მიხეილ სააკაშვილს დიდი ოდენობით საბიუჯეტო სახსრების გაფლანგვის საქმეზე 9 წლით თავისუფლების აღკვეთა მიესაჯა. სასამართლომ ასევე დამნაშავედ ცნო ამავე საქმეზე ბრალდებული სახელმწიფო დაცვის სპეციალური სამსახურის ყოფილი უფროსი თემურ ჯანაშია, რომელსაც 300 ათასი ლარით ჯარიმა განესაზღვრა.

პროტესტის პარალელურად "ქართული ოცნება" კანონმდებლობას ამკაცრებს, ცვლილებები შევიდა "შეკრებისა და მანიფესტაციების შესახებ" კანონში, რომლითაც გამკაცრდა როგორც ადნინისტრაციული, ისე სისხლის სამართლის პასუხისმგებლობა. კითხვაზე, ახდენს თუ არა ეს გავლენას მიმდინარე პროტესტზე, ანალიტიკოსებს განსხვავებული მოსაზრებები აქვთ.

პარლამენტის პირველი ვიცე-სპიკერი გია ვოლსკი აცხადებს, რომ ოპოზიციას მეხუთე პრეზიდენტ სალომე ზურაბიშვილისგან ლიდერის შექმნა სურთ და ზურაბიშვილით მესამე პრეზიდენტ მიხეილ საკააშილის ჩანაცვლების პროცესი მიდის, თუმცა დასძენს, რომ "ამაში სერიოზულ შეცდომებს ხედავს".

ოპოზიციონერები ბოლო დროს სულ უფრო ხშირად საუბრობენ იმაზე, რომ აქციები თვითდინებით შედეგს არ მოიტანს და საჭიროა წინა ფლანგზე წამოვიდნენ პოლიტიკური ლიდერები. ანალიტიკოსთა ნაწილი მიიჩნევს, რომ ოპოზიციური ძალები, სავარაუდოდ, ემზადებიან, რომ თავად ჩაუდგნენ სათავეში საპროტესტო მოძრაობას. ხოლო რა შედეგს მოიტანს მათი გააქტიურება, ეს სხვადასხვა ფაქტორებზე იქნება დამოკიდებული.

საქართველოს მე-5 პრეზიდენტი, სალომე ზურაბიშვილი, „საერთო საკოორდინაციო ფრონტის" შექმნის ინიციატივით გამოდის, ხოლო 31 მარტს დიდ აქციას აანონსებს. ამის შესახებ ინფორმაციას ოპოზიციის წევრები ავრცელებენ. თუმცა, ოპოზიციის ნაწილი ზურაბიშვილის გარშემო გაერთიანების იდეას კვლავ სკეპტიკურად უყურებს.

ოპოზიციის ზოგიერთ ლიდერს შორის პირადი დაპირისპირებაა და ეს პოლიტიკურ პროცესებზეც აისახება. ამის შესახებ თავად ოპოზიციის წარმომადგენლები საუბრობენ. გარდა ამისა, მმართველ პარტიასთან დაპირისპირებაში ოპოზიციის წარუმატებლობის ერთ-ერთ მთავარ მიზეად სწორედ ამ შიდა კონფლიქტებს ასახელებენ. აქვს თუ არა ოპოზიციას ამ შიდა დაპირისპირების დაძლევის რესურსი და რა მოხდება, თუკი ამას ვერ შეძლებენ?

11 მარტს სენატის საგარეო ურთიერთიბათა კომიტეტში "მეგობარი აქტს" განიხილავენ. "ქართული ოცნება" იმედოვნებს, რომ დოკუმენტის ერთ-ერთი თანაავტორის ჯო უილსონის მოწოდებები არ გაჭრის "მისი უტოპიური იდეა იმასთან დაკავშირებით, რომ თითქოს, საქართველო არის ირანის მოკავშირე, არ იქნება განვითარებული". ოპოზიციაში კი აცხადებენ, რომ აქტს ორპარტიული მხარდაჭერა აქვს.

ხელისუფლებაში დარწმუნებულები არიან, რომ ოქტობერში ოპოზიცია ადგილობრივ არჩევნებში მონაწილეობას აუცილებლად მიიღებს. თავად ოპოზიციის წარმომადგენლები კი აცხადებენ, რომ „მანამ, სანამ სისტემა არ შეიცვლება და სამართლიანი თამაშის წესები არ დაწესდება" არჩევნებში არ ჩაერთვებიან.

"ქართული ოცნების" აღმასრულებელი მდივანი მამუკა მდინარაძე აცხადებს, რომ მომავალში საქართველოს მიმართ აშშ-ის მიდგომებით და თანამშრომლობის ფორმებით გამოჩნდება "მოხერხდა თუ არა ამერიკაში "დიფ სთეითის" დამარცხება".

ას დღეზე მეტია, რაც ქვეყანაში უწყვეტი პროტესტი მიმდინარეობს, თუმცა, ვერცერთმა დაპირისპირებულმა მხარემ სასურველ შედეგს ვერ მიაღწია. ერთის მხრივ, ხელისუფლებამ ვერ შეძლო პროტესტის ბოლომდე ჩახშობა და აქციები დღემდე იმართება. მეორეს მხრივ კი, დასავლეთში მიღებული მკაცრი რეზოლუციებისა და კონკრეტულ მაღალჩინოსნებზე დაწესებული სანქციების მიუხედავად, „ოცნებას" რყევა არ ეტყობა და არც თავის ოპონენტთა მოთხოვნების შესრულებას და ახალი საპარლამენტო არჩევნების დანიშვნას აპირებს. სადამდე შეიძლება გაგრძელდეს ეს მდგომარეობა და რას უნდა ველოდოთ გაზაფხულზე?

ლევან ცუცქირიძის მოძრაობა „თავისუფლების მოედანი" პოლიტიკურ პარტიად ჩამოყალიბდა. არის თუ არა ეს ახალი პარტიების გაჩენის დასაწყისი და რამდენად შესაძლებელია ვიხილოთ იმ საზოგადოებრივი მოძრაობების პარტიებად გაფორმების სერია, ვინც ბოლო პერიოდის საპროტესტო გამოსვლებისას გამოჩნდა პოლიტიკურ ასპარეზზე? ამ ამ პროცესზე და ზოგადად პოლიტიკაში ახალი სახეებისა და ახალი პარტიების გაჩენის აუცილებლობაზე პერიოდულად თავად ოპოზიციაში კეთდება განცხადებები, მათ შორის სალომე ზურაბიშვილის მხრიდანაც.

„ძლიერი საქართველოს" ლიდერის, მამუკა ხაზარაძის ინიციატივა, რომ უნდა შეიქმნას ალტერნატიული პოლიტიკური ცენტრი, სადაც წამყვან როლს სალომე ზურაბიშვილი შეასრულებს, ოპოზიციაში აზრთა სხვადასხვაობა გამოიწვია. ვინ რა პირობით დათანხმდება შეთავაზებას, ან მოხერხდება თუ არა ხაზარაძის იდეის გარშემო ოპოზიციის გაერთიანება, ჯერ უცნობია. თუმცა ვიცით, რომ პარტია „გახარია საქართველოსთვის" ამაში მონაწილეობას არ აპირებს.