მიუნხენის უსაფრთხოების სამდღიანი 61-ე კონფერენცია ცხარე დისკუსიით დაიხურა. ცენტრალური თემები იყო უკრაინა-რუსეთის ომის დასრულების გზები, აშშ-ევროპის ურთიერთობის საკითხი და უსაფრთხოებასთან დაკავშირებული გამოწვევები. დასავლეთის ლიდერებს ამ თემებთან დაკავშირებით ჰქონდათ მთავარი გზვანილები, რაც ანალიტიკოსების თქმით, საქართველომაც უნდა გაითვალისწინოს.

თბილისში პროტესტის მე-80 დღე 15 თებერვალს აქცია-მსვლელობით აღინიშნა. ეს იყო თებერვალსა და მარტში უკვე დაანონსებული მასშტაბური აქციების ერთგვარი გენერალური რეპეტიცია, რომელიც ხელისუფლების ოპონენტებმა სიმბოლურ თარიღებს დაამთხვიეს. პირველი ასეთი აქცია „ქართული ოცნების" საპატიო თავმჯდომარის, ბიძინა ივანიშილის დაბადების დღეს - 18 თებერვალსაა დანიშნული. რა აჩვენა შაბათის აქციამ და აქედან გამომდინარე, რას უნდა ველოდოთ სამშაბათს?

მსოფლიოში არსებული გლობალური გამოწვევების ფონზე, საქართველოსთან დაკავშირებით დასავლეთის პოზიცია ჯერ კიდევ არაა გარკვეული და ჩამოყალიბებული. „ქართულ ოცნებას“ იმედი აქვს, რომ აშშ-ის ახალ ადმინისტრაციასთან მისი მსოფლმხედველობითი თანხვედრის გავლენით, დასავლეთსა და საქართველოს შორის ურთიერთობის „გადატვირთვა“ მოხდება. ოპოზიცია კი ელის, რომ დასავლეთი არ სცნობს „ოცნების“ ხელისუფლების ლეგიტიმურობას და გააძლიერებს მასზე ზეწოლას. მაგრამ როდის გააკეთებს დასავლეთი არჩევანს და მერამდენეა საქართველო მათი პრიორიტეტების „რიგში“?

„მთავარი არხი", ფაქტობირვად, დახურვის ზღვარზეა. ტელეკომპანიამ ყველა ის გადაცემა გააჩერა, რომელიც პირდაპირ ეთერში გადიოდა და ახლა ეთერში მხოლოდ ძველი ჩაწერილი გადაცემები და სერიალებია. სავარაუდო მიზეზად არხის მფლობელებს შორის კონფლიქტი სახელდება. ანალიტიკოსები არ გამორიცხავენ, რომ ადგილობრივ არჩევნებამდე სხვა კრიტიკულ არხებმაც შეექმნას პრობლემები.

თუ პარტია „გახარია საქართველოსთვის" პარლამენტში თავის მანდატებს გააუქმებს, მაშინ პარლამენტს აღარ ექნება კონსტიტუციაში რაიმე ცვლილების შეტანის საშუალება, ვერ გამოუცხადებს იმპიჩმენტს პრეზიდენტს და ვერ შეძლებს ზოგიერთი მაღალი თანამდებობის პირის არჩევას, მაგალითად სახალხო დამცველის, საკონსტიტუციო სასამართლოს მოსამართლეებისა და სხვა. თუმცა, ამით პარლამენტი მაინც ვერ გახდება ქმედითუუნარო და შესაბამისად, დღის წესრიგში ვერ დადგება ახალი არჩებნების საკითხი, რადგან ასეთ რამ კონსტიტუციაში საერთოდ არაა გათვალისწინებული.

მიუნხენში უსაფრთხოების სამდღიანი 61-ე კონფერენცია ოფიციალურად გაიხსნა, რომელშიც მონაწილეობას მიიღებს მსოფლიოს 60-მდე ლიდერი, მათ შორის აშშ-დან და ასობით სხვა წარმომადგენელი. საქართველოდან კონფერენციაში ყოფილი პრემიერი გიორგი გახარია და ექსპრეზიდენტი სალომე ზურაბიშვილი იღებენ მონაწილეობას. საქართველოს ხელისუფლება წარმოდგენილი არ არის.

„ტყუილებით სავსე რეზოლუცია" - მმართველი პარტია უპრეცედენტო ევრორეზოლუციას ეხმაურება, სადაც ევროპარლამეტი საქართველოს „ქართული ოცნების" „არალეგიტიმური რეჟიმის" მიერ დაპყრობილ სახელმწიფოდ მიიჩნევს. „ოცნებაში" ანონსებენ, რომ „დიფ სტეიტი" ევროკავშირს გაანდაგურებს, ხოლო რეზოლუციაში აღნიშნულ ბრალდებებს „ფანტასმაგორიულს" უწოდებენ.

„სტრატეგია აღმაშენებელის" ლიდერი გიორგი ვაშაძე ბრძოლის "ახალ ეტაპზე გადასვლას" აანონსებს, „როდესაც ფართომასშტაბიანი აქციები და პროტესტი იქნება". ანალიტიკოსები აცხადებენ, რომ გაზაფხულიდან აქციები ნამდვილად მოსალოდნელია, თუმცა განსხვავებული მოლოდინი აქვთ.

"ნაცმოძრაობის" სამართლებრივი შეფასების საპარლამენტო კომისიას თეა წულუკიანი უხელმძღვანელებს. ამასთან, ახალი დეტალები ხდება ცნობილი, რომლის მიხედვითაც, კომისიას შეუძლია მოქალაქეებისგანაც მიიღოს ინფორმაცია და "არ არის აუცილებელი იყოს მხოლოდ მსხვერპლი, შეიძლება იყოს მოწმე ან პროცესის მონაწილე". ამასთან, 2008 წლის ომის გარდა შესწავლის საგანი 2007 წლის კოდორის სპეცოპარაციაც იქნება.

ომი ყაიმებით არ სრულდება, მთავრდება გარკვეული მორიგებით, სადაც ერთი უფრო აგებს, მეორე უფრო იგებს. ასე რომ, მოვლენების განვითარებას უნდა დაველოდოთ, - აცხადებს პოლიტოლოგი იგორ კვესელავა, რომელსაც „რეზონანსი" უკრაინის ომის დასრულების შესახებ ესაუბრა.

ოპოზიციაში საუბრობენ, რომ ახლა რაც ყველაზე მეტად სჭირდებათ, მასშტაბური აქციებია. თან აანონსებენ, რომ მასობრივი გამოსვლები 15-სა და 25 თებერვალში იქნება. ასევე გაჟღერდა, რომ აქცია გაიმართება 18 თებერვალს, „ოცნების" საპატიო თავმჯომარის, ბიძინა ივანიშვილის დაბადების დღეზე. ანალიტიკოსების მოსაზრებები აქციის მასშტაბსა და მნიშვნელობაზე განსხვავებულია.

ევროპარლამენტი 13 თებერვალს საქართველოს შესახებ რეზოლუციას უყრის კენჭს, მანამდე ვრცელდება რეზოლუციის ტექსტის სამუშაო ვერსიები, სადაც საუბარია "ოცნების" წევრი მაღალჩინოსნებსა, თუ მასთან დაახლოებული პირების წინააღმდეგ სანქციებზე, პოლიტპატიმრების გათავისუფლებაზე, საქართველოს პრეზიდენტის ლეგიტიმაციის საკითხზე. როგორი იქნება რეზოლუცია და რა გავლენა ექნება ქვეყანაში მიმდინაზე მოვლენებზე?