სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    გვანცა წულაია
    28.08.2017

     სტრასბურგის მოსამართლეობის კანდიდატის შესარჩევმა კომისიამ მთავრობისთვის წარსადგენი კანდიდატურები შეარჩია. მოსამართლეობის კანდიდატად ოთხი პირი შეირჩა. ყველაზე მაღალი ქულა ლალი ფაფიაშვილმა აიღო (4.82), შემდეგი თამარ ალანიაა (4.45), ოთარ სიჭინავამ და იოსებ ბაჩიაშვილმა კი თანაბარი (3.75) ქულა აიღეს.

    გვანცა წულაია
    26.08.2017

     პრეზიდენტის საპარლამენტო მდივანმა ანა დოლიძემ თბილისის მერობის დამოუკიდებელ კანდიდატ ალეკო ელისაშვილს ცესკო-ში წარსადგენი ხელმოწერების შეგროვებაში მხარი დაუჭირა. გუშინ დოლიძე მეტრო "ვარკეთილის" მიმდებარე ტერიტორიაზე მივიდა, სადაც ელისაშვილის მხარდასაჭერად ხელმოწერები გროვდებოდა.

    გვანცა წულაია
    25.08.2017

     ბორჯომის ხეობაში სალიკვიდაციო სამუშაოებისთვის საგანგებო შტაბია შექმინილი. შტაბის მიერ გუშინ გავრცელებულ განცხადებაში ნათქვამია, რომ სტიქიის ზონაში სალიკვიდაციო სამუშაოებში 1500-მდე ადამიანია ჩართული. 

    გუშინ დილიდან მუშაობა 6-მა ვერტმფრენმა განაახლა. მაშველი-მეხანძრეები, მეტყევეები და პოლიციელები 24-საათიანი რეჟიმით მუშაობენ.

    გვანცა წულაია
    24.08.2017

     უკვე მეხუთე დღეა, ბორჯომის ხეობაში ტყის ხანძარს აქრობენ. როგორც იქ მყოფი მთავრობის წევრები ამბობენ, ცეცხლის ჩაქრობას ხელს რთული რელიეფური მდგომარეობა და ძლიერი ქარი უშლის.

    გვანცა წულაია
    23.08.2017

     რუსეთმა ბორჯომში გაჩენილი ხანძრის სალიკვიდაციო სამუშაოებში დახმარების სურვილი გამოთქვა.

    როგორც პრემიერ-მინისტრმა გიორგი კვირიკაშვილმა განაცხადა, ქართული მხარე აბსოლუტურად ყველა ვერსიას და ვარიანტს განიხილავს, ვინაიდან სტიქიისგან მოსახლეობის დაცვის პასუხისმგებლობა აკისრია, თუმცა არსებული დახმარების პირობებში რუსეთის დახმარება საჭირო არ გახდა.

    გვანცა წულაია
    22.08.2017

     "დემოკრატიულმა მოძრაობამ" და "თავისუფალმა საქართველომ " თბილისის მერობის კანდიდატად კახა კუკავა, საკრებულოს თავმჯდომარეობის კანდიდატად კი დიმიტრი ლორთქიფანიძე წარადგინა.  

    როგორც "დემოკრატიული მოძრაობის" ლიდერმა ნინო ბურჯანაძემ გუშინ გამართულ ბრიფინგზე განაცხადა, მის პარტიას თბილისის მერობის ღირსეული კანდიდატი ჰყავდა, თუმცა ოპოზიციური ერთობის მისაღწევად, მათ გადაწყვიტეს, რომ მერობის კანდიდატად კუკავა დაესახელებინათ. 

    თიკო ოსმანოვა
    21.08.2017

     საკონსტიტუციო ცვლილებებთან დაკავშირებით ოპოზიციისა და ხელისუფლების შეხვედრის პირველი რაუნდი უშედეგოდ დასრულდა. მთავარი კითხვა, თუ რა კომპრომისზე წავლენ მოლაპარაკების მხარეები, პასუხგაუცემელია. თუმცა ცნობილია, რომ ოპოზიცია ინარჩუნებს ერთიან პრინციპულ პოზიციას და დიალოგის გასაგრძელებლად 2020 წლიდან მაჟორიტარული სისტემის გაუქმებას ითხოვს. წინააღმდეგ შემთხვევაში კი, ამბობენ, რომ კონსტიტუციასთან დაკავშირებით კონსენსუსი მიღწეული არ იქნება.

    ნინო ქეთელაური
    19.08.2017

     საქართველოს ყოფილი პრეზიდენტი და ოდესის ოლქის ყოფილი გუბერნატორი მიხეილ სააკაშვილი 10 სექტემბერს უკრაინაში დაბრუნებას აპირებს. ამასთან დაკავშირებით მან თავის ოფიციალურ "ფეისბუქ" გვერდზე ვიდეომიმართვაც გამოაქვეყნა, სადაც აღნიშნავს, რომ იგი თავისი პასპორტის დაბრუნებას მხოლოდ ლეგალური, სასამართლოს გზით აპირებს. მიხეილ სააკაშვილს იმედი აქვს, რომ მას გვერდით უკრაინის მოქალაქეები დაუდგებიან.

    გვანცა ღვედაშვილი
    18.08.2017

     როგორც თბილისის მერმა დავით ნარმანიამ "ინტერპრესნიუსს" განუცხადა, წინ არაფერი უდგას იმას, რომ პეკინის ქუჩა გაცალმხრივდეს. მისი თქმით, ჯერ კიდევ მიმდინარეობს მანქანების ნაკადებთან დაკავშირებული სიტუაციის შესწავლა და იმ შემთხვევაში, თუ პოზიტიური შედეგი დადგება, პეკინზე ავტომობილები ცალმხრივად იმოძრავებენ.

    გვანცა ღვედაშვილი
    17.08.2017

     "ტურიზმის ეროვნული ადმინისტრაციის ხელმძღვანელ გიორგი ჩოგოვაძის გათავისუფლებასთან დაკავშირებით გავრცელებული ინფორმაცია სიმართლეს არ შეესაბამება, მით უმეტეს, აბსურდულია გიორგი ჩოგოვაძის ჯემ-ფესტის მიმდინარეობისას გამოვლენილ ხარვეზებთან დაკავშირება," - ამის შესახებ ეკონომიკისა და მდგრადი განვითარების სამინისტროს მიერ გავრცელებულ განცხადებაშია ნათქვამი.

    გვანცა ღვედაშვილი
    16.08.2017

     მმართველი გუნდი ყველა კვალიფიციურ ოპოზიციურ პარტიას მიმდინარე კვირაში შეკრებას და საკონსტიტუციო ცვლილებების გარშემო მსჯელობის განახლებას სთავაზობს. ამის შესახებ საპარლამენტო უმრავლესობის ლიდერმა არჩილ თალაკვაძემ განაცხადა.

    გვანცა ღვედაშვილი
    15.08.2017

     ოპოზიციასთან შეთანხმების შემთხვევაში "ქართულმა ოცნებამ" 2020 წლის საპარლამენტო არჩევნებისთვის, შესაძლოა, ერთჯერადად უბარიერო არჩევნები დაუშვას.


    Copyright © 2006-2017 by Resonance ltd. . All rights reserved
    Site Meter