რუსეთსა და საქართველოს შორის ავიაბილეთები ძალიან ძვირია და ამიტომ ქვეყნებს შორის მიმოსვლა მოქალაქეებს ისევ სახმელეთო გზით ურჩევნიათ. გამოდის, რომ ერთი თვის წინ მოხსნილი ავიაემბაგრო და აღდგენილი რეისები დიდი პოპულარობით ვერ სარგებლობს. საინტერესოა, ასეთი სიძვირე ჩენარჩუნდება ზაფხულის სეზონის გააქტიურებასთან ერთად, თუ კომპანები ბილეთებს გააიაფებენ?

ქართულ ბიზნესში ყველგან კადრების სიმცირეს უჩივიან. პრობლემა სულ უფრო ღრმავდება. მუშახელს თითქმის ყველა დარგი ითხოვს, მაგრამ დასაქმება დიდად არავის სურს. ახლა მდგომარეობა კიდევ უფრო გამწვავდა, გარდა იმისა, რომ ბიზნესი მუდმივად სპეციალისტების სიმცირეზე საუბრობდა, პრობლემა სამუშაო ძალის დეფიციტსაც შეეხო.

ბოლო 5 თვეში საქართველოში იმპორტი საგრძნობლად გაიზარდა, რომელიც ისედაც უარყოფითი სავაჭრო ბალანსის ზრდას შეუწყობს ხელს. იმპორტდამოკდებული სახელმწიფოსთვის სხვა ქვეყნიდან პროდუქციის შესყიდვის ზრდა გასაკვირი არ არის, მაგრამ ეს  გარემოება შემდგომში როგორც პროდუქციის ღირებულებაზე, ისე ლარის კურსზე ახდენს გავლენას, ამიტომ საინტერესოა, ახლაც იქნება თუ არა რაიმე მსგავსი გვერდითი მოვლენები?

თხილის მოსავლიანობა მატულობს. ფერმერები აცხადებენ, რომ ბოლო წლების განმავლობაში მიმდინარე სეზონი ერთ-ერთი საუკეთესოა, როცა მოსავალი იზრდება და ხარისხიც მეტ-ნაკლებად გამორჩეულია. ამ მხრივ სახელმწიფო პროგრამამაც კარგად იმუშავა, ფერმერებმა დროულად მიიღეს ზომები. სექტორი ახლა მთლიანად ამინდზეა დამოკიდებული. მწარმოებლები დაახლოებით 55 ათას ტონა თხილს ელოდებიან, რა თქმა უნდა, თუკი ყველაფერი ნორმალურად განვითარდება.

საქართველოს ეროვნული ბანკის გარშემო აჟიოტაჟმა პიკს მიაღწია. სიტუაცია ყოვედღიურად სულ უფრო იძაბება და გაურკვეველია საბოლოოდ როგორ განვითარდება მოვლენები. ამ ეტაპზე ცნობილია, რომ არც პრეზიდენტი აპირებს უკან დახევას და არც "ქართული ოცნება”, რომლის საპარლამენტო გუნდმაც სალომე ზურაბიშვილის მიერ დადებული ვეტო სწრაფად დაძლია.

სანავთობო ბაზარზე სიტუაცია ისევ მკვთრად შეიცვალა. ამ ეტაპზე ფასი ერთბაშად იკლებს. 1 დღე-ღამის განმავლობაში ბრენტის  ნავთობის ფიუჩერსები 2 დოლარით დაეცა და ახლა ანუ 72 დოლარს ფარგლებშია. მიუხედავად იმისა, რომ მსხვილი ექსპორტიორები წარმოების შემცირებაზე ალაპარაკდნენ, ეს არსებულ სიტუაციას ნაკლებად შველის. ახლა რეალიზაციის მხრივ რუსეთს მეტი გასაქანი აქვს, ვიდრე ადრე ჰქონდა, შესბამისად ოპეკის გადაწყვეტილება ბირჟებზე ვეღარ მოქმედებს.

სარემონტო სამუშაოების ღირებულება ბოლო 2-3 წელიწადში გაორმაგდა. პანდემიის პერიოდში დაწყებული ტენდენცია, ძირითადად, სამშენებლო მასალების გაძვირებას უკავშირდებოდა. ეს ფაქტორი დღესაც ძალაშია, თუმცა ნაკლები მასშტაბით, დროთა განმავლობაში ფასებზე გავლენა იქონია პროფესიონალი კადრების სიმცირემ და ბაზარზე გაზრდილმა მოთხოვნამ. ამიტომ ახლა ხელოსნის მომსახურება უფრო ძვირი ღირს, ვიდრე საჭირო მასალები. საფასო ტენდენცია იმდენად მზარდია, რომ მოქალაქეების უმრავლესობა ბინის საფუძვლიან რემონტს ვერ ახერხებს.

ქვეყანაში სოციალური უთანასწორობა შემცირდა. ბოლო მონაცემებით, შემოსავლებს შორის განსხვავება ყველაზე დაბალ ნიშნულზეა. მართალია,  ჯინის კოეფიციენტი საკმაოდ მაღალ 0.34%-ია, თუმცა უნდა აღინიშნოს, რომ მაჩვენებელი ასეთი დაბალი აქამდე არასოდეს ყოფილა.

მოსახლეობას კომუნალური გადასახდელები მინიმუმ წელიწად-ნახევარი არ გაუძვირდება, შემდეგ კი რა მოხდება, უცნობია. უნდა აღინიშნოს, რომ  უკვე დიდი ხანია, გადასახადები სტაბილურადაა და როგორც ირკვევა, ასეც დარჩება რაღაც პერიოდით, რაც ნამდვილად დადებითია, მაგრამ ამავე დროს საინტერესოა, მთელი ამ დროის განმავლობაში ნუთუ არც ერთხელ არ ყოფილა იმის შესაძლებლობა, რომ ტარიფები შემცირებულიყო და მოსახლეობას ცოტაოდენი შვება ეგრძნო?

ორშაბათიდან საქართველოში იმპორტირებულ ფქვილზე 200-ლარიანი გადასახადი დაწესდება, რომელიც ძალაში 5 თვის განმავლობაში იქნება. ასეთი გადაწყვეტილება მთავრობამ მაისის ბოლოს მიიღო, რომელსაც მეხორბლეები დიდი ხანია ითხოვდნენ. ისინი კი პირობას დებენ, რომ წისქვილები ადგილობრივ სასურსათო ხორბალს ჩაიბარებენ და თანაც ქვეყანაში ე.წ. სოციალური პური არ გაძვირდება.

კობა გვენეტაძის წასვლის შემდეგ, ეროვნული ბანკის გარშემო აჟიოტაჟი არ ცხრება, საუბარია იმ კანონპროექტზე, რომლის მიხედვითაც სებ-ში ცვლილებები უნდა განხორციელდეს. პრეზიდენტმა რამდენიმე ხნის წინ აღნიშნულ კანონს ვეტო დაადო, თუმცა იყო დაპირება, რომ მთავრობის კანდიდატურას სალომე ზურაბიშვილი პარლამენტს წარუდგენდა, მაგრამ პრეზიდენტი ასე არ მოიქცა. ახლა კი „ოცნება“ ამბობს, რომ ვეტო დაიძლევა და პარლამენტს კანონპროექტის მიღება მაინც მოუწევს. საინტერესოა, როგორ მოხდება ეს ყველაფერი და საბოლოოდ გავა თუ არა მთავრობის კანდიდატურა ეროვნული ბანკის საბჭოში?

საქართველოს მთავრობის მიერ დევნილთა მიმართ დახმარება გრძელდება, არაერთი პროექტია ამუშავებული და მომავალშიც ძალაში შევა, რომელიც ომის შემდეგ იძულებით გადაადგილებულ ადამიანებს დაეხმარება. მაგალითად, წელს 233 მლნ ლარია გამოყოფილი, თუმცა ყველა მხარე ადასტურებს, რომ მასშტაბებიდან გამომდინარე, პრობლემა 1 და 2 წელში ვერ გადაიჭრება.