ოპოზიციის ნაწილი ამბობს, რომ მზადაა სალომე ზურაბიშვილი ორბელიანების სასახლეში დაიცვას, სხვების აზრით კი პროტესტის დაყვანა პრეზიდენტის შენობიდან გამოყვანა-არგამოყვანაზე და ათონელის რეზიდენციის ფიზიკურად დაცვის იდეა „პროტესტს აუფასურებს".

საარჩევნო კოლეგიის მიერ პრეზიდენტად არჩეული მიხეილ ყაველაშვილის ინაუგურაცია 29 დეკემბერს პარლამენტის შენობაში გაიმართება, ღონისძიება 11:00 საათიდან დაიწყება. ის დაახლოებით 40 წუთს გასტანს და მას არ დაესწრებიან ელჩები. ამის ერთ-ერთ მიზეზად „ქართული ოცნება" პარლამენტის დარბაზში ადგილების სიმცირეს ასახელებს. ამასთან, როგორც პარლამენტის თავმჯდომარე შალვა პაპუაშვილი ამბობს, ინაუგურაციაზე უცხო ქვეყნის წარმომადგენლების მიწვევა არც იგეგმებოდა.

ოპოზიციაში დარწმუნებულები არიან, რომ ვადამდელი არჩევნები „გარდაუვალი რეალობაა", მმართველი პარტია კი ამას გამორიცხავს. 25 დეკემბერს პრეზიდენტის ადმინისტრაციაში პარტიები პრეზიდენტს შეხვდნენ, თუმცა ოპოზიცია საერთო სამოქმედო გეგმაზე ვერ თანხმდება. შეხვედრას გახარიას პარტია არ ესწრებოდა, თუმცა თავად ექსპრემიერის თქმით, ის პრეზიდენტთან თანამშრომლობას აგრძელებს.

რუსეთმა აფხაზეთს ელექტროენერგიის მიწოდების სანაცვლოდ კონკრეტული პირობების შესრულება მოსთხოვა, კრემლი დე ფაქტო რესპუბლიკის დენით უზრუნველყოფას 2025 წლის თებერვლამდე გააგრძელებს, თუმცა ყველასთვის ცხადია, რომ თუ აფხაზები კვლავ გაჯიუტდებიან და რუსეთის მოთხოვნებს არ დასთანხმდებიან, ეკონომიკური სანქციები კიდევ უფრო გამკაცრდება. ახლა სიტუაცია ისეთია, რომ ოკუპირებულ ტერიტორიაზე მობილურ კავშირს უკვე პრობლემები ექმნება.

ქვეყანაში უკვე ერთი თვეა უწყვეტი პროტესტია და მომიტინგეები გაჩერებას არ აპირებენ - 28 დეკემბერს საქართველოს ქალაქებში "ერთობის ჯაჭვი" გაიმართება, აქცია უკვე დიდი ხანია დაანონსებულია 29 დეკემბერს, მას შემდეგ, რაც საარჩევნო კოლეგიის მიერ პრეზიდენტად არჩეული მიხეილ ყაველაშვილის ინაუგურაციის თარიღი გახდა ცნობილი.

"ქართულმა ოცნებამ" 20 იანვართან დაკავშირებით როტორიკა შეცვალა და განცხადებებში იკითხება, რომ მმართველი პარტია აშშ-ს არჩეული პრეზიდენტის დონალდ ტრამპის ინაუგურაციაზე ძველებურად დიდ იმედებს აღარ ამყარებს. ოპოზიციას მიაჩნია, რომ ტრამპი რეალურად არაფერს არ შეცვლის "ოცნების" სასიკეთოდ. თავად "ოცნების" განცხადებებში ახალი ტერმინი "დიფ სთეითი" გაჩნდა, ხელისუფლების წარმომადგენლები კი აცხადებენ, რომ თუ აშშ-ს ახლადარჩეული პრეზიდენტი "დიფ სთეითისგან" გათავისუფლდება", ეს საქართველოზეც დადებითად აისახება.

სხვადასხვა სფეროსა და ჯგუფის 50-მდე წარმომადგენლისგან შემდგარი საინიციატივო გუნდი, ქვეყნის პოლიტიკური კრიზისის დასაძლევად საქართველოს საზოგადოებრივ ასამბლეას უყრის საფუძველს. როგორც ორგანიზატორების მიერ გავრცელებულ ინფორმაციაში ნათქვამია, საქართველოს საზოგადოებრივი ასამბლეის მიზანია: სამართლიანი და თავისუფალი არჩევნების ჩატარების ხელშეწყობა, დაკავებულების გათავისუფლება და ქვეყნის ევროინტეგრაციის გზაზე დაბრუნება.

ოპოზიციასა და პრეზიდენტ სალომე ზურაბიშვილს შორის კონსულტაციები კვლავ აქტიურ ფაზაშია და ამის პარალელურად ისმის ოპოზიციონერების კრიტიკული შეფასებები პრეზიდენტის ზოგიერთ გადაწყვეტილებასთან დაკავშირებით. გარდა ამისა, ოპოზიცია პრეზიდენტს პარლამენტის დათხოვნას და ახალი არჩევნების ჩანიშვნას სთხოვს. რისი მაჩვენებელია ასეთი განსხვავება პრეზიდენტისა და ბარიერგადალახული პარტიების მიდგომებში და რეალურად შეუძლია თუ არა სალომე ზურაბიშვილს პარლამენტის დათხოვნა?

ერთ თვეზე მეტია აფხაზეთის დე ფაქტო ხელისუფლება რუსეთისგან ელექტროენერგიის მიწოდებას ითხოვს. 2 დეკემბრიდან დღემდე რუსეთი აფხაზეთის ამ მოთხოვნას უპასუხოდ ტოვებს. მძიმე ენერგოკრიზისში ჩაფლულ აფხაზეთში  გაჟღერდა მოსაზრება, რომ სოხუმმა საქართველოს დახმარებით უნდა მიმართოს. ამის შემდეგ ორიოდე დღეში კი მოსკოვში აფხაზეთისთვის „ჰუმანიტარული ელექტროენერგიის“ მიწოდების გადაწყვეტილება მიიღეს. რა იყო ეს - უბრალო დამთხვევა, თუ დე ფაქტო ხელისუფლების მხრიდან კრემლის წარმატებული შანტაჟი?

ეუთოს წევრი სახელმწიფოების ნაწილმა საქართველოსთან დაკავშრებით ვენის მექანიზმი აამოქმედა და 30 დეკემბრამდე საქართველოს ხელისუფლებისგან ოფიციალურ პასუხს ელის 8 კონკრეტულ კითხვაზე, რომელიც ნოემბერ-დეკემბრის ქუჩის აქციების დროს ადამიანის უფლებების დარღვევის ფაქტებს ეხება. რას ნიშნავს ეს და რა კონკრეტული გაგრძელება შეიძლება მოყვეს ამ პროცედურას?

ხელისუფლების მოწინააღმდეგეთა ერთთვიანი უწყვეტი საპროტესტო გამოსვლების ფონზე, 29 დეკემბერს, მიხეილ ყაველაშვილის ინაუგურაციის დღეს, შესაძლოა უკვე „ქართული ოცნების" მხარდამჭერები გამოვიდნენ ქუჩაში. ამ შესაძლებლობას სულ უფრო ხშირად განიხილავენ სოციალურ ქსელებში და ანალიტიკოსებიც არ გამორიცხავენ, რომ კვირას „ოცნების" მხარდამჭერები მართლაც მასიურად მივიდნენ პარლამენტთან. თუმცა, მათი აზრით, ამ შემთხვევაში ყველაფერი ისე უნდა იყოს ორგანიზებული, რომ ხელისუფლების მომხრეები და მოწინააღმდეგეები ქუჩაში ერთმანეთის პირისპირ არ აღმოჩნდნენ.

პრეზიდენტი სალომე ზურაბიშვილი ვადის ამოწურვამდე ახალი ინიციატივით გამოდის, რომელიც საბჭოს შექმნას გულისხმობს და რომლის მანდატიც ახალი არჩევნების მომზადება იქნება. ოპოზიციაში საუბრობენ, რომ ეს არ იქნება ე.წ. ალტერნატიული პარლამენტი, მიუხედავად იმისა, რომ საბჭოში ბარიერგადალახული პარტიების წარმომადგენლები შევლენ. ანალიტიკოსთა აზრით კი, ეს იქნება ერთგვარი საკონსულტაციო ორგანო, რომელიც კონკრეტულ რეკომენდაციებს შეიმუშავებს და ახალ არჩევნებს მოამზადებს.