებით ომი აქტიურ ფაზაში შევიდა, საოკუპაციო ძალები ცდილობენ, რომ უკრაინის შეიარაღებულ ძალებს ორ ქალაქში სევეროდონეცკსა და ლისიჩანსკში ალყა შემოარტყან, რათა შემდგომში უკრაინელებს დონეცკის რაიონის დაცვა გაუჭირდეთ. ანალიტიკოსთა შეფასებით, თუ რუსებმა ეს განახორციელეს, ერთგვარი გარღვევა იქნება, თუმცა, ეს იქნება მოკლევადიანი, რადგან უკრაინელები სიტუაციის შემობრუნებას შეძლებენ.

ელზა პაპოშვილი
24.05.2022

უკრაინაში ომის 90-ე დღეს მთავარი მოვლენები კვლავ ქვეყნის აღმოსავლეთში ხდება. რუსული არმია განსაკუთრებული მონდომებით ცდილობს, გავიდეს ლუჰანსკის ოლქის ადმინისტრაციულ საზღვარზე. ანალიტიკოსთა შეფასებით, ვითარება დრამატულია და უკრაინული სარდლობა შესაძლოა, უკვე არჩევანის წინაშე დგას - გაიყვანოს თავისი ძალები სახიფათო ზონებიდან თუ ალყის პირობებში გააგრძელოს წონააღმდეგობა.

გვანცა წულაია
24.05.2022

ეროვნული ვალუტის პოზიციების გაუმჯობესება ყოველდღიურ რეჟიმში მიმდინარეობს, რაც ახლო მომავალში გაგრძელდება კიდეც, ამიტომ სიტუაციაში ჩარევა გადაწყვიტა საქართველოს ეროვნულმა ბანკმა და გუშინ, დიდი ხნის პაუზის შემდედ, სავალუტო აუქციონზე 10 მილიონი დოლარი შეისყიდა. საბანკო სფეროს სპეციალისტები ამბობენ, რომ ეროვნული ბანკი ამ გზით იმ რეზერვების შევსებას ცდილობს, რომლებიც უკვე გახარჯული აქვს.

თამთა ჩაჩანიძე
24.05.2022

რუსეთის სახელმწიფო სათათბიროში დაასახელდა ქვეყნები, რომლებიც რუსული მედიის მიმართ დისკრიმინაციული და აგრესიული ქმედებებით გამოირჩევა. მათ შორისაა საქართველოც. ანალიტიკოსი პაატა ზაქარეიშვილი „რეზონანსთან" აცხადებს, რომ ეს მოკოვის მხრიდან საქართველოს „დატუქსვას" ნიშნავს.

თამთა ჩაჩანიძე
24.05.2022

საქართველო ევროკავშირის წევრობის კანდიდატის სტატუსის მოლოდინშია, პასუხამდე კრიტიკული სამი კვირა დარჩა. მანამდე ევროპის ლიდერები საუბრობენ ახალ გაერთიანებაზე, სადაც ევროკავშირში გაწევრინების მსუერველი ქვეყნები შევლენ და ფორმულაზე „მეტი მეტისთვის". ანალიტიკოსთა შეფასებით, ახალი გაერთიანების შექმნის იდეა ჯერჯერობით ჩამოყალიბებული არაა, არც კონსენსუსი არ არსებობს და ეს არც ევროკავშირის წევრობის კანდიდატის სტატუსთან არაა მიბმული. თუმცა, თუ განხორციელდა, თეორიულად ეს შეიძლება საქართველოსთვის რაღაც კუთხით დადებითი იყოს, მაგრამ რისკებიცაა, რადგან შესაძლოა ამით ევროინტეგრაცია გაჭიანურდეს.

ქეთო გოგოხია
24.05.2022

მსოფლიოში შიმშილობის რისკი ერთბაშად გაიზარდა. ბოლო 10 წელია, ამ საფრთხეზე გაერო-ს ანალიტიკოსები აქტიურად საუბრობენ, თუმცა თუკი აქამდე ამის მიზეზად კლიმატის ცვლილება განიხილებოდა, პანდემიამ ეს მოცემულობა შეცვალა. ახლა უკვე უკრაინაში მიმდინარე ომმა სურსათის დეფიციტის საფრთხე სულ სხვა რაკურსით წარმოაჩინა. როგორც აღმოჩნდა, შიმშილობა მსოფლიოს უამრავი ქვეყნისთვის შეიძლება, დიდ პრობლემად იქცეს. საერთაშორისო ბაზრებზე უკვე ძალიან დაძაბული ვითარებაა. საქართველოს შემთხვევაში რისკები საკვების დეფიციტს იმდენად არ უკავშირდება, რამდენადაც _ გაზრდილ ფასებს, რაც გლობალური პრობლემაა.

ელზა პაპოშვილი
24.05.2022

სასტიკი მკვლელობა ხაშურში - სოფელ ხცისში ახალგაზრდა მამაკაცმა ბაბუასთან სტუმრად მყოფი 57 წლის ჯემალ პაპუაშვილი ურთიერთ შელაპარაკების შემდეგ მოკლა. 34 წლის გიორგი ბლიაძემ პაპუაშვილი სუფრასთან კონფლიქტის შემდეგ გარეთ გააცილა და სავარაუდოდ ის ქუჩაში ცეცხლსასროლი იარაღით  მოკლა. დაკავებულის ბებია  ყვება, რომ მოკლული მამაკაცი მათი ხშირი სტუმარი იყო და ოჯახთან ძალიან კარგი ურთიერთობა ჰქონდა. პაპუაშვილი მესაქონლეობით იყო დაკავებული და მათთან მეგობრობდა. ოჯახი ამბობს, რომ ახალგაზრდას ფსიქიკური  პრობლემები აქვს და ამის გამო ჯემალ პაპუაშვილი მუდმივად აბულინგებდა. მკვლელობის მოტივად ისინი სწორედ ამას ასახელებენ.  

გვანცა წულაია
24.05.2022

უძრავი ქონების ბაზარზე დიდი სიძვირეა. მაღალი ფასები ფიქსირდება როგორც ყიდვა-გაყიდვის, ისე გაქირავების მიმართულებით. ქვეყანაში ბინები რუსეთ-უკრაინის ომის დაწყებისთანავე გაძვირდა და განსაკუთრებული სიძვირე შეინიშნება დედაქალაქში. აჟიოტაჟური მოთხოვნა შედარებით შემცირდა, მაგრამ ფასები ისევ მაღალ ნიშნულზე დარჩა.

თეონა ვეშაგური
24.05.2022

ცხინვალის რეგიონში 17 ივლის დანიშნული ე.წ. რეფერენდუმი, სავარაუდოდ, გადაიდება. ამის შესახებ უკვე თავადა ცხინვალში საუბრობენ და ორ მთავარი მიზეზს ასახელებენ: რეფერენდუმი არ იყო შეთანხმებული მოსკოვთან და მისი მთავარი კითხვა „ოფიციალურ ბრძანებაში" იურიდიული თვალსაზრისით არასწორადაა ფორმულირებული.


Copyright © 2006-2022 by Resonance ltd. . All rights reserved
×