მსოფლიო ორი დიდი ომის წინაშეა - გლობალურ დონეზე ვითარება განსაკუთრებით ისრაელ-ჰამასის" დაპირისპირების შემდეგ დაიძაბა, რამაც ანტისემიტურ გამოსვლებს და აგრესიული რიტორიკის ზრდას შეუწყო ხელი, მათ შორის ჩრდილო კავკასიაში. როგორც ანალიტიკოსები აცხადებენ, ვითარება ფეთქებადსაშიშია და საფრთხის წინაშე დგას მათ შორის საქართველო, მითუმეტეს, რომ სამხედრო დაპირისპირება ჩვენს სამეზობლოში მიდის.

რატომ გაიზარდა საქართველოსთვის ევროკავშირის წევრობის კანდიდატის სტატუსის მიღების შანსი და რა არის მიზეზი, რის გამოც ხელისუფლება უკვე დარწმუნებით ამბობს, რომ ქვეყანას სტატუს მისცემენ? ანალიტიკოსები „რეზონანსთან“ საუბრისას დასავლეთის შეცვლილ რიტორიკაზე მიუთითებენ და ამას რიგი მიზეზებით ხსნიან. მათი თქმით, ევროპაში ბოლო დროს რაღაცეების გადახედვა მოხდა; ჩვენს რეგიონშიც სიტუაცია ძალიან სწრაფად იცვლება და საქართველოს მიმართ სხვა დიდი მოთამაშეების, განსაკუთრებით კი ჩინეთის დაინტერესებამ, დასავლეთის პოზიციები შეცვალა.

„ქართული ოცნება" პრეზიდენტ სალომე ზურაბიშვილის მიერ, „შეკრებისა და მანიფესტაციების კანონში" ცვლილებებზე დადებულ ვეტოს დაძლევას არ ჩქარობს. მმართველ პარტიაში მიზეზად იმას ასახელებენ, რომ ევროკავშირის წევრობის კანდიდატის სტატუსის მიღების შანსები „ერთი ათად გაიზარდა" და ამის გამო „ძალადობრივი რევოლუციის გეგმებს ვერავინ განახორციელებს". როგორც „რეზონანსთან" ანალიტიკოსი ვახტანგ ძაბირაძე აცხადებს, „ოცნებას" 76 ხმის მოგროვების პრობლემა არ აქვს პარლამენტში და როცა იგრძნობს, რომ მსგავსი საფრთხე კვლავ არის, ვეტოს დაძლევენ, თუმცა ეს უფრო საგაზაფხულო სესიის ფარგლებშია მოსალოდნელი.

საქართველოს მიერ ევროკავშირის წევრობის კანდიდატის მისაღებად საჭირო რეკომენდაციების შესრულების შესახებ ევროკომისიის საბოლოო დასკვნის გამოქვეყნებამდე ერთ კვირაზე ცოტა მეტი რჩება. ანალიტიკოსთან უმრავლესობა ვარაუდობს, რომ საქართველო სტატუსს მიიღებს, ოღონდ გარკვეული დათქმებით. ეს დათქმები კი იმ 12 რეკომენდაციიდან იქნება, რასაც შეუსრულებლად, ან ნაწილობრივ შესრულებულად ჩაგვითვლიან. თუმცა, სავარაუდოდ, იქნება დამატებით პუნქტებიც. მაგალითად ევროკავშირის წარმომადგენლები ხშირად მიანიშნებენ, რომ ბოლო წლებში მნიშვნელოვნად შემცირდა საქართველოს საგარეო პოლიტიკის თანხვედრის ხარისხი ევროკავშირის საგარეო პოლიტიკასთან და როგორც „რეზონანსთან" ანალიტიკოსი ზაალ ანჯაფარიძე ამბობს, შესაძლოა, ძველ რეკომენდაციებს სწორედ ეს საკითხი დაემატოს.

ექსპრეზიდენტი მიხეილ სააკაშვილი „ვივამედის“ პალატიდან პოლიტიკურ გზავნილებს აკეთებს და სასამართლოს სხდომაზე ჩართვისას  ქვეყანში არსებულ სიტუაციაზე საუბრობს, პოლიტიკურად კიდევ უფრო  გააქტიურებას აანონსებს და ოპოზიციას გაერთიანებისკენ მოუწოდებს. 

ოპოზიცია მაუწყებლობის შესახებ კანონში ცვლილებებზე საკმაოდ მწვავე განცხადებებს აკეთებს. მათი თქმით, ეს იქნება „ქართული ოცნებისთვის" დამატებითი ბერკეტი თავისუფალი მედიის წინააღმდეგ, მით უმეტეს წინასაარჩევნო კამპანიისას. მმართველი პარტიის შეფასებით კი ეს ასოცირების შეთანხმებით აღებული ვალდებულების ფარგლებში ხდება და თუ ევროკავშირის სტრუქტურები ოფიციალურად მიუთითებენ, რომ კანონში კონკრეტული ჩანაწერი დამაბრკოლებელია, „ჩასწორდება, მაგრამ ეს ოპოზიციის ხუშტურებისა და წკავ-წკავის საფუძველზე არ მოხდება".

საქართველოს მიერ 12 რეკომენდაციის შესრულებსათან დაკავშირებით ევროკომისიის დასკვნის გამოქვეყნების თარიღის მოახლოებასთან ერთად, „ოცნების" წარმომადგენლები ოპოზიციის შესაძლო აქციებსა და არეულობებზე სულ უფრო ხშირად აკეთებენ განცხადებებს. საპასუხოდ ოპოზიციაში აცხადებენ, რომ „ოცნების" ბრალდება არასაფუძვლიანია, რადგან მსგავსი ნაბიჯების გადადგმას არ აპირებენ. ანალიტიკოსი ვახტანგ ძაბირაძე მიიჩნევს, რომ „ოცნების" განცხადებები პრევენციული ხასიათისაა, რადგან თუ 8 ნოემბერს ევროკომისიამ საქართველოს ევროინტეგრაციის კუთხით არასასურველი დასკვნა დადო, შესაძლოა ხალხი ქუჩაში გამოვიდეს.

პრეზიდენტი სალომე ზურაბიშვილი ევროკავშირის წევრობის კანდიდატის სტატუსის საკითხის გადაწყვეტას ელის და სავარაუდოდ, 2024 წლისთვის პოლიტიკაში აქტიურად ჩაერთვება. ამის შესახებ „რეზონანსთან“ ანალიტიკოსები საუბრობენ, რომლებიც მიიჩნევენ, რომ პრეზიდენტი კანდიდატის სტატუსზე ნებისმიერ გადაწყვეტილებას თავისი პოლიტიკური მიზნებისათვის გამოიყენებს.

ვინ  არიან პოლიტიკოსები, რომლებიც სტრასბურგში ევროპელ პარტნიორებთან დახურულ კარს მიღმა საუბრობენ იმაზე, რომ საქართველოსთვის ევროკავშირის წევრობის კანდიდატის სტატუსის მიღება უნდა გადავადდეს და 2024 წლის არჩევნების შემდეგ უნდა მიენიჭოს?!  ამ საკითხზე დაპირისპირება ოპოზიციაში კვლავ გრძელდება. მას შემდეგ, რაც რესპუბლიკური პარტიის თავმჯდომარე ხათუნა სამნიძემ ამაზე განაცხადება გააკეთა, ამას ირაკლი კობახიძემ „დიდი აღიარება“ უწოდა. სამნიძის მსგავსად ხატია დეკანოიძემაც დაადასტურა, რომ ევროპარლამენტარებმა ამის შესახებ უამბეს. დეკანოიძე ასეთ ასეთ პარტიად „ევროპულ საქრათველოს“ ასახელებს.  

პარლამენტის თავმჯდომარე შალვა პაპუაშვილის თქმით, თუ პრეზიდენტ სალომე ზურაბიშვილის არჩევნებში მონაწილობაზე „გეგმები სადმე იხარშება", ეს კონსტიტუციიის დარღვევაა. როგორც კონსტიტუციონალისტი ვახტანგ ხმალაძე „რეზონანსთან" აცხადებს, ზურაბიშვილს საპარლამენტო არჩევნებში მონაწილეობის შესაძლებლობა მხოლოდ იმ შემთხვევაში ექნება თუ თანამდებობიდან გადადგება.

8 ნოემბრის გაფართოების ანგარიშში გაირკვევა, მისცემს რეკომენდაციას ევროკომისია საქართველოს კანდიდატის სტატუსზე ევროპულ საბჭოს, თუ გადაწყვეტილების მიღებას დეკემბერში სრულად ევროკავშირის 27 ქვეყნის ლიდერს მიანდობს. „ქართული ოცნება" ოპტიმისტურადაა განწყობილი, თუმცა აცხადებს, რომ ოპოზიცია ჩართული იყო იმ აგიტაციაში, რომელიც მიმართული იყო კანდიდატის სტატუსის არმინიჭებისკენ. ოპოზიცია კი მიაჩნია, რომ „ოცნება" ქმნის წინაპირობებს - თუ არ იქნება სტატუსი, იპოვოს განტევების ვაცი.

მიუხედავად ჩვენი გეოგრაფიული მდებარეობისა, რეგიონული და გლობალური უსაფრთხოების გამოწვევებისა, მათ შორის უკრაინაში მიმდინარე ომისა და ახლო აღმოსავლეთის საგანგაშო დაძაბულობისა, გონივრული პოლიტიკისა და პარტნიორებთან მჭიდრო კოორდინაციით შევძელით, შეგვენარჩუნებინა ჩვენი ხალხისა და ქვეყნის უსაფრთხოება თან დავრჩით საერთაშორისო თანამეგობრობის პასუხისმგებლობიან წევრად - ამ სიტყვებით მიმართა საქართველოს პრემიერ მინისტრმა ირაკლი ღარიბაშვილმა „თბილისის აბრეშუმის მეოთხე ფორუმის" მონაწილეებს, რომელსაც საქართველო მასპინძლობს და თავად ღარიბაშვილის პატრონაჟით ტარდება.