საქართველოში მიმდინარე პოლიტიკურ პროცესებსა და წინასაარჩევნო ბატალიებს ოკუპირებული ტერიტორიებიდანაც ყურადღებით ადევნებენ თვალს. ეს ჩანს თუნდაც სოციალურ ქსელებში, სადაც პერიოდულად მიდის დისკუსიები იმაზე, თუ 26 ოქტომბერს რომელი პოლიტიკური ძალის გამარჯვება იქნება უფრო ხელსაყრელი ცხინვალისა და სოხუმის დე ფაქტო ხელისუფლებებისათვის.

ევროკავშირის საგარეო საქმეთა მინისტერიალის შემდეგ, 14 ოქტომბერს საქართველოსთვის მთავარი გზვანილი გაჟღერდა - რომ ოქტომბრის არჩევნები „გადამწყვეტი გამოცდა იქნება". არჩევნებამდე კი ევროკავშირი თავს იკავებს რაიმე მკვეთრი გადაწყვეტილებისაგან. ბოლო ინფორმაციით, გაფართოების ანგარიშის გამოქვეყნება არჩვნების შემდგომი პრეიოდისთვის გადაიდო, 17-18 ოქტომბერს კი ევროკავშირის საბჭოს სამიტი გაიმართება, სადაც ევროკავშირის ლიდერები გეგმავენ გააფრთხილონ საქართველო, რომ მისი მთავრობა „ქვეყნის ევროკავშირისკენ გზას საფრთხეს უქმნის".

საქართველოს ხელისუფლების წარმომადგენლები პერიოდულად საუბრობენ, რომ უკრაინაში ომის დსრულებას მყისიერად მოჰყვება ევროკავშირი-საქართველოსა და აშშ-საქართველოს ურთიერთობების სწრაფი გაუმჯობესება. რას ეფუძნება ეს მოლოდინი და რეალურად რა შეიცვლება საქართველოსა და დასავლელი პარტნიორების ურთიერთობაში უკრაინის ომის დასრულების შემდეგ? ანალიტიკოსთა მოსაზრებები ამასთან დაკავშირებით არაერთგვაროვანია.

14 ოქტომბერს ევროკავშირში საგარეო საქმეთა მინისტერიალზე საქართველოს საკითხზე იმსჯელეს. 17-18 ოქტომბერს კი, ევროპული საბჭოს სამიტი გაიმართება, რის შემდეგაც ლიდერები დასკვნებს შემაჯამებელ დოკუმენტში წარმოადგენენ.

სულ მალე გადამწყვეტი არჩევნებია, პოლიტიკური პლატფორმები წინასაარჩევნო კამპამიაში აქტიურად არიან ჩართულები - ოპოზიცია უკმაყოფილოა იმის გამო, რომ მშვიდი კამპანიის საშუალება არ ეძლევა, "ქართული ოცნების" მტკიცებით კი, წინასაარჩევნო პროცესი არის უჩვეულოდ წყნარი.

პრეზიდენტი სალომე ზურაბიშვილი ტექნიკური მთავრობის წარდგენას არჩევნებამდე აანონსებს და ამბობს, რომ ვინც ამას არ ეთანხმება, შეუძლია „ქართულ ქარტიაზე" თავისი ხელმოწერა უკან გაიწვიოს. ეს ნაწილი კი, ანალიტიკოსებს აფიქრებინებს იმას, რომ კონსულტაციების დროს, ყველა ოპოზიციური ძალა რაღაც საკითხებზე თანახმა არ იყო, „ქარტიაში" გაწერილი ზოგიერთი პუნქტით, ან ამ პუნქტების პრეზიდენტისეული ინტერპრეტაციით უკმაყოფილონი არიან, თუმცა ამის საჯაროდ გაცხადებისგან თავს იკავებენ.

ოპოზიცია აცხადებს, რომ არასტაბილურ გარემოში უწევთ წინასაარჩევნო კამპანიის წარმართვა და „ოცნების" მხრიდან ფასადურია იმაზე საუბარი, რომ პროცესი მშვიდი და წყნარია. ეუთო/ოდირმა კი წინასაარჩევნო გარემოსთან დაკავშირებით შუალედური ანგარიში გამოქვეყნა, რომელიც მმართველმა პარტიამ და ოპოზიციამ სხვადასხვაგვარად შეაფასეს.

არჩევნებამდე ორი კვირით ადრე, დასავლეთიდან საქართველოს ხელისუფლების მისამართით კრიტიკა კიდევ უფრო გამწვავდა. ევროპარლამენტის კრიტიკული რეზოლუციის შემდეგ, მმართველი გუნდის წინააღმდეგ კიდევ ერთი რეზოლუცია გერმანიის ბუნდესტაგმა მიიღო. ყოველივე ამას და ასევე თბილისში მოღვაწე დასავლელი დიპლომატების ცალკეულ გაცხადებებს საქართველოს ხელისუფლება ქვეყნის შიდა საქმეებში ჩარევად მიიჩნევს. ოპოზიციის შეფასებით კი, ეს ბრალდებები არადამაჯერებელია და „ქართული ოცნება“ ამით ქვეყნის შიდა საქმეებში რუსეთის ჩარევის გადაფარვას ცდილობს.

გაფართოების შესახებ ევროკომისიის ანგარიშის გამოქვეყნება, სადაც საქართველოსთან ევროკავშირიში გაწვერიანების მოლაპარაკების გახსნა-არგახსნაზე იქნება ლაპარაკი, სავარაუდოდ, საპარლამენტო არჩევნების შემდგომი პერიოდისთვის გადაიდო. ანალიტიკოსები ამას სხვადასხვა მიზეზებს უკავშირებენ და ამბობენ, რომ არჩევნების სამართლიანად ჩატარებასა და მის შედეგებზე მნიშნელოვნად იქნება დამოკიდებული, გაეხსნება თუ არა საქართველოს ევროკავშირში გაწევრიანებაზე მოლაპარაკება გაწევრიანების სხვა კანდიდატებთან ერთად.

ევროპარლამენტის შემდეგ, საქართველოს შესახებ რეზოლუცია  ბუნდესტაგმა მიიღო. გერმანიის პარლამენტის წევრები მოითხოვენ ბიძინა ივანიშვილის დასანქცირებას და რეზოლუციის დოკუმენტში ვკითხულობთ, რომ ამის გარდა, დაჟინებით მოითხოვენ საქართველოს ევროინტეგრაციის პროცესის შეჩერებას.

"ქართული ოცნების" ამ პოზიციას საერთოდ არანაირი საფუძველი არ აქვს, რადგან ომის დანაშაულთან დაკავშირებით იყო სარჩელები, რომელსაც განიხილავდნენ სტრასბურგის ადამიანის უფლებათა და ჰააგის მართლმსაჯულების სასამართლოები. ორივე სასამართლომ საქართველო უდანაშაულოდ ცნო ომის დანაშაულში. შესაბამისად, ეს არის განცხადება, რომელსაც სამართლებრივი საფუძველი არ აქვს"- აცხადებს "რეზონანსთან" კონსტიტუციონალისტი ვახტანგ ხმალაძე.

არ მესმის რას გულისხმობს ირაკლი კობახიძე, როცა ამბობს, რომ წინასაარჩევნო პროცესი მშვიდად მიმდინარეობსო. ოპოზიციას რომ არ სცემენ და ქვებს არ ესვრიან ამაზე მადლობა უნდა ვთქვათ? - ამის შესახებ ყოფილმა სახელმწიფო მინისტრმა და კონფიქტოლოგმა პაატა ზაქარეიშვილმა „რეზონანსთან" განაცხად